¹ Elyo Yawe asosele kuli Mose, ukutila, ² ''Landa kubana ba Israeli ukuti bafwile ba bwela nokupanga inkambi Pihahirote, pakati ka Migidode na bemba, mupepi na baali - Sefene. Mufwile ukupanga inkambi mululamba lwa bemba apalungatana na Pihahirote. ³ Farao akalanda palwa bana ba Israeli ukuti, ''Bena bafundauka mu calo. Amatololo nayabesalila.'' ⁴ NNkakosha umutima wakwa Farao. kabili akabasupila. Nkapoka ubu cindami pamulandu wakwa Farao na mufita fyakwe fyonse. Nabena Egypt bakeshiba ukuti nine Yawe.'' Eico aba Israeli bapangile inkambi ngefyo balangililwe. ⁵ Ilyo imfumu yabena Egypt yaebelwe ukuti aba Israeli nabafyuka, imitontonkanishe yakwa Farao na ba bomfi bakwe baalukila abantu. Balandile, ''Finshi twacita? Natuleka abena Israeli ukufuma muku tubombela.'' ⁶ Elyo Farao akakile iceleta lyakwe nokusenda ifita fyakwe balaya. ⁷ Asendele ama celeta ayasalwa ayali imyanda mutanda na yonse ama celeta aya mu Egypt naba mushika pali yonse. ⁸ Yawe akoseshe umutima wakwa Farao, imfumu yabena Egypt, ne mfumu ya supile abana ba Israeli. Nomba abena Israeli balibwelelem nabacimfya. ⁹ Leelo abena Egypt bali ba supile, kumofye naba kabalwe na maceleta yab, nabantu bakwe ali naba kabalwe, na ifita fyakwe. Balilecilila inkambi yabena Israeli kulubali lwa bemba pa Pihahirote, kunuma ya baali Zephoni. ¹⁰ Ilyo Farao apalamine, abana ba Israeli baloleshe kabili bali papwike. Abena Egypt baleelanda balebakonka, kabili ba tinine cibi. Abana ba Israeli balilile kuli Yawe. ¹¹ Batile kuli Mose, ''Nipamulandu wakuti tamwaba imanda mu Egypt, ukuti usende ifwe nokwisa fwila mu matololo? Cinshi ulutucushisha ifi fine, ukutufumya mu Egypt? ¹² Bushe ifi tefyo twakwebele umu Egypt? Twalandile kuli iwe, ''Tuleke fwebene, pakuti tubombele abena Egypt. ''Nga caliweme ifwe ukulabombela abena Egypt ukucila ukufwila mumatololo.'' ¹³ Mose alandile kubantu, ''Mwikwata umwenso. Imininenifye na ukumona ifyo Yawe alamicitila pabushiku ubwelelo. Pantu tamwakatale amumonapo abena Egypt nakabili abo mwamona pabushiku bwe lelo. ¹⁴ Yawe alemilwilako, kabili mufwilefye mwaiminina abakosa.'' ¹⁵ Elyo Yawe atile kuli Mose, ''Mulandunshi iwe, Mose, ukunkanishishepofye ukulilila kuli ine? Eba abana ba Israeli baleyafye kuntanshi. ¹⁶ Imya inkoto yobe, uma pali bemba nokulikanya amenshi pabili pakuti abantu abena Israeli bengaya ukupita muli bemba pa mushili uwauma. ¹⁷ Beni abaibukila ukuti nkakosha imitima ya bena Egypt eco batangileko pali bena. Nkaba mobucindami pamulandu wakwa Farao ne fita fyakwe fyonse, nama celeta yakwe, nabaume bakensha wabakabalwe wabo. ¹⁸ Kabili abena Egypt bakeshiba ukuti nine Yawe ilyo nkapoka ubukata pamulandu wakwa Farao, nama celeta, nabakensha wabo waba kabalwe abaume.'' ¹⁹ Malika wakwa Lesa, Uwaile kuntashi ya nkambi ya bena Israeli, aile na ukuya kunuma yabo. Necibumba ce kumbi cafumine kuntashi yabo na ukuya iminina kunuma yabo. ²⁰ Ikumbi lyaishile pakati ka nkambi ya bena Egypt na bena Israeli. lyali likumbi ilyafita ku bena Egypt, leelo lyasanikile ubushiku kubena Israeli, eico ulubali lumo talwalepalamina ku lunankwe ubushiku bonse. ²¹ Mose atambalike ukuboko kwakwe pali bemba, Yawe alengele bemba ukuseshiwa ku mwela wakukabanga uwakosa ubushuku bulya bonse nkulenga bemba yaba umushili uwauma. Muli iyi nshita amenshi yalyakanishiwe. ²² Abena Israeli bapitile pakati ka bemba apauma. Amenshi yapangile icibumba kuli bena kulubali lwaku kuboko kwabo ukwa ku kulyo na ukwa ku kuso kwabo. ²³ Abena Egypt, bali basupile. Balibakonkele panuma mukati ka bemba - bonse bakabalwe bonse abakwa Farao, amaceleta na abaume bapali bakabalwe. ²⁴ Leelo munshita yalucelo- celo, Yawe alolekeshe panshi pafita fya bena Egypt mu cibumba ca mulilo na mwikumbi. Aletele icimfulunganya pakati kabena Egypt. ²⁵ Amawilo ya ma celeta yabo yalikakilwe, na baume ba pali bakabalwe balecusiwa pa kwenda. Elyo abena Egypt batile, ''Natufulumuke abena Israeli, pantu Yawe alebalwilako kuli ifwe.'' ²⁶ Yawe atile kuli Mose, ''Tambalika ukuboko kobe pali bemba pakuti amenshi yese yabwelele pali bena Egypt, ama celeta yabo, na baume bapali bakabalwe.'' ²⁷ Eico Mose atamabike ukuboko kwakwe pali bemba, kabili yabwelele ukulingana nefyo yali ilyo ulu celo lwamoneke. Abena Egypt balefulumuka muli bemba, na Yawe abaponeshe pakati kauko. ²⁸ Amenshi yabwelele nokufimba ama celeta ya bena Farao, abaume ba bakabalwe, nefita fyonse ifya konkele ama celeta pali bemba. Tapali nangu umo uwashele. ²⁹ Eico, abana ba Israeli baendele pamushili uwauma pakati ka bemba. Amenshi yapangile icibumba kuli bena ku kuboko kwabo ukwa ku kulyo na ukwa ku kuso kwabo. ³⁰ Eico Yawe apuswishe abana ba Israeli pali bulya bushiku ukubafumya mu minwe yabena Egypt, kabili abana ba Israeli ba mwene ifitumbi fya bena Egypt kumbali ya bemba. ³¹ Ilyo abana ba Israeli ba mwene ubukulu bwamaka ya kwa Yawe ayo abomfeshe pa bena Egypt, abantu ba pele umucinshi kuli Yawe, kabili ba cetekele Yawe na umubomfi wakwe Mose.