¹ "Nine mwangashi wa cine, kabili na Tata e mulimi. ² Alifumyimo umusambo onse uushitwala ifisabo, kabili atungula cila musambo uushitwala ifisambo ukuti utwalishe ifisambo ifisambo ifingi. ³ Muli abasanguluka panulandu wa cebo ico nalandile kuli mwebo. ⁴ Ikalilileni muli nebo, kabili nandi muli mwebo ifyo umusambo tekuti utwale fisabo uwine weka kanofye uli suntikene ku mwangashi, cimofye nenu, kanofye mulikalile muli nebo. ⁵ Ndi mwangashi, mwebo muli misambo. Uyo uwaikalilila muli nebo kabili nandi muli ena, alatwala ifisambo ifingi, eco ukwabuka nebo tekuti mucite nangu cimo. ⁶ Ngo muntu onse tekalilile muli nebo, uyo ali poselwe ukutali ngo musambo kabili no kuma, kabili bakalonganya imisambo no ku shiposa mu mulilo, kabili nokupya. ⁷ Nga mwaikalilila muli nebo kabili ne fyebo fyandi fyaikalilila muli mwebo, lombeni conse ico mukofwaya, kabili cikacitilwa kuli mwebo. ⁸ Tata acindamikwa muli fi, pakuti mutwale ifisabo ifingi kabili no kushininkisha ukti muli basambi bandi. ⁹ Ifyo Tata antemwa, efyo nanebo na mitemwa ikalilileni mukutemwa kwandi. ¹⁰ Umfwa mwasunga amafunde yandi, muke kalilila mukutemwa kwandi, ifyo nebo nasunga amafunde ya kwa Tata kabili no kwikalilila mukutemwa kwakwe. ¹¹ Nebo nalanda ifi fintu kuli mwebo pakuti insansa shandi shube muli mwebo kabiliukuti insansa shibe ishafikapo. ¹² Ili efunde lyandi, ukuti mube abakutemwana umo no munankwe ifyo nebo namitememwe. ¹³ Takuli muntu wakwata ukutemwa kwa kula ngoku ukuti umuntu alitulile umweo wakwe pa fubusa fyakwe. ¹⁴ Muli ba cibusa wandi nga mu kocita ifyo nebo na mikonkomeshe. ¹⁵ Nomba nshikomita ababomfi na kabili, eco umubomfi teshiba ifyo shikulu wakwe akocita. Nomita ifibusa, eco fyonse ifyo namumfwile kui Tata ndi filengele ukwiahibikikwa kuli mwebo. ¹⁶ Mwebo twmwa nsalile nebo, lelo nebo nalimisalile mwebo kabili nali misontele mwabo pa kuti mulekutwala ifisabo, kabili ukuti ifisabo fyenu filekwikalilila. Nefi ni mu kwebati fyonse ifyo mukolomba Tata mwishina lyandi, aka mipela. Ifi ¹⁷ fintu nebo nkominkmesha, pakuti mulekutemwana umo nomunankwe. ¹⁸ Nga ba pamo isonde bamupata mulishibele ukuti balibalile ukupata nebo ulo tabala mupata. ¹⁹ Nga mwali aba mwi sonde, ngabatimitemenwe mwebo nga babo, lelo ico mwebo tamuliba mwi sonde kabiliico nebo nali misalile mwebo ukuduka mwi sonde, eco kanshi ne sonde lya mipatila mwebo. ²⁰ Ibukisheni icebo ico nalandile kuli mwebo, umubomfi tacila shikulu wakwe. Nga bali mpakasa nebo bakamu pakasa nemwe bene; nga balisungile icebo candi, bakasunga icebo cenu ne mwe. ²¹ Bakacita fyonse fi fintu kuli mwebo pamulandu we shina lyandi, pantu taba mwishiba uyo uwantumine. ²² Nga nebo nshaishile no kulanda kuli bena, bena nga tabali na lubembu lelo nomba bene tabali no mwakuleukila pa lubembu lwabo. ²³ Uyo uwa pata nebo ena apata na Tata. ²⁴ Nebo nshacitile milimo iyo nangu umo tacitile muli bena, bena tekuti na lubembu, lelo nomba balimwene kabili balipatile nebo na Tata. ²⁵ Lelo nipa mulandu wa kuti cifikilishiwe ico icalembelwe mu malango yabo, "Ba mpatile apabula umulandu. ²⁶ Ulo kasansamusha akesa - uo nkatuma kuli mwebo ukufuma kuli Tata, ekwebati, umupashi wa cishinka, uufuma kuli Tata- akapela bunte palwwa nebo. ²⁷ Nemwe bene mukabilikisha bunte, pantu mwaba na nebo ukufuma ku ntendekelo.