¹ Icimonwa cakwa Obadia. Shikulu Yawe alilandile ici palwa kwa Edomu: Tulyumfwile akasebo ukufuma kuli Yawe na shibukombe alituminwe mu nko, akolanda, ''Imeneni! lekeni tumwimine ku kulwa'' ² Moneni, nkokulenga umunono mu nko; uli no kusushiwa apakulu. ³ Icilumba ca mutima obe cilikulebelelekele, webo weukoikala mu fyakubelamamo fya cilibwe, webo ubwikashi bobe bwaba umwakusansuka, ukolanda `mu mutima obe, ninani uukontentemusha ukuntwala pa nshi?'' ⁴ Nelyo ukolelalela pa mulu nga kapumpe kabili nelyo icinsa cobe cilibikilwe mukati ka ntanda nkokwikisha ukutula kulya uku kulanda kwa kwa Yawe. ⁵ Nga abang'o balishile kuli webo, nga abakwiba balishile ubushiku ifyo wingabulilwa! bushe nga tabakwibile fyonse fintu balikukabila? bushe abasaba imyangashi nga balishile kuli webo, bushe nga tabashile utwakupolamo fye? ⁶ Ifyo Esau bamupokolwele, ifyasungilwe mu cipao ifyalikufwaikwa! ⁷ Bonse abaume abakulwafwa bakafuma webo pa lwendo ku mupaka. Abaume abakwete umutede nobe baliukubelekele, kabili bacimfishe pali webo bonse abakolya umukate obe baliteyele iciliba mwisamba lyobe. Tamuli ukwishiba ,muli webo. ⁸ ''Pali ubo bushiku nebo'' uku ekulanda kwa kwa Yawe ''Onaula aba abaume abamano abatula ku Edomu no kwishiba ukufuma mu lupili lwakwa Esau? ⁹ Abaume ba bulamba bobe bakatentuka, Temani, pakwebati umwaume onse engaputulwako ukufuma ku lupili lwakwa Esua mukwipaiwa. ¹⁰ Pa mulandu wakufutika ukwacitilwe kuli wenu Yakobo ukaba uwakukupwa ne nsoni, kabili ukaba uwa kuputulwako umuyayaya. ¹¹ Pa bushiku walikwiminine fye, pa bushiku abeni balikusenda ifyuma fyakwe, ne mitulatula yaingile mu mpongoilo shakwe, no kupendula pali Yelusalemu, wali kubati uli umo uwa muli bena. ¹² Lelo wilekutamba pa bushiku bwakwa wenu, mu bushiku bwaku shama kwakwe, kabili wilakusekelelela kwabo; ¹³ wilekutakisha mu bushiku bwa kumanama kwabo. Wilekwingila mu mpongolo sha bantu bandi mu bushiku bwa kayofi kabo; wilekutamba pa bubi bwako mu bushiku bwa busanso bwabo, wilekwikata fyuma fyabo mubushiku bwa kubulwa kwabo. ¹⁴ Wilekwiminina pa mampatu ya misebo ku kuputula ababutukile bakwe, kabili wikababwekeshamo abapusumukile mu bushiku bwa kumanama. ¹⁵ Ico ubushiku bwakwa Yawe bulipaleme pa nko shonse, Ngefintu mucitile, ici no kucitika kuli mwebo, ificitwa fyenu fikobwelela pa mitwe yenu. ¹⁶ Ico ngefintu munwinine pa lupili lwandi ulwa kushila kanshi nko shonse shikanwa ukutwalilila. Bakalekunwa no kulekumina kabili cikalekuba kubati tabatalile ababako. ¹⁷ Lelo mu lupili lwa Sioni kukaboko abakupusunsuka, kabili cikaba ica kushila; ne nganda yakwa Yakobo ikakwata ifikwatwa fyabo. ¹⁸ Inganda yakwa Yakobo ikalekuba umulilo, ne nganda yakwa Yosefe ulubingu, ne nganda yakwa Esau ikalekuba ifisoso, kabili bakaleku fyoca, no kufipwishishisha. Takwakabeko wa kupusunsuka ku nganda yakwa Esau, ico Yawe alicilandile.'' ¹⁹ Abantu ukutula ku Negeri bakakwata ulupili lwakwa Esau na bantu baku mpanga shaku mutentemuko bakakwata impanga yaba Pelishiti. Bakakwata impanga yakwa Eframu ne mpanga yakwa Samalia, na Benjamini akakwa ta Gileadi. ²⁰ Ba nkole ba fita fya bantu bakwa Isreali bakakwata impanga yakwa kanani ukufika ku Sarefati, ba nkole ba mu Yelusalemu, abali mu Sarefati, bakakwata imisumba ya mu Negeri. ²¹ Bakapususha bakaya bakanina ku lupili lwa Sioni ku kuteka pa calo ca lupili lwa kwa Esua, no bufumu bukaba bwakwa Yawe.