Icipandwa 64
Ulwaku ngomba nkalamba. ilumbo lyakwa Davidi.
1
Umfweni ishiwi lyandi, Lesa, kutikeni kuku ilishanya kwandi; sungeni umwweo wandi ukufuma ku mwenso wa kutina abalwani bandi.
2
Mu mfise ku mapange yamunkama ayaba ncitatubi ukufuma ku cimfyulunganya caba kacita wa lubembu.
3
Balinona indimi shabo ni mpanga; balitontele imifwi yabo amashiwi ayabubi.
4
Pakweba ati bakolasa umuntu uwakaele ba mulandu tabatina nangu cimo.
5
Balaikoselesha abene beka mumaponge yabubifi; balepushanya capamo munkama pakweba ati.'' bateye ifiteyo; Balalanda ati, ''Nina akotumona?''
6
Balacita amapange aya bubifi, ''tulipwile, ''efyo balanda,'' ukupekanya ukwabune.'' Amatontonkanyo yamuklati nankati ne mitima ya bantu fyalila ifyakushika.
7
Lelo lesa akabalasa; pekapo fye bakale kulanshiwe ku mifwi yakwe.
8
Bakalengwa ukutententa, pakuti indimi shabo shilibemine abene; bonse abakabamona bakale ku pukumya fye imitwe yabo.
9
Bonse abantu bakatina kabili bakalumbulula ificitwa fyakwa lesa. Mu mucetekanya baka tontonkaya pafyo acita.
10
Abalungami bakasansamukila pali Yawe kabili bakoba muli ena; bonse abaololoke mutima bakaba ne cilumba muli ena.