¹ Nebo ndi muntu wamona ukucucutika mwisa,mba ya nkoto ya cipyu cakwa Yawe. ² Alimfumishipo no kulenga nebo ukwendela mu mfimfi nangu ukucila ulubuto. ³ Icine cine alipilibula ukuboko kwakwe ukwimina nebo nakabili na kabili, akasuba konse. ⁴ Alilengele umunofu wandi ne nkanda ukuloba; alitobele amafupa yandi. ⁵ Ena alitebelele imilimo yakwina nebo, no kunshinguluka no kucucutika no kushupikwa. ⁶ Alilengele nebo ukwikala mu ncende sha kutita, kubati niabo bafwile kale, ⁷ Alikulile icibumba ca kushinguluka nebo kabili tekuti imfyuke, Alilengele iminyololo yandi ukufina. ⁸ Nangula ninga kuta no kulila ubwafwilisho alaputula ipepo lyandi. ⁹ Alishinkile inshila yandi ne cibumba ce libwe lya baswa; alilengele inshilayandi ukukolobana. ¹⁰ Aba ukubati cibuli cikololela ukumfukila, nge nkalamo ifiseme; ¹¹ alifutatile inshila shandi, alinengele ukuba inkumba bulili. ¹² Alibenyamike ubwa bwakwe no kuntenyanya nge cakuposapo umufwi wakwe. ¹³ Alilashile imfyo shandi ne mifwile shakwe isha muchola. ¹⁴ Nalilyalwike isekwe ku bantu bandi bonse, ulwimboi lwabo ulwa papuni kasuba konse. ¹⁵ Alinjiswishe ne miti yakulula no kumpatika ukunwa ifya bululu. ¹⁶ Alilengele amenso yandi ukupelwa no nsakalabwe, no kulenga nalambalala mu mito. ¹⁷ umweo wandi uli bulilwe umutende; Ndilabile ne fyaba ubunonshi. ¹⁸ Eco nkolanda ati, ''ukushipikisha kwandi kuli lobele kabili efyo ne subilo lyandi muli Yawe.'' ¹⁹ Ibakisheni ukucula kwandi no kulanguluka kwandi, ubuluku no bukali. ²⁰ NKotwalilila ukucibukisha no mweo wandi ulikungumene muli nebo. ²¹ Lelo nko ibukisha ici kabili palici ndikwete isubilo; ²² Icitemwiko cakutwalilila cakwa Yawe tacipwa kabili inkumbu shakwe tashaba na mpela, ²³ Fyabaifipya cila lucelo; icishinka cenu cikalamba. ²⁴ ''Yawe cakaniko candi, '' Efikolanda umweo wandi, eco kunshi nkosubila muli ena. ²⁵ Yawe wabune kuli abo abamulolela, ku mweo umufwaya ena. ²⁶ Ca bune ukulolela tondolo ipusukilo lya kwa Yawe. ²⁷ Ca bune ku muntu pakwebatiengapita ikolo mu busepela bwakwe. ²⁸ Lekeni ekale eka muli tondolo, ulo cabikwa pali ena. ²⁹ Lekeni abike akanwa kakwe mulukungu limbi kuti mwaba isubilo. ³⁰ Lekeni apele isaya lyakwe ku ukomuma, no kweka ena esushiwemo na kumpula no kusebana. ³¹ Pantu shikulu takatukane umuyayaya, ³² Lelo nangula alenga ukukalipwa, akaba no luse ukulingana no kufula kwa citemwiko cakwe icikalamba. ³³ Pantu takalipwa ukufuma ku mutima wakwe nagu ukulunfulusha abana ba bantunse. ³⁴ Ukushonaula abafungwa banono isonde panshi ya makasa, ³⁵ Ukukana umulinganya wa muntu mu ceni ca wakupulamo, ³⁶ Ukukana umuntu wa mulinganya mwilubululo lyakwe -shikulu takasuminishi icamusango uyu! ³⁷ Nani uwalanda kabili Calicitika, kanofye shikulu acisuminisha? ³⁸ Bushe tacafuma mukanwa ka wapulamo ukwebati amalanda no busuma fise? Nindo umuntu wamweo engalishanisha? ³⁹ Nindo umuntu engailishanisha pa kukandwa pa membu shakwe? ⁴⁰ Natubebete inshila shesu no kushesha, kabili lekeni tubwelele kuli Yawe. ⁴¹ Natusumbule imitima na maboko yesu kuli Lesa mu myulu. ⁴² ''Tulipulile mu mafunde nokuba ubusangu, kabili webo tautwelele. ⁴³ Webo waliutisa no bukali no kutukonka, walipaya kabili ta washako. ⁴⁴ Walifimba wemwine ne kumbi pakwebati takuli ipepo lingapita. ⁴⁵ Walitulenga ukuba kubati bafiko no kukana pakati ka bantu. ⁴⁶ Bonse abalwani besu balatutipa, ⁴⁷ Ukukandwa no kushupikwa kulishile pali fwebo, ukulunguluka no konaulwa. ⁴⁸ Amonso yalapongolola imilonga ya filamba pamulandu bonaushi bwa bantu bandi. ⁴⁹ Amonso Yandi yakolila ifilamba ukwabula ukuleka, ukwabula ukutusha, ⁵⁰ Ukusuka Yawe ukufuma ku mulu akaloleshe panshi no kumona, ⁵¹ Amenso yandi yalaleta icikonko ku mweo wandi panulandu wa bana bandi bonse aba mu calo candi. ⁵² Nali lungwa kuba koni kuli abo abali abalwani bandi; ⁵³ bali kundunga ukwabula, umulandu. Bali putula ubumi bwandi mu nindi, ⁵⁴ kabili baliposele ibwe pali nebo, Kabili, balilengele amenshi ukupoma, ukufimba umutwe wandi, nalandile ati, ''Nebo ndi putwilwe.'' ⁵⁵ Nalikutile pe shina lyenu, Yawe, ukufuma umwashika mu nindi. ⁵⁶ Walyamfwile ishiwi lyandi ulo nalandile, wishinka ukutwi kwenu ku kulila kwandi ukwa bwafwilisho.'' ⁵⁷ Walishile mupepi na nebo pa bushiku namikutile; walandile ati, ''witina. ⁵⁸ Shikulu mwalipokolwe umulandu wa mweo wandi, walilubwile umweo wandi! ⁵⁹ Yawe, uli mwene ububi bacitile kuli nebo, upingule umulandu wandi. ⁶⁰ Ulimwene ici landushi cabo conse, Yonse amapange yabo pali nebo. ⁶¹ walyumfwa ukusebanya kwabo Yawe, na yonse amapange ayakumine nebo. ⁶² Imilomo no kushetulula kwa balwani bandi kalingimine ubushiku bonse. ⁶³ Lotesha ifya bekala nolo bema, balampumya mu nyimbo shabo. ⁶⁴ Bwesesha kuli bena ii balingile, Yawe, kulingana ne ficitwa fya minw yabo. ⁶⁵ Ukalenga imitima yabo ukuba ne nsoni! ⁶⁶ Ulabasupila mu bukali no kubonaula ukufuma mwisamba lya myulu, Yawe!''