¹ Elo Yoshua umwana mwaume Nuni alitumine abaume babili mubumfisolo ukufuma ku Shittim nga bakalengula. Alandile, ''kabuyeni muye kumona, nakucilisha Yeriko, ''Nabo balile elo baishile ku nganda yakwa cilende uweshina lya Rahabu, elo baile ikala mulya. ² Baliyebele imfumu yaku Yeriko, ''moneni abaume bamu Isreali balishile muno kukulengula calo.'' ³ Imfumu yaku Yeriko yalitumine amashiwi kuli Rahabu elo yalandile, ''Bafumye panse abaume abeshile kuli webo abengile ku nganda kobe pantu balishile ku kulengula icalo conse. ⁴ Lelo umwanakashi alibulile abaume babili elo alibafishile, Alyaswike ati, ''Ee abaume balishile kuli nebo lelo nebo inshishibile uko bafumine. ⁵ Balile ulo kwaciba kulifitile ulo lnshita yacifika iyakwisala impongolo ya musumba. Nebo inshishibile uko balolele. Mulinekubekata nalimo nga mukoendesha ukubakonko panuma. ⁶ Lelo ena alibabulile nokubaninika pamulu wa mutenge elo abafishile mu tumuti twa kolokondwe uto alikutantika pa mutenge wakwe. ⁷ Elo abaume babakonkele mu musebo uwalikulola ku fyabu fya Yordan. Pa mpongolo paliselwa kale kale ulo fye abalikubakonka bafumine panse. ⁸ Abaume bali tabati balale ulo ena aninine alile pa mulu wa mutenge kuli bena. ⁹ Alilandile, ''Nebo ndishibile ukutila Yawe alimipele mwebo icalo elo kabili umwenso wa mwebo ulishili pali fwebo. abo bonse abalikwikala mu calo bali nokusunguluka pacinso ca mwebo. ¹⁰ Tulyumfwile ifyo Yawe alikukamya amenshi muli Bemba wa matete kuli mwebo ulo mwalikufuma mu Egupto. Tulyufwile nakabili ifyo mwebo mwacitile ku mfumu shibili isha bena Amore kulya bushilya lya Yorodan- Sihoni elo na Og- uyo mwebo mwaonawilefye onse. ¹¹ Lilya lwinefye fwebo twaumfwile ci fwebo imitima yesu yalisungulukile elo tamwashele nangu umo uwashipile-pantu Yawe Lesa wenu ni Lesa wamumulu elo na panshi ya calo. ¹² Elo nomba ndepapata mulape kuli nebo, muli Yawe ukutila, nga ififine nebo na mikwatila uluse mwebo, muli no kwisakubelela uluse kuba munganda yakwa tata. mumpele nebo icishibilo cacishinka. ¹³ Icakutila muli nokwisa kupususha imyeo ya kubatata, bamayo, indume shandi, inkashi shandi, elo ne ndupwa shabo shonse, elo nokutila muli nokwisa kutupususha fwebo ukufuma kumfwa.'' ¹⁴ Abaume balandile kuli wenu, ''imweo yesu ibe yenu, mpaka nemfwa! Nga tawakulakalanfda pa makwebo yesu, elo ulo Yawe akotupela fwebo tuli nokuykwisakubelela uluse elo ne cishinka kuli mwebo. ¹⁵ Elo alibecishe panshi kunse ukupitila pa nsolokoto ukobomfya umwando, Inganda iyo alikwikalamo yakulilwe mwilinga lya musumba. ¹⁶ Alilandile kuli bena, ''kabiyeni mu mpili elo no kufisama, limbi abakulemifwaya kuti baisa ku misanga. mufisame kulya pa nshiku shitatu mpaka fye abakomufwaya bakabweluluke. Elo milekuya mu nshila yenu.'' ¹⁷ Abaume balandile kuli ena, ''Tatuli nokuba abakukakilikwa ku filayo fya mulapo webo walenga fwebo ukulapa ku nga webo taukocita ici. ¹⁸ Ulo fwebo tukoisa kwingila mu calo, webo ukakakile uyu mwando wakukashika mu nsolokoto ukupita umo webo watulenga fwebo ukwikila, elo mwibo mukakolongene mu nganda ba wiso elo banoko, indume shobe elo na bonse aba mu nganda yakuli wiso. ¹⁹ Uyo onse ukalekufuma kunse ya fibi fya nganda yobe ukuya mu misebo imulopa yabo ukalekuba pa mitwe shabo elo fwebo tatwakabe abamulandu. Lelo nga ukuboko kwatambalikwa pali onse uuli muli mwebo mu nganda, umulopa wakwe uli nokuba pa mitwe ya fwebo. ²⁰ Lelo nga webo walanda pa makwebo yesu tukalekuba aba kaele ukufuma ku mulapo webo ulengele fwebo ukulapa.'' ²¹ Rahabu alyaswile, ''Leka ifyo webo ulelanda ficitwe Alibatumine ukuya elo nabo balifumipo elo alikakile -umwando musolokoto. ²² Balifune elo balile pa mulu mumpili elo balikele kulya inshiku shitatu mpaka fye abali kubafwaya babwelele. Abalikubafwaya balifwalikishe monse mumbali ya musebo elo Tabasengile nelyo cimo. ²³ Abaume babili balibwelulukile elo balyabuke elo balibwelele kuli Yoshua Mwana wakwa Nun, elo balimwebele fyonse fyali kucitika kuli bena. ²⁴ Balandile kuli Joshua, ''cine cine Yawe alipele ici calo kuli fwebo. Bonse abekashi ba mu calo balesunguluka pa mulandu wa fwebo.''