¹ Findo ifyo inko shalunkanina, kabili findo ifyo abantu bakopangila amapange ayebusha? ² basha mfumu bapali lino isonde baliminina bonse ne ntungulushi shonse pamo ba imina Yawe no kwimina kalubula wakwe, nokulanda ati, ³ ''Natuputaule ififungilo fyabo ifyo ba bika pali fwebo, nokusukusa imiyololo yabo.'' ⁴ Uyo uwaikala mu myulu akaseka pali bena shi kulu akabapunya bena. ⁵ Elo akalanda kuli boo mubukali bwakwe kabili mu cifukushi cakwe no kubeba mukubasakamika ati, ⁶ ''Nebo ne mwine, nalisuba imfumu yandi mu Zioni, ulupili lwandi ulwa mushilo. Nkabilisha ulwacipope cakwa Yawe. ⁷ Alilandile kuli nebo, ati, ''uli mwana wandi umwaume! ubwalelo nasanguka wiso. ⁸ Ungipushe nebo, kabili nkonkupela webo inko ngekwatwa cobe kabili impela shapano isonde e cakaniko cobe. ⁹ Ukaciputula kunkoto yacela; kubati ninongo yamu bumfi, ukabashinaula mu tupimfya tupimfya.'' ¹⁰ Eco nomba, mwebo mwesha mfumu, mube abakusokwa; shilimukeni, mwebo mweba pingushi ba pa calo. ¹¹ Shinshimwineni Yawe mukatina kabili angeni mukututuma. ¹² Tomoneni umwana mwaume epali aba nobukali kuli mwebo, pantu muli nokufwa ulofye ubukali bwakwe bukapya pakashitafye. ifyo baba abakushuka bonse abo aboba muli ena.