¹ Abantu bamu Isreali nakabili bacitile cabipa mu menso yakwa Yawe, kabili alibapele mumaboko yaba Pelishiti pa myaka makumi yane. ² Kwali umwaume wafumine ku Sora, uwa mukowa yakwa Dani, uwe shina lya Monea. Umukashi wakwe ali ni ngumba talikufyala. ³ Ulo malaika yakwa Yawe amonkele kuli uyu mwanakashi no kusosa kuli wene ati, ''Mona nomba webo uli ngumba, tawatalile aufwalapo, ulo uli no kwimita no kufyala umwana mwaume. ⁴ Nomba ulekucenjela wilakunwa umwangashi nangula icikola, kabili wilakulya icili conse icishasangululwa. ⁵ Mona, uli no kwimita no kufyala umwana mwaume. no luyembe takakabumfiwepo ku mutwewakwe, pantu umwana akaba mwina Nasiri kuli Lesa wakwe ukufuma mwifumo, kabili wene akatendeka ukulubula Isreali ukufuma mumaboko yabena Pelishiti ⁶ Elyo umwanakashi ashile no kweba wiba wakwe mwaume yakwa Lesa eshile kuli nebo, no kumoneka kwa kwe kwati kwakwa Malaika wakwa Lesa, kwakutinye cibi. Nshaipwishe kuli wene kuntu afumine, kabili tanjebele ishina lyakwe. ⁷ Asosee kuli nebo, ''mona! ulinokwimita, ukafyala no mwana mwaume. eico wilekunwa mwanganshi nangu icikola wilekuya icakulya kuli Lesauykufuma panshi akaba mwifumo lyobe mpaka na pabushiku bwamfwa yakwe.'' ⁸ Elyo monoa apepele kuli Yawe no kutila, ''mwe, shikulu napapata lekeni umwaume wakwa Lesa untu wantumine ese nakabili kuli fwebo pakwebati engatundisha fwebo findo tuli no kucita kumwana uyu nkofyalwe nombaline? ⁹ Na Lesa aumfwile na kwi shiwi lyakwa Manoa, na malaika wakwa Lesa aishile mwanakashi nnakabili lintu wene alikwikele mucilime. lelo monoa umulime wakwa tabali pamo nankwe. ¹⁰ Eico umwanakashi alibutwike mukwangufyanya no kwebo mulume wakwe, ''mona! umwaume alemonekele kuli nebo ulya waishile kumoneka kuli nebo bulya bushiku!'' ¹¹ Monoa alimine no kukonka umukashi wakwe. Lintu aishile ku mwaume, atile kuli wene, ''bushe mwebo mwau,me wasosele no mukashi wandi?'umwaume atile, ''ninebo.'' ¹² Ulo manoa aebele, nomba, amashiwi ngaisaba cacine findo ifipope kuli uyu mwana nangu findo fikaba fya mulimo wakwe?'' ¹³ Na malaika wakwa Yawe atile kuli Manoa, ''afwile ukuba yakusakamana kuli fyonse fintu nebo nalandile kuli yene. ¹⁴ Ekalyako kuli conse cikafuma ku fya mwangashi, nangu cikola ekanwako nangu ukulya icishangululwa. Afwile ukubaka conse ico na mwebele ukucita.'' ¹⁵ Manoa atile kuli malaika wakwa Yawe, ''twapapata ndoleleniko panono, kukutupela kuli fwebo inshita kuku mupekanishisha akana kanono kakwa Saye ku webo.'' ¹⁶ Malaika wakwa Yawe atile kuli Manoa, ''nelyo naikala nshakalyeko icilyo cobe. Lelo ngawapekanya ilambo lya cakonca citule kuli Yawe.'' (Monoa taishibe ukuti ulya ni malaika wakwa Yawe.) ¹⁷ Manoa atile kuli malaika wakwa Yawe, ''Nimwebo bani ishina lyenu, pakuti fwebo tukamucindike webo lintu amashiwi yobe yakesaba ayacine?'' ¹⁸ Malaika wakwa Yawe atile kuli wene, ''nindo kenjipushisha ishina lyandi? cawaminamo!'' ¹⁹ Elyo Manoa abulile na kana kakwa saye ne nseke shakupela kuli wene pali cilibwe kuli Yawe. Acitile fintu fyacipesha manoa fintu fyacipesha mano elyo manoa no mukaashi wakwe balikutamba. ²⁰ Lintu ulubingu lyalikuya kumulu ukufuma pa cipailo ukulela mumyulu, malaika wakwa Yawe aile mumulu no lubingu lwa pa cipailo. Manoa no mukashi wakwe elyo bamwene fi bawila ubunkupene panshi. ²¹ Malaika wakwa Yawe tamonekele libili kuli Manoa nangula ku mukashi wakwe. Elyo Manoa aishile ukuti ali ni malaika wakwa Yawe. ²² Manoa atile ku mukashi wakwe, ''tuli no kufwa pantu twamone Lesa!'' ²³ Lelo umukashi wakwe atile kuli wene, ''nga cakutila Yawe akofwaya ukutwipaya, nga tapokelele icakoca celambo ne canseke tupele kuli wene. Nga tatulangile ififintu fyonse, nangula na panshita ino ngatatulengile ukumfwa fyonse Ifyabe ngefi.'' ²⁴ Panuma umwakashi afyele no mwana mwaume, no kumwita ishina samusone. umwana alikulile na Yawe alimupalile. ²⁵ Umupanshi wakwe Yawe ukumukunta mu mahane Dani, pakati ka Sora na Eshtaole.