¹ Temwebo bonse mungaba bakasambilisha, mwebamunyinane, pantu mwalishiba ati fwebo fwebasambilisha tukapingulwa ku pingulwa ukwacilamo. ² Pantu bonse tulaipununa munshila ishingi. Pantu umo ngataipunwine mumashiwim muntu uwafikapo kuti abaka umubili wakwe wone onse. ³ Nomba ngatwabika amakoli mutunwa twaba kabalwe pakuti batunakile, talapilibuka ne mibili yabo yonse. ⁴ Ishibene kabili ukuti ifyombo nangu fyakula shani filenshiwa ne nomwela ukwakosa, fipimdululwa fye kuli kanaosa akanono nokuya uko kensha elefwaya. ⁵ Muli ici, ululimi kapandwa akonono aka mubili, nomba kalaitacisha mufintu ifilakamba. ⁶ Ululimi kabili lwaliba mulilo, icalo cabubifi icabikwa pa filundwa fyesu. Ululimi lulakowesha umubili onse, usonteka ifyabwikashi, nalolwine lwisonteka nomililo waku Gehena. ⁷ Psntu umusango onse uwanama shampanga, fyuni, ifikulika, nefya muli bemba fyalibeleshiwa kabili fyalibeleshiwe kubantu. ⁸ Lelo takuli umuntu ungabelesha ululimi. Lubi ulwaisulamo ubusungu bwa mfwa. ⁹ Ku lulimi tulalumbanishishako shikulu kabili Tata, kabili tulatipilako abantu, abo ababumbwa mu cata cakwa Lesa. ¹⁰ Kukanwa kamo kene kufuma ipalo ne citipu mwebamunyinane, ifif fintu tafikofwaikwa ukucitika. ¹¹ Bushe icimuti akamfuku mfuku kalapongolola amenshi kubwendo bumo bwine ayatalal neya cikelekese? ¹² Bushe icimuti camukuyu, mwebamunyinane kuti catwala ama olife? nangula umwangashi ukutwala amakunyu? napamo amenshi yamucele kuti yafumya ayatalala? ¹³ Nani uwamano kabili uwasalapuka muli mwebo? Lekeni uy muntu alange imilimo kumibele yakwe isuma, mukunakila kwa mano. ¹⁴ Lelo nga muli nakalimwa akakali nakafindwe mu mutima wenu, mwilakutacisha nokubepesha icine. ¹⁵ Aya tali mano ayakufuma ku mulu. Lelo yapano isonde, ayashaba namupashi, aya ngulu. ¹⁶ Pantu ukuli akalimwa nakafindwe, ekuli icifulunganya nemicitile yonse iyabipa. ¹⁷ Lelo amano ayakufuma ku mulu yena pakubala yamusangwela, ya mutende, umutembo, yabupete, ayaisulamo uluse nefisabo fisuma ayashili yakutwishika ayabula akaputula. ¹⁸ Ifisabo fya bulungami filabyalwa nutende kuli abo abacita umutende.