¹ Iseni, lekeni tubwelele kuli Yawe. Eco kanshi natupatula fwebo, lelo akatupoosha; natucenaula fwebo, lelo akatukakilila ifilonda fyensu. ² Panuma ya nshiku shibili akatupuputula fwebo; akatwimya fwebo pabushiku bwalenga shitatu, kabili tukaba aba mweo ku cinso cakwe. ³ Lekeni fwebo twishibe Yawe, lekeni fwebo tukafwaishe ukwishiba Yawe, ukufuma kwakwe kubati kutula kwa ma caca; akesa kuli fwebo kubati mu mufumi, kubati ni mfula iya kulekelesha utapilila icalo.'' ⁴ Efraimu nindo ikacita nobe? Yuda nindo ikacita nobe? ukutemwa kwenu kwaba kubati nakumbi ya lucelo, kubati mume uuya ku maca. ⁵ Eico na bakomawila mu fipifya bena pali bakasesema; indibepaile bena ku mashiwi ya kanwa kandi. ubupingushi bobe bwaba kubati ubuto lulya lubengeshima kuse. ⁶ Pantu icakilwa mucipangano ca bucishika temwilambo, no bwishibilo bwakwa Lesa ukucila ilambo lya cakoca. ⁷ Kubati ni Adomu balitobele iipangano; tabali nacine kuli nebo. ⁸ Gileadi musumba wabacita tubi, waka sabana ka mulopa. ⁹ kubati ni mpuka ya pupu ilolela umuntu efyo bashimapepo baikutanya ku kwipa ya pa kulola ku shekemu, pantu bacitile misoka yasoni. ¹⁰ Mu ng'anda yakwa Isreali ndi mwenemo icintu cakwafya; bucilende bwakwa Efraimu emobuli, na Isreali alishikuba uwakowela. ¹¹ Kabili nobe, Yuda, ubusomboshi bulifikile, ulo ikafumya abantu bandi muli bukole.