Icipandwa 52
Lwa ngomba nkalamba. Ilumbo lya kwa Dabidi; ulo Doege umwina Edomu aishile nokweba shauli noku mwebati, ''Dabidi alishile ku nganda yakwa Ahimeleki.''
1
Nindo ukwatile icilumba mukucita ifyabubi we mapalume? Bucishika bwa cipangano ca cishinka cakwa Lesa cilesa cila bushiku.
2
Ululimi lobe lupinga ubonaushi kubati lwembe lwakutwa, ukubombela mubu cenjeshi.
3
Uwalitemwa ububi ukucila ubune nobufi ukucila ukulanda ubulungami.
4
Walitemwa amashiwi yonse yakoyakonaula bambi we lulimi lwabufi.
5
Lesa nao cimo cine akakonaula umuyayaya; akakwimya nokukufumpulamo mwi Hema lyobe nokukunukulamo mu calo caba mweo.
6
Abalungami nabo bakacimone nokutina bakamuseka nokulanda ati,
7
''Moneni, uyu muntu uushacitile Lesa icubo cakwa, lelo acetekele mu bwingi bwa fyuma fyakwe, kabili ali uwakukosa ulo alimukonaula bambi.''
8
Lelo nebo, ndi nge cimuti ca muolife uwakulelema mu nganda yakwa Lesa; nkacetekela mu cilayo cacishika cakwa Lesa umuyayaya no muyayaya.
9
Nkamitotela umuyayaya pafyo mwacita. nkalekuli ndililila pe shina lyenu, pantu lyabune, mu menso yababile benu.