Icipandwa 14
Ulwa ku ng'omba nkalamba. Ilumbo lya kwa Dabidi.
1
Icipumbu cikolanda mumutima waciko, "Takuli Lesa."Balyanaikile elo balicitile imembu sha muselu; takuli nangu umo ukocita icabune.
2
Yaw akolilesha panshi ukufuma mumulu pabana babantu ukulekumona nga pali nelo umo ukoumfwa, uukofwaya ena.
3
Bonse bali mufutatile. Bonse balyonaikile. Takuli nelo umo ukocita icabune, iyo, nelo umo.
4
Bushe tabeshibilipo nagu cimo, abo abapangile ulubembu, abo abakolya abantu bandi nefyo bakolya umukate, lelo tabakokuta pali Yawe?
5
Baliketwe no mweno uukalamba, pantu Lesa ali mulukuta ulwakulungama!
6
Mulifwaile ukupakasa umuntu umulanda nelo Yawe aba icubo cakwe.
7
Iye, pakwebati ipusukilo lyakwa Israeli kuti likofuma mu Sioni! Ulo Yawe akobwesesha abantu bakwe ukufuma muli bunkole, elo Yakobo akasekelela elo na Israeli akasansamuka!