Icipandwa 62
Ulwa ku ngomba nkalamba pali Yebutuni. ilumbo lyakwa Dabidi.
1
Ndapembela Lesa ekafye mumutalalila; ipusukilo lyandi lifuma kuli ena.
2
Ena eka fye eciliwe kabili ipusukilo lyandi elumpungu lwandi ulwakusansuka; nshakatelentete.
3
Bushe kufika kunshita ndo, mwebo mwense, mukasansa muntu, pakweba ati mu muselebule kwati cibumba cakutundama nangu ulupanga ulwa kusokona sokona?
4
Balamwipushiba fye ukweba ati bamuwishe ukumufumya pacifulo cakwe icabukankala. kutunwa ukulanda ifya bufi, balamupala kutunwa twabo, lelo mumitima yabo bala mukunga ifilayi
5
Ndapembela Lesa ekafye mumutalalila; isubilo lyandi lyaba muli ena.
6
Ekafye ena ecilibwe kabili ipusukilo lyandi; ulupungu lwandi ulwakusansuka ntaka teshiwe.
7
Kuli lesa ekwaba ipusukilo nobukata bwandi; icilibwe camaka yandi kabili ukuba kwabdi kwaba muli Lesa.
8
Mutetekeleni munshita shonse, mwebantu, pangololeni umutima wenu ku cinso cakwe; Lesa ecubo kuli fwebo.
9
Cinse abantu bucikulu bantu baba mupufye, nabantu ababa lwakubukankala baba bufi fye; bakalemba fye panono mucapiminamo; ukupima bonse pamo, bakwangaka ukucila imiyeye.
10
Mwicetekela mumutitikisha nangu mubungo, kabili mwisubila apafye mufyuma pantu tafyakatwale fisabo; mwibikapo umutima.
11
Lesa alilandile umuku umo, umiku ibili nalyumfwapo ici, amaka yakwa Lesa.
12
Kabili kuli mwebo; shikulu, kwaliba icipangano cacishika, pantu mulabwesesha kuli cila muntu pafyo acita,