¹ Ici ecebo ca kwa Yawe icaishile kuli Safania umwana wa kwa kushi umwana mwaume wakwa Gedalia umwana mwaume wakwa Amaria umwana mwaume wakwa Hisekia, mu nshiku sha kwa Yosia umwana mwaume wakwa Amose imfumu ya mu Yuda. ² ''Nebo nkonaula ukufikapo fyonse ifintu ukufifumyapo pa mulola wa calo uku ekulanda kwakwa Yawe. ³ Nebo nkonaula abntu na inama, nkonaula ifyoni fya mulwelele kabili na isabi lya muli bemba, ukonaula kwa pamo na imbifi. Ico nebo nkalofya umuntu ukufuma pa mulola wa calo uku ekulanda kwakwa Yawe. ⁴ Nebo nkatambulwila ukuboko kwandi pali Yuda na bonse abekanshi ba mu Yerusalemu. Nebo nkolofya bonse abashalako aba kwa Bali ukufuma pali ici cifulo kabili na mashina ya bantu bapepa utulubi mukati ka ba shimapepo, ⁵ Abantu abo pamulu ya mayanda bashimuna imibili yaba mu mulu, kabili abantu abo abashimuna na ukulapa kuli Yawe lelo kabili abo abalapa ku mfumu shabo. ⁶ Nebo nkalofya bonse abafutatuka ukufuma mu kukonka Yawe, abo abashimufwaya Yawe nangu kulomba ubutungulushi bwakwe.'' ⁷ Ikaleni tondolo ku mulola wakwa shikulu Yawe! Ico ubushiku bwa kwa Yawe buli mupepi, Yawe alipekenye ulambo kabili alishishishe abo abakutwa bakwe. ⁸ ''Cikesa kuba pabushi bwe lambo lya kwa Yawe, eco nebo nkalimuna ba naa abana baume ba mfumu nkalimuna ala umo uukafwala insalu shamufyalo fimbi. ⁹ Pali bulya bushiku nebo nkalimuna uyo onse uutoloka apakupelela, abo baisusha amayanda yabeshikulu babo na ulukakala kabili na ukupepwa. ¹⁰ Kabili efyo cikaba pali bulya bushiku uku ekulanda kwakwa Yawe ukulila kwa kutitikishiwa kukafuma pa mpongolo ya isabi, na umusowa ukufuma mu mushi wa bubili, kabili na iciunda ca kupunka ukukalamba ukufma mumilundu. ¹¹ Lileni imisowa, mwe bwkashi ba mushika wa mushi, ico bonse abantu ba mu kenani balyonawilwe, abo bonse abapima Silfere bakaputulwako. ¹² Cikaba muli ilya nshita ukweba ati nebo nkasokota Yerusalemu na inyali kabili na ukulimuna abantu abo abaikalila mumwangashi wabo na ukweba mu mitima yabo ati, Yawe tekuti acite nangu cimo, cibe cabuune nangu cabubifi,.' ¹³ Ubunoshi bwabo bukesa kuba ifyakutapa, kabili amayanda yabo yakaba bonaushi ubwakulekeshiwa, bena bakalekukula amayanda lelo tabakalekwikalamo,kabili umwangashi. ¹⁴ Ubushiku bukalamba ubwa kwa Yawe buli mupepi, mupepi kabili bukoendesha mukwangufyanya! launda sha mushiku bwa kwa Yawe akaba kubati kulila kwa mpalume iko shikitika! ¹⁵ Bulya bushiku bukaba bushiku bwa cipyu ubushiku bwakucushiwa kabili ubushiku bwakushikitika, ubushiku bwa cimwela kabili ubushiku bwa bonaushi, ubushiku bwa mfimfi kabili ubushiku bwa fitisha, ubushiku bwa cikumbi kabili ubushiku bwa mfimfi yakufita fititi fitit. ¹⁶ Bukaba bushiku bwa ntandala kabili ubwa fyasungusha pa misumba ya iyakucingilwa namalinga kabili na ulunsambunsambu lwa bipisha. ¹⁷ Ico nebo bkaleta ukucushiwa pa muntunse icakweba ati bena bakalekwendauka kubati bantu impofu pantu bena balibembukile, Yawe. Umulopa wabo ukalekumfumfuka kubati lukungu, na ifiputulwa fyamukati kabo kubati mafisho. ¹⁸ Cibe ni Silfere yabo nangu ni golide yabo tafyakabalubule bena pabushiku bwa kalumwa kakwe conse icalo cikaabulwa ico ena akalata impela, impela yabipa kuli onse umwikashi wa pa calo.''