¹ Panuma ya ifi Yesu aliisokololwele umwine na kabili ku basambi pa chimana ca ku Tibelia. Ifif efyo aisokolwele umwime: ² Simone Petelo bali na Toma uwitwa mpundu, natanaelel uwaku kana wa mu Galilee, umwana wakwa Sebede, nabasambi bambi babili bakwa Yesu. ³ Simone Petelo alilandile kuli bena, "Nkoya mukwipaya sisabi." Balilandile kuli ena, "Nafwe kumoo tukoya nobe." Balile no kupatama mu bwato, nomba tabaiketepo nangu kamo munshita yamubushikufye bonse. ⁴ Nomba, ilyo califye kumaca ca, Yesu aliiminine ku lulamba lwa mumana, nomba abasambi taba mwishibe ati ni Yesu. ⁵ Elo Yesu abebele, "Mwebalumendo, muli kwetepo ifilyo ifyakuti mulye?" Bali mwasukile, "Awe iyoo." ⁶ Alilandile kuli bena, "Teyeni amasumbu yenu ku kulyo lubali lwa bwato, mwalaipayako." Elo baposele amasumbu na kabili balifililwe ukuyatintila mukati pamulandu wa bukuulu no bwingi bwa fisabi. ⁷ Elyo umusambi uyo Yesu atemwishishe alandile kuli Petelo, "Nishikulu." Ilyo Simone Petelo aumfwile ati nishikulu, alikakile ilaya lyakunse mumusana (pantu alifye luno). Elo aiposa namuli bemba. ⁸ Nabasambi nabambi balishile mu bwato "Pantutabali kutali na ku mulundu, nalamo intampulo imyanda ibili) bali tampile ukukula iisumbu ilyaiswile isabi. ⁹ Ilyofye bafumina ku mulundu, balimwene umulilo wa malasha kulya ne sabi epolyali, elo no mukate. ¹⁰ Yesu alilandile kuli bene, " Leteniko isabi limo palyo mwipeyepo." ¹¹ Simone Petelo ekuuyapo akulila natma sumbu kunse, nefisabi filiswilemo ifikulu, umwanda umo namakumi yasano nayatatu, nelyo fye fyafulile, usumbu talyalepaukile. ¹² Yesu alilandile kuli bena, " Iseni mulye umwikulo." tapalipo umusambi ulwapamine ukumwipusha ena, "Niwebo nani?" balishibileukutila ni shikulu. ¹³ Yesu alishile, abula umukate, nokupula kuli bena, pamo ne sabi. ¹⁴ Uyu wali emuku wa citatu uyo Yesu aisokololwele kuba sambi panuma nabushiwa ku bafwa. ¹⁵ Panuma yakulya umwikulo, Yesu alilandile kuli Simon Petelo, "Simon mwana Yona, bushe walintemwa ukucila aba?" Petelo atile kuli ena, "Eeeshikulu, mwalishiba ati nalimitemwa." Yesu alandile kuli ena, "Lishaa utwana twampanga shandi." ¹⁶ Alilandile kuli ena umuku wacibili, "Simon Petelo atile kuli ena, "EE mweshikulu mwalishiba ati nalimitemwa, "Yesu atile kuli ena, "Cema impanga shandi." ¹⁷ Alalndile kuli ena umuku wacitatu, " Simoni mwana Yona, Bushe walintemwa?" Petelo aliiktwe no bulanda pantu Yesu alilandile kuli eena umuku wa cutatu, "Bushe walintemwa?" alilandile kuli ena, anali mitemwa." Yesu alilandile kuli eena, "Lisha impanga shandi. ¹⁸ Cine cine nalanda kuli webo, ilyo wali umwaice walikufwika wemwine nokuya uko ukofwaya, nomba ilyo wakota, ukemya amaboko, naumo akakusenda uko taukofwaya kuya." ¹⁹ Nomba Yesu alilandile ifi pakulondolola umusango wamfwa Petelo ali nokucindika Lesa. Panuma yakulanda ifi, alilandile kuli Petelo, Nkonka." ²⁰ Petelo alipilibukile elo amona umusambi uyo Yesu atemwmwe akobakonka, eumo kwasamiine pacifuba cakwa Yesu pamulalilo kabili uwalandile, "Mweshikulu, ninani uukofwaya ukumifutuka?" ²¹ Petelo alimumwene elo nomba asosa kuli Yesu, "Shikulu, findo uyu mwaume akocita?" ²² Yesu alilandile kuli ena, "Ngankofwaya ena ukwikala mpaka nkese, nindo iyo kuli webo? nkonka." ²³ Nelyo lyashi lyalisabankene muli bandume. ati ulya musambi takafwe. Nomba Yesu talandilepo kuli Petelo ati umbi umusambi takafwe, nomba, "Ngacakuti nkomfwaya ukwikala panka nkese, findo ifyo kuliwe?" ²⁴ Uyu emusambi uwapele ubunte pali ifi fintu, nowalembele ifi ifntu, elo twalishiba ati ubu bunte bwa cine. ²⁵ Kwalibako nafimbi ifyo Yesu acitile. Ngacakutila conse calilembwelwe cimona cimo, nkomona kwati nangu fye cebo icine kuti cafilika ukukwata amabuku ayangafwaikwa ukulembwa.