Icipandwa 24
Malumbo lwakwa Dabidi
1
Isonde lyakwa Yawe, nefyaisulamo fyonse, ne calo na bonse abaikala muli cena.
2
Pantu alicimikele pali babemba no kucipampamika pa mimana.
3
Ninani uwinganina palupili lyakwa Yawe? Ninani uwingeminina mu cifulo cakwe Icamushilo?
4
Uyo uwaminwe yabune no mutima yakupwililika; uushasumbula bufi, kabili uutalapapo mulapo pakwebati abepe.
5
Akapokelela ne palo ukufuma kuli Yawe no bulungami ukufuma kuli Lesa we pusukilo lyakwe.
6
Iyi nikulo ya abo abamufwaisha ena, abo abafwaisha icinso cakwa Lesa wakwa Yakobo.
7
Sumbuleni pamulu imitwe yenu, mwe mpongolo, sumbulweni pamulu mwe fibi fya muyayaya, pakwebati imfumu yabukata ingengila.
8
Nimfumu ndo iyi iya bukata Yawe, uwakukoka kabili uwabulamba; Yawe uwabulamba mu bulwi.
9
Sumbuleni pamulu imtwe yenu, mwe mpongolo, mube abakusumbulwa pamulu, mwe fibi fya muyayaya, pakwebati imfumu yabukata ingengila.
10
Nimfumu ndo iyi iyabukata? Yawe uwa milalo, ena emfumu yabukata.