¹ Nalanda ifi fintu kuli mwebo pakwebati tamwipunwine. ² Bakamitamfya muma sinagoge. Nomba nshita ikoisa ulo onse uumipaya mukatontonkanya ati akobombele Lesa. ³ Bakacita ifif fintu ico tabaishiba Tata nangu nebo. ⁴ Nalanda ifi fintu kuli mwebo pakwebati ilyo inshita yabo ikafika, mukebukisha ukwebati nalimyebele pali bena. Nshamyebele pali ifif fintu pakutendeka, pantu nali namwebo. ⁵ Nomba nkoya kuli uyo uwantumine, elo palimwebo tapali uukonjipusha ati, 'Nipi ukoya?' ⁶ Lelo umulandu nalilandile ifi fintu kuli mwebo, ubulanda buliswile mumitima yenu. Nomba nkomyeba ati, camiwamina ukweba ati ndekuya. ⁷ Pantu nganshile, kasansamusha takese kuli mwebo, nomba nganya, nkamutuma kuli mwebo. ⁸ Ngaisa, kasansamusha akashinina aba panope sonde palwa lubembu, pa bulungami napa bupingushi. ⁹ Palwa lubembu, mulandu tabatetekela muli nebo. ¹⁰ Palwa bulungami, mulandu, nkoya kuli Tata, kabili tamwakamone nakabili; ¹¹ Elo palwa bupingushi, nipa mulandu wakwebati ba kateka we sonde lino balipingulwa. ¹² Ndikwete ifintu ifingi ifyakulanda kuli mwebo, nomba tekuti mufyumfwe pali nomba. ¹³ Ulo ulya, mupashi wamushilo, akesa, akamitungulula mu cine conse, pantu takalande ifintu fyakwe. ¹⁴ Lelo akalana fyonse ifyo omfwa, kabili akamyeba ifintu ifili nakwisa. Kancindamika, pantu akabulako ifili ifyandi nokufilondolola kuli mwebo. ¹⁵ Fyonse ifyakwa Tata fyandi. Eico, nalilandile ukwebati umupashi wamushilo ukabulako ifyandi nokufilondolola kuli mwebo. ¹⁶ Kwashala fye akashita akanono tamwakambone, kabili panuma yakashita nakambi akanono mukambona." ¹⁷ Elo bamo abamubasambi bakwe balila nshenye abene beka, "Findo ifi akolanda kuli fwebo, maukashita akanono tamwakambone, kabili panuma yakashita kanono mukambona, elo, pantu nkoya kuli Tata?" ¹⁸ Eco balilandile ati, "Cindo ici aland, "Akashita akanono?" Tatwishibile ifyo akolanda." ¹⁹ Yesu alimwene ati bakofwaya ukumwipusha, alilandile kuli bena ati, "Bushe ifif efyo, mukoipushanyana mwebene, ulo nandile ati, mukashita akanono tamwakambone, kabili mukashita akanono mukambona'? ²⁰ Cine cine, komyeba ati, mukalila nokupumapo imisowa, lelo abape sonde bakatemwa. Mukesukamo ubulanda, lelo ubulanda bwenu bukaluke insansa. ²¹ Ulo umwanakashi akomwa nefumo alaba nobulanda pantu inshita yakwe ilifikile nomba ulo umwana afyalwa, tebukisha nakabili ubukali oantu alaba ne nsansa ico umuntu afyalwa pe sonde. ²² Eco muli no bulanda npmba, lelo nkesa kumimona nakabli, elo imitima yenu ikasansamuka, tapali noukafumya insansa kuli mwebo. ²³ Pali bukya bushiku tamwakanjipushe cintu nangu cimo. Cine cine, nkomyeba ati, ngamwalomba icili conse kuli Tata mwishina lyandi, akamipela. ²⁴ Ukufika nakuli nomba tamwaipusha icili conse mwishina lyandi. Lombeni mukapelwa pakweba ati, insansa shenu shikakepo." ²⁵ "Nalanda ifi fintu kuli mwebo mumapinda, lelo inshita ikoisa, ulo nshakalande namwebo mumapinda, lelo nkalnda kuli mwebo apakubuta palwakwa Tata. ²⁶ Pali bulya bushiku mukolomba mwishina lyandi nshikoeba ati nkamilombela kuli Tata. ²⁷ Pantu wishinwe alimitemwa na[amulandu wakweba ati mwalitetekele ati nafumine kuli Lesa. ²⁸ Nalifumine kuli Tata, kabili nalisa pe sonde. Nakabaili, nkofuma pe sonde elo nkoya kuli Tata," ²⁹ Abasambi bakwe balilandile ati, "Moneni, nomba mukolanda apakubuta kabili tamukobomfya amapinda. ³⁰ Nomba tulishibile ukweba ati mwalishiba ifintu fyonse kabili tamukofwaikwa umuntu uuli onse ukumipusha amepusho, Umulamundu waifi, tulitetekele ukwebati mwafuma kuli Lesa. ³¹ Yesu alibasukile ati, "Nomba mwatetekela? ³² Moneni, inshita ikoisa, ee kabili ilishile, ulo mukasalanganishiwa, umo na umo ku ng' anda kwakwe, kabili mukansha neka. Nomba ntali neka pantu Tata ali nandi. ³³ Namyeba ifi fintu pakweba ati mukakwate umutende muli nebo. Pano pe sonde mulamona ubucushi, lelo mukwate ukushipa, ine nalicimfya ifya pano pe sonde.