¹ Yawe aebele Mose na Aaroni ati, " ² abena Israeli bali nakulaimika amatenti yabo ukulekushinguluka Henti lya kumeninamo pa nkambi, Lelo bafwile ukuletelushako ama tenti yabo umuntu onse akabe mwibumba lyampuka ya luko lwakwe akabika icishinilo ce lunga lwa luko pe tenti lyakwe. ³ "ku kabanga kulya kutulila akasuba, kukaba iciputulwa ca nkambi yakwe yada no luunga lwabo. cikaba mu mpuka mu mpuka sha mikowa yabo. intungushi yabena yuda ni nashoni mwana Aminadabu. ⁴ Impendwa yebumbu lyakwe, abantu amakana amakumi cine lubali na yane ne myanda mutanda. ⁵ "uluko lwakwa Isaka elukabakonkapo intungushi ya bena Isaka ni netaneli mwana suari. ⁶ Impendwa ye bumba lyakwa bantu amakumi yasano na yane ne myanda ine. ⁷ "Uliko lwakwa sebulami elukakopo intungushi ya bena sebulani ni Eliabu mwanan Eloni. ⁸ Impendwa ya bumba lyakwe, abantu amakana amakumi yasano na cine lubali ne nyande ine. ⁹ Abaume bonse abapendelwe mu ciputulwa ca nkambi ica kwa Yuda mupuka mu mpuka, bali amakana umwanda umo na mutanda ne myanda ine. Aba bantu ebafwile ukuba pantanshi nga bafuma pa nkumbi balipo. ¹⁰ ''Ku kapinda kaku kulyo lubali kukaba iciputulwa ca nkambi icakwa Rubeni no luunga lwabo. Cikaba mu mpuka mu mpuka sha mikowa yabo. Intungulushi ya bena Rubeni ni Elisuri mwana Shedeuri. ¹¹ Impendwa ye bumba lyakwe, bantu amakumi yane na mutanda ne myanda isano. ¹² ''Uluko lwakwa Simeoni elukabakonkapo. Intungulushi yabena Simeoni ni Shelumieli mwana SuriShadai. ¹³ Impendwa ye bumba lyakwe, bantu amakana amakumi yasano na pabula ne myanda itatu. ¹⁴ ''Uluko lwakwa Gadi elukakonkapo. Intungulushi ya bena Gadi ni Eliasafu mwana Reueli. ¹⁵ Impendwa ye bumba lyakwe, bantu amakana yane na yasano ne myanda mutanda na makumi yasano. ¹⁶ abaume bonse abapendelwe mu ciputulwa ca nkumbi icakwa Rubeni, mu mpuka mu mpuka, bali amakana amakana umwanda umo na makumi yasano na limo ne myanda ine na makumin yasano. ¹⁷ Elyo abena Levi pakusenda itenti lyakukumaninamo bali nokulaenda pakati, kuntanshi kube amabumba yabili nakunuma nako kube amabumba yabili. Mulya mwine bakonkanina ukukwikala mu nkambi, emo na pakwenda bali no kukonkanina. Impuka yonse ili nokuba pa ncende apali uluunga. ¹⁸ ''Ku masamba ekukaba iciputulwa ca kamba icakwa Efulemu no luunga lwabo. Cikaba mu mpuka mu mpuka sha mikowa yabo. Intungulushi ya bena Efulemu ni Elishama mwana Amindi. ¹⁹ Impendwa ye bumba lyakwe, bantu amakana amakumi yane ne myanda isano. ²⁰ Uluko lwakwa Manase elukabakonkapo. Imtungulushi ya bena Manase ni Gamalielimwana Pedasani. ²¹ Impendwa ye bumba lyakwe, abantu amakana amakumi yatatu na yabili ne myanda ibili. ²² Uluko lwakwa Benjamini elukakonkapo. Intungulushi yabena Benjamini ni Abidani mwana Gideoni. ²³ Impendwa ye bumba lyakwe, abantu amakana amakumi yatatu na yasano ne myanda ine. ²⁴ Abaume bonse abapendelwe muciputulwa cankambi icakwa Efulenu, mu mpuka mu mpuka, bali amakana umwanda umo na cine konsekonse no mwanda umo. Aba bantu ebafwile ukuba abacitatu nga bafuma pa nkambi balipo. ²⁵ ''Ku kapinda ka ku kuso lubali ekukaba iciputulwa ca nkambi icakwa Dani no luunga lwabo. Cikaba mu mpuka mu mpuka sha mikowa yabo. Intungulushi ya bena Dani ni Ahieseri mwana Amishadai. ²⁶ Impendwa ye bumba lyakwe, abantuamakana amakumi mutanda na yabili ne myanda cine lubali. ²⁷ ''Uluko lwakwa Asheri elukaba konkapo. Intungulushi yabena Asheri ni Pagieli mwana Okirani. ²⁸ Impendwa ye bumba lyakwe, abantu amakana amakumiyane na limo ne myanda isano. ²⁹ ''Uluko lwakwa Naftali nao elukakonkapo. Intungulushi ya bena Naftali ni Aira mwana Enami. ³⁰ Impendwa ye bumba lyakwe, abantu amakana amakumi yasano na yatatu ne myanda ine. ³¹ Abaume bonse abapendelwe mu ciputulwa ca nkambi icakwa Dani, mu mpuka mu mpuka, bali amakana umwanda umo na makumi yasano na cine lubali ne myanda mutanda. Aba abantu ebali nokulaba abakulalekeleshako nga bafuma pa nkambi mu mikowa yabo pa ncende apali uluunga lwabo.'' ³² aba e bena Isreali bonse abapendelwe mu ndupwa shabo. Bonse aba bali mu fiputulwa fya nkambi mu mpuka mu mpuka kabili ne mpendwa yabo yali amakana imyanda mutanda na yatatu ne myanda isano nakumi yasano. ³³ Nga filya fine Yawe akonkomesha Mose, abena Levi bena taba pendelwe pamo na bena Isreali bambi. ³⁴ Kanshi abena Isreali ba citile fyonse ifyo Yawe akonkomesha Mose. Baikele mu nkambi mu mpuka mu mpuka. Kabili na pakufuma pa nkambi cila muntu aleba mu mukowa wakwe ukulingana nolupwa lwakwe.