Icipandwa 99
1
Yawe akoteka; lekeni inko shitutume ena aikala pacipuna waba karubi; icalo cilatutuma.
2
Yawe mukalaba mu Sioni; ena alisansabikwe pamulu wa inko shonse.
3
Lekeni bena balekutatakula ishina lyenu ilikalamba kabili ilyabukata ena wa mushilo.
4
Imfumu yakukosa, kabili ena alitemenwe ubulungami. Walishimpa umulinganya; walicita ubololoke nobulungami muli Yakobo.
5
Lumbanyani Yawe wesu kabili mushishimuneni pacipuna camakasa yakwe. Ena wamushilo.
6
Mose na Aroni bali muli bashimapepo bakwe, kabili Samueli ali pali abo abalikukuta peshina lyakwe. Bena balikutile peshina lyakwe kabili alibasukile.
7
Ena alilandile kuli bena ukufuma muluceshi lye kumbi. Bena balisungile abafundisho yakwe aya mutalalila kabili ne fipope ifyo abapele.
8
Webo walibasukile bena, we Yawe Lesa wesu. Wali kuli bena, we Lesa wa bwelelo, lelo umo uyo wali kulimuna imicitile ya membu shabo.
9
Lubanyani Yawe Lesa wesu, kabili mushishimuneni pa lupili lwakwe ulwakushila, Yawe Lesa wesu wakushila.