¹ Nomba kwalishile icebo cakwa Yawe kuli Yona umwana mwaume wakwa Amitai, Ukweba ati, ² ''Ima nokuya kuninive, muli ula musumba uukalamba, nokuya kulanda pali wena, pantu ububifi kwabo bulimine ku cinso candi.'' ³ Nomba Yona alimine no kuya ku Tashishi ukufulumuka ku cinso cakwa Yawe. Ali tentemukile ku Yopa no kusanga ingalaba iyalikuya ku Tashishi. Alipele ne cilambu caiko nokupatamano no kuya nabo ku Tashishi, ukufulumuka ku cinso cakwa Yawe. ⁴ Elo Yawe afwintile umwela uukalamba pali Bemba kabili palishile kuba Ama bimbi ayamaka pali Bemba. Bwangu bwangu caishile kumoneka kubati ingaloba yalabwasauka. ⁵ Elo abalikwensha ingalaba baishile kuyba no mwenso uukalamba nacila muntu ali kubilikisha ku mulungu wakwe. Bali kufwinta ifipe fyali mu ngalaba pali bemba pakweba ati yangukeko. Nomba Yona alile kwingila kukatotoo mucipunda camukati icangalaba, nokusendamisha mutulo utwingi. ⁶ Elo kangalila wa ngalaba alishilekuli ena no kulanda ati, ''findo ukocita mukusendama? alamuka! kuta ku mulungu obe! nalimo umulungu obe kuti watwa fwilishako fwebo kukweba ati fwebo twiloba.'' ⁷ Cila muntu alilandile ku mwina mupalamano, ''Iseni, tupendule, pakweba atitwishibe uulengele ici icabubifi icikocitika kuli fwebo.'' Elo bapendwile icipenduo, necipendwilo caliwilile Yona. ⁸ Elo balandile kuli Yona ati, ''Twapapata twebe ninani ukolenga ifi ifyabubifi ifikocitika kuli fwebo. Nindo incende yobe, nipii uko watulaa? calo ndo wafumako, kabili ulii wamu bantu ndo?'' ⁹ Yona alibasukile ati, ''nebo ndi mu Hebere, kabili ndaatina Yawe, Lesa wa mumulu, uwapangile imimana ne milundu.'' ¹⁰ Elo abantu baliketwe no mwenso uukalamba sana no kulanda kuli Yona ati, ''Findo ifi ifyo waciita?'' pantu ku cinso cakwa Yawe, pantu alibebelee. ¹¹ Elo balandile kuli Yona ati, ''Findo ifyo twalakuciita webo pakweba ati bemba atutalalile fwebo?'' pantu bemba akoimi nako fye amabimbi. ¹² Yona alilandile kuli bena ati, ''Mpinti muneni nokumfwinta muli bemba. Elo bemba akomitalalila, pantu ndishibile ukweba ati nipamulandu wandi ici cinkukuma cikocitikila kuli mwebo. ¹³ Nangufye califi, abantu balimuko beesha na maka mukuibwesesha abene beka ku mulundu, nomba baliufililwe pantu bemba ali kwimishakofye amabimbi aya kubipisha sana kuli bena. ¹⁴ Napali ico bali liliile kuli Yawe nokwe ba ati, ''twamipapatila mwebo, Yawe, twa mipapata mwebo, mwituleka tulobe pamulandu wa mweo wa uyu muntu, kabili mwitushinga mulopa wa kaele fwebo, pantu mwebo, Yawe, mwacita ico mutememwe.'' ¹⁵ Eico bapintimwine Yona nokumufwinta muli bemba, na bemba alilekele ukwimya amabimbi. ¹⁶ Nabantu balitinine Yawe apakalamba. Balipele ne lambo kuli Yawe no kulapa imilapo. ¹⁷ Nomba Yawe alipekenye icisabi icikulu kukucibula Yona, kabili Yona alimu citombo cesabi inshiku shitatu akasuba nobushiku.