¹ Yetulo, shimapepo wa ku midiani, shifyala Mose, alyumfwile fyonse ifyo Lesa acitile kuli Mose na ku bena Israeli abantu bakwe. Alyumfwile kuli Yawe ifyo afumishe abena Israeli mu Egupti. ² Yetro shifyala wakwa Mose, aimishe Sipora umukashi wakwa Mose, panuma alekele no kumutuma ku mwabo. ³ Kabili nabana bakwe abaume babili; ishina lyaumo umwaumwe ali ni Gershomo, pantu Mose atile, "Pantu naba umutula tula mumpanga ya bweni." ⁴ Neshina lya mubiye ali Elieshere, pantu Mose atile, "Lesa wa fikolwe fyandi nikafwa wandi. Nampususha ku lupanga lwa kwa Farao. ⁵ Yetro, shifyala wakwa Mose, aishile nabana baume no mukashi wakwe baishile kuli Mose mumatololo uko ali munkambi pa lupili lwa kwa Lesa. ⁶ Elyo atile kuli Mose, "Ine, nesofyala Yetro, naisa kuli iwe kabili nali no mukashi obe nao ali nabana bakwe abaume babili." ⁷ Mose alifumine nokukumanya shifyala, awile ubunkupeme, kabili nokumutomona.Kabili balalanshanya no kulaipushanya pamikalile yabo kabili baingile mwi tenti. ⁸ Mose ashimikile shifyala fyonse ifyo Yawe acitile kuli Faraona na kubena Egupti pamulandu wakwa Israeli, na yonse amacushi yaba ponene mu nshila, ne fyo Yawe abapuswishe bonse. ⁹ Yetro alisansamwike pali conse icisuma Yawe acitile abena Israeli, pantu alibapuswishe ukufuma kuminwe yabena Egupti. ¹⁰ Yetro atile, "Lekeni acindikwe Yawe, pantu napususha ukufuma ku minwe yabena Egupti na muminwe yakwa Farao, kabili uwafumishe abntu mwisamba lya kuboko kwa bena Egupti. ¹¹ Nomba naishiba ukuti Yawe alicila ba lesa bonse, pamulandu waici cicitike ku bena Egupti abaituntumbile pa bena Israeli, Lesa napususwa abantu bakwe. ¹² Yetro, shifyala wakwa Mose, aletele Lesa umutulo wakoca na malambo. Aaroni na bakalamba bonse aba mu Israeli baishile mukulya icakulya pa cinso cakwa Lesa pamo na Mose shifyala. ¹³ Kabili ubushiku bwakonkelepo Mose alikele panshi ku kupingula abantu bakwe. Abantu baiminine no kumushinguluka ukufuma ulucelo ukufika icungulo. ¹⁴ Elyo shifyala wakwa Mose amwene fyonse ifyo alecitila abantu, na atile, ''Mulimo nshi uyu ulebombela abantu? Cinshi wikalile weka na bantu bonse ukulaisa kuli iwe ukufuma ulucelo ukufika icungulo?'' ¹⁵ Mose atile kuli shifyala ati, ''Abantu besa kuli ine ku kwipusha ubulungami bwa kwa Lesa. ¹⁶ Ilyo ngakwaba ukupusana, bonse besa kuli ine. Nandi mpingula pakati kaumo nomunankwe, kabili ine ndabafunda no kubapela amafunde ya kwa Lesa. ¹⁷ Shifyala wakwa Mose atile kuli ena ati, ''Imibombele yobe taiweme. ¹⁸ Iwe ukunaka mucinefye wemwine, iwe na bantu abali naiwe. Ici cisendo nacikulila iwe. Tekuti ubombe uyu mulimo weka. ¹⁹ Umfweni kuli ine. Nalakupandako amano, na Lesa akaba naiwe, pantu niwe wimaninako abantu bobe kuli Lesa, kabili niwe wakula twala ukupusana kwabo kuli Lesa. ²⁰ Kabili ufwile ukubafunda ifipope na mafunde yonse. kabili ufwile ukubalanga bonse inshila bafwile ukwendelamo ne milimo bafwile ukubomba. ²¹ Pa bantu bonse aba, iwe ufwile usalepo abantu abafikapo ukufuma mubantu bonse abantu abapetamina Lesa, abantu bacishinka abacetekelwa. Kabili uku basonta ukuba bacilolo pabantu bobe bonse, no kubacita intungulushi ukulatungulula abantu amakana, imyanda, amakumi yasano na bakwangalila abantu amakumi. ²² Kabili bafwile ukupingula abantu munshita yanga yonse, nomba amafya ne milandu balekuletela. Leelo umulandu onse unonon kuti ba pingula abene. Muli iyi nshila kuli caba icayanguka, kabili mwafwane ukusenda icisendo. ²³ Nga wacita ci, kabili nga efyo Lesa alekukambisha ukucita, ninshi ukaba na maka ya kubomba, kabili aba bantu bakaya kumyabo abasansamuka.'' ²⁴ Apo pene Mose aumfwile kuli shifyala amashiwi no kucita fyonse ifyo asosele. ²⁵ Mose kabili asalile abaume abafikapo ukufuma mubena Israeli no kubabika intungulushi pa bantu, ba cilolo bakwangalila pabantu amakana, pabantu myanda, pa bantu aamakumi yasano, na pabantu amakumi. ²⁶ Bafwile ukulapingula abantu munshila yalinga yonse. Umulandu uwakosa bafwile batwale kuli Mose, nomba abene bapingule yonse imilandu inono. ²⁷ Elyo Mose alekele wishifyala aye, na Yetro abwelelemo na kumpanga yakwe.