¹ Panuma yakwa Abimeleki, Tola mwana Pua mwana Dodo, umwaume wa mubena Isaka uwali kwikala mu Shama, mucalo ca tulundu ica kwa Efuremu, alimine kukulubual abena Israeli. ² Alitungulwile Israeli pa myaka amakumi yabili na itatu. Alifwile kabili alishiilwe mu Shama. ³ Ena alikonkyelwepo na Yairi umwina Gileadi. Ena alitungulwile Isreali imyaka amakumi yabili na Ibili. ⁴ Ena ali na bana baume amakumi yatatu abali kunina pali ba punda amakumi yatatu, kabili bali ne misumba amakumo yatati iyali ku kutwa Havoti Yairi ukufika nalelo, iyaba mu calo ca Gileadi. ⁵ Yairi alifwile kabili alishikilwe mu Kamoni. ⁶ Abantu ba kwa Isreali balilundilepo ububi ubo bacitile ku cinso ca kwa Yawe kabili nokushinshimuan baali, Ashitoreti, imilungu yabena Aramu, imilungu yabena Sidoni, imilungi yabena Moabu, imilungu ya bantu ba mu Amoni, ne milungu sha ba Filishitu. Balishile Yawe kabili tabalikumu shinshimuna iyoo. ⁷ Yawe alikalipe sana ukufuliwa Israeli kabili alibapele muminwe ya Ba Filisiti kabili na muminwe ya bena Amoni. ⁸ Balipeye no kucusha abantu ba kwa Israeli ulya mwaka, kabili pa myaka ikumi limo na cine konse konse bali cusishe bonse abantu ba kwa Isreali abali kwikala ukucila Yodani mu mpanga ya bena Amore, iyaba mu Gileadi. ⁹ Nolu abena Amoni balyabukile bushilya bwa Yolodani kukulwa na Yuda, Benjamini, kabili ne nganda ya kwa Efuremu, icakuti ubulanda bwa kwa Isreali bwalikulile sana. ¹⁰ Nolu abantu bakwa Israeli balikutile kuli Yawe, ukweba ati, "fwebo tulibembukile kuli webo, pantu fwebo tawalishile Lesa wesu kabili no kushinshimuna ba baali." ¹¹ Yawe alyebele abantu aba kwa Israeli, "bushe nebo ntamilubwile ukumifumya ku bena Egupto, abena Amore, abena Amoni aba Filisiti. ¹² Kabilifye nokufuma ku bena Sidoni? Abena Amaleki na bena Maoni balikumicusha mwebo; mwalikutile kuli nebo nandi nalimilubwile mwebo ukufuma ku maka yabo. ¹³ Lelo mwebo mwalintalukile nebo nakabili no kulekushinshimuna imilungu imbi. eco kanshi nebo ntakonkanyapo ukulekubikapofye ukumipokolola mwebo. ¹⁴ Kabuyeni kakuteni ku milungu iyo mwali kushinshimuna. lekeni yena ilekumitula mwebo ulo mwaba mu bwafya." ¹⁵ Na bantu bakwa Israeli balialndile kuli Yawe, "tulibembukile fwebo, cita kuli fwebo conse ico ukomona kwebati ciliweme kuli webo. Tukopapata tutuleko fwebo muli bunio bushiku. ¹⁶ "Bena baliposele yonse milungu ya bena fyalo muli bena kabili no kushinshimuna Yawe. Nolu Yawe tatwalilile ukulekumona amashiwi ya kwa Israeli nakabili. ¹⁷ Kabili ulu abena Amoni, balilongene pamo no kubika inkambi mu Gileadi. Abena Israeli balishile pamo no kubika inkambi pa Mizpa. ¹⁸ Ne ntungulushi sha bantu ba ku Gileadi shalilashenye kuli umo no munankwe, "Ninani mpalume uwukobalilapo ukulwa na bena Amoni? Ena eukesa kuba intungulushi pali bonse abakoikala mu Gileadi."