¹ Umwaume akolanda ku mwanakashi. Ndishile mwi bala lwandi, we ukashu yandi, we nabwinga wandi; ndikolonganikile Muri wandi no twanunkila. Ndilile impumaya buci kumo no buci bwandi; ndinwini umwangashi wandi ku mo no mukaka wandi. Abanandi bakolanda ku mwaume kabili umwanakashi alilile, mwebanandi; akunweni no kuba abakukolwa kumo ne citemwiko. ² Nalikulele, elo umuntima wandi walikulola. kuliko iciunda camuntemwikwa wandi akokonkonsha no kwalanda ati, '' Nyiswilako, we nkashi yandi, we kutemwa kwandi, we nkunda yandi, uwakubulo kukowela wandi, ico umuntwe wandi ulibombele ku cime, umushishi wandi ku mantonintoni ya bushi.'' ³ Ndifulile umwingile wandi; Bushe mfwile ukufwala nakabili? ndisambile amakasa yandi bushe mungayalenga ukulamba?'' ⁴ Umutenwikwa wandi ali bikile ukuboko kwakwe ukupulukanya mu cipunda cacakwiswilako iciseko, kabili umutima wandi ulikubukile pamulandu wa ena. ⁵ Nalimine ku kwisula iciseko pamulandu wa mutemwikwa wandi amaboko yandi yalikutonya Muri, iminwe yandi no mutonshi Muri pa cakwililako iciseko. ⁶ Naliswileko iciseko pa mulandu wa mutemwikwa wandi, lelo umutemwikwa wandi alipilibukile kabili alile umuntima wandi walikulukile. Nalimufwile ntamusangile; Nalimukutile lelo tangasukile. ⁷ Ba malonda balinsangile ulo balikushinguluka mu musumba. Balingumine no kuncena; ba kalinda pa fibumba balisendele icakuifimba candi ukufuma kuli nebo. Umwanakashi akolanda ku banakashi ba mu musumba. ⁸ Nkofwaya mwebo ukulapa mwebana banakashi ba mu Yelusalemu, icakweba ali nga mukosanga umutemwikwa wandi findo mukolenga fishibukwe kuli ena? icakweba ati ndilwele ukufuma ku citemwiko. Abanakashi ba mu musumba bakalanda ku mwanakashi ⁹ Bushe ukubune ndo ubwa mutemwikwa obe ukucila na umbi umwaume uwatemwikwa, uwakucishamo ukuyemba mu banakashi? Nindo umutemwikwa obe awamina ukucila na umbi uwatemwikwa icakweba ati, ulitwipwishe ukubula umulapo uwamusango uyu? umwanakashi akolanda ku banakashi ba mumusumba ¹⁰ Umutemwikwa wa kupeshima kabili wakukashikila, wakutambwa pa baume amakana ikumi limo. ¹¹ Umutwe wakw wakulopololwa kwa golide, umushishi wakwe wa mpolombo kabili wakufita ni mwankole. ¹² Amenso yakwe yali kubati ni nkunda pa mbaliya tumilonga utwa menshi. ayakusambwa mu mukaka yabikwa kubati fisamo. ¹³ Amatobo yakwe yakuba kubati nimpati nimputa sha ba molwa wa twakununkila nga mputa sha fyakusuba, imilomo yakwe maluba ya mukolwa, ayakokotonya muri. ¹⁴ Amaboko yakwe fyalishingulwako golide iyakubikwako na Topasi; ukufuma lwakwe linolya nsofu icakuputikapo Safiri. ¹⁵ Amolu yakwe ni nceshi sha libwe lya marbele, ishaku shimpwa pa mashinte aya golide uwakufikapo; imimonekele yakwe ili kubati ni lebanoni, uwakusala nge mukendari. ¹⁶ Akanwa kakwe kalicishamo ukulowa; alitemwikilwe umupwilapo uyu mutemwikwa wandi kabili uyu emunandi, abana banakashi bamu Yelusalema.