¹ Ishi encende sha mpanga isho abantu bakwa Isreali bapokelele pamo nge cikwato cabo mu calo ca Kenani, ico shimapepo Elisa, Yoshua umwana mwaume wakwa Nuni, ne ntungulushi sha mikowa yafikota fyakwa Isreali fya pelwe kuli bena. ² Ifikwatwa fyabo fyasalilwe mukupendula ku mikowa pabula na citika, fyeke efyo Yawe aba kambishe ku kuboko kwa Mose. ³ Pantu Mose alipele icikwata ku mikowa ibili na citika peshilya lya nika ya Yordani, lelo abena lebi tabapeleko icikwatwa. ⁴ Umukowa wakwa Yosefe bena bali imikowa ibili, Manase na Efraimu, Abena Lebi tababa-peleko icakaniko mu calo, kano fye imisumba imo imo umwakwikala, ne mpanga shaku cemenamo ifitekwa, nomwa ku kwatila ifyabo abene. ⁵ Abantu bakwa Isreali balitile fyeke ifyo Yawe akambishe Mose efyo ba abanye impanga. ⁶ Elo umukowa wakwa Yuda walishile kuli Yoshua ku Gilgali, kalebu umwana mwaume wakwa Yefune uwaku Kenisi, amwebele ati, ''Mulishibile ifyo Yawe alandile kuli Mose umuntu wakwa Lesa mwebo nandibo ku kadeshi Benea. ⁷ Nali ne myaka amakumi yane ulo Mose umubobomfi wakwa Yawe antumine ukufuma ku kadeshe Banea ukuya kulengule calo. Nalimuletele akasebo fyekefyo cali mu mutima wandi ukucita. ⁸ Lelo ba abo twaile nabo balilengele imitima yabantu ukusunguluka ku mwenso. Nomba nebo nalikonkelefye Yawe Lesa wandi umupwilapo. ⁹ Mose alilapile pali bulya bushiku, ukweba ati, cine fye impanga iyo ulukasa lobe lwaendamo ikaba cikwatwa cobe nabana bobe umuyayaya, pantu webo ulinkokele Yawe Lesa wandi umupwilapo; ¹⁰ Nomba, Mona! Yawe alinsunga uwa mweo pa myaka yonse iyi amakumi yane na isano, fyeke efyo alandile ukufuma lweka ulo Yawe alandile ili shiwi kuli Mose, ulo Isreali alikwenda mu mumatelolo Nomba, moneni! lelo kano ndikwete myuaka amakumi cinekonse konse na Isano. ¹¹ Ncili na maka fyeka filya fine nali pali bulya bushiku Mose antumine ukufya. Amaka yandi nayo yalifye filya yali lulya lwine, ku bulwi kabili mukufuma namu kwingila. ¹² Eco kanshi umpele ici calo calupili, ico Yawe alaile kuli nebo ,muli bulya bushiku pantu walyumfwile pali bulya bushiku ukweba ati abena Anali eko bali ne musumba yabo iikulu sana iya malinga.Limbi kuti caba ati Yawe aba naine kabili nkabatamfyemo, fyekefyo Yawe aebele,'' ¹³ Elo Yoshua alimupalile nokupela Hebrone nge cikwatwa cakwa kalebu umwana mwaume wakwa Yefune. ¹⁴ Eco Hebrone walisangwike icikwatwa cakwa Kalebu umwana mwaume wakwa yefune umwina kenisi ukufika kuli buno bushiku, pantu alikonkele Yawe umupwilapo, Lesa wakwa Isreali. ¹⁵ Nomba ishina lyakwa Hebrone akale lyali Kiriati-Arba (Arba ali emukulu sana pakati kabena Anaki.) Elo icalo calitushishe ukufuma kubulwi.