¹ Elyo Yawe atile kuli Mose, ''Kabiye kuli Farao nokumweba, 'Yawe alanda ifi: ''Leka abantu bandi baye pakuti bampepe ine. ² Nga wakana ukuti baleya, nkaleta bacuula pacalo cobe conse. ³ Umumana ukesulamo bacula. Bakafumamo nokwingila mung'anda yobe, mu muputule obe untu usendamamo, napabusanshi bobe. Bakengila namumayanda yaba bomfi bobe. Bakaya na kubantu bobe, namumabuku yobe namufipe ifyakukaminamo fyobe. ⁴ Bacula bakakusansa iwe, abantu bobe, nababomfi bobe bonse.''''' ⁵ Yawe asosele kuli Mose, ''Landa kuli Aaroni, 'Tambika ukuboko kobe ne nkonto yobe pamimana, imilonga, nefishiba, nokuninika bacula mu calo ca Egypti.'' ⁶ Aaroni atambike ukuboko kwakwe pamenshi yonse aya mu Egypti, nabacula balifumine nokukumana icalo ca Egypti. ⁷ Lelo ing'anda shacitile ifyo fine kubwanga bwa bwabo; nabo baletele bacula mucalo ca Egypt ⁸ Elyo Farao akutile Mose na Aaroni nokulanda, ''Pepeni Yawe ukuti afunye bacula kuli ine nabantu bandi. Elyo ndeleka abantu baye, pakuti bayepeela amalambo kuli ena.'' ⁹ Mose atile kuli Farao, namukwata ishuko ilya kunjeba ine ifyo ningamipepelela imwe, ababomfi benu, na bantu benu, pakuti bacula bataluke kuli imwe na mayanda yenu nokwikala mu mumana mweka.'' ¹⁰ Farao atile, ''Mailo,'' Mose atile, ''Kacibe ifyo fine walanda, pakuti wishibe ukuti takwaba uwalingana na Yawe Lesa wesu. ¹¹ Bacula bakafuma kuli iwe, amayanda yobe, ababomfi bobe, nabantu bobe. Bakekala mumenshi epela.'' ¹² Mose na Aaroni bafumine kuli Farao. Elyo Monse alilile kuli Yawe pamulandu naba cula aletele kuli Farao. ¹³ Yawe acitile ifyo Mose alombele: Bacula bali fwile mu mayanda, mumansa, na mumabala. ¹⁴ Abantu baibakolongenye pamo imiina necaalo calinunkile. ¹⁵ Ilyo Farao amwene ukuti cawama, akoseshe umutima wakwe kabili taumfwile kuli Mose na Aaroni, pamo ngefyo Yawe atile ukuti efyo akacita. ¹⁶ Yawe atile kuli Mose, ''Landa kuli Aaroni, 'Buula inkonto yobe nokuma palukungu lwapa mushili, pakuti lube ba mung'wi ng'wi mucalo conse ica Egypt.'' ¹⁷ Bacitile ifyo. Ilyo Aaroni aimishe ukuboko ne nkonto yakwe nokuma ulukungu panshi, bamung'wi ng'wi baishile kubantu ne nama. ulukungu lonse panshi lwasangwike bamung'wi ng'wi mucalo conse ica Egypt. ¹⁸ Ing'anga shalyeseshe ukupanga ba mung'wi ng'wi ukubomfya ubwanga leelo shalifililwe. Eico kwali ba mung'wi ng'wi pabantu ne nama. ¹⁹ Elyo ing'anga shatile kuli Farao, ''Uyu mwana wakwa Lesa! Nomba umutima wakwa Farao walilengelwe ukukosa, elyo alikene ukumfwa kuli bena. Cali ngefyo Yawe asosele ukuti efyo Farao ali nokucita. ²⁰ Yawe atile kuli Mose, ''Ima ulucelo celo nokuya iminina kucinso cakwa Farao ilyo akalaya ku mumana. Landa kuli ena, Yawe atila ifi, ''Leka abantu bandibaye pakuti ba mpepe ine. ²¹ Lelo ngawakanya abantu bandi ukuya, nkatuma balunshiabengi kuli iwe, naba bobomfi bobe, nabantu bobe, na mumayanda yobe yonse. Amayanda yabena Egypt yakesulamo balunshi, no mushili apo yaiminina ekulapo balunshi. ²² Lelo pali bulaya bushiku nkalolenkana necalo ca Gosheni munshila iyaibela, icalo umo abantu bandi bekala pantu kwena takwakabe balunshi kulya. Ici cikacitika pakuti mukeshibe ukuti nine Yawe mukati kaici calo. ²³ Nkalekanya pakati ka bantu bobe na bantu bandi. Ici cishibilo ica maka yandi cikacitika mailo.''''' ²⁴ Yawe acitile ifyo, na balunshi abengi baishile mung'anda yakwa Farao namu mayanda yaba bomfi bakwa Farao. Mucalo conse ica Egypt, icalo calyonaike kuli balinshi. ²⁵ Farao aitile Mose na Aaroni nokulanda, ''Kabiye, kapeele ilambo kuli Lesa obe mu calo cobe.'' Mose atile, ''Taciweme ifwe ukucita ifyo, pantu amalambo tupela kuli Yawe Lesa wesu cintu icishisansamusha abena Egypt. ²⁶ Nga twapeela amalambo ayashibasekesha mu menso yabo abena Egypt, bushe tabakatulase amabwe? ²⁷ Iyo, ubulendo bwanshiku shitatu ubotulingile ukupanga ukwingila muciswebebe, pakuti tukapele ilambo kuli Yawe Lesa wesu, pamo nga ifyo atwebele ifwe.'' ²⁸ Farao atile, ''Nkamisumunisha ukuya nopela ilambo kuli Yawe Lesa wenumuciswebebe. Lelo iwe taufwile ukuya apatali. Mpepelako.'' ²⁹ Mose atile, ''Ilyo line ndefuma pali iwe, ndepepa kuli Yawe ukuti balinshi bafume kuli iwe, Farao, nababomfi bobe nabantu mailo. Nomba taufwile ukucita ifi mubucenjeshi nakabili ukupitila mukukana ukusuminisha abantu besu ukuya kukupela ilambo kuli Yawe.'' ³⁰ Mose afumine kuli Farao nokupepa kuli Yawe. ³² Yawe acitile ifyo Mose aipwishe; kabili afumishe balunshi kuli Farao, ababomfi bakwe, nabantu bakwe. Takwali nangu umo uwashele. Nomba Farao akoseshe umutima iinshita nakabili, nabantu tabasuminishe ukuya. ³¹ Lelo Farao akoseshe umutima wakwe nakabili, tasuminishe abantu ukuya.