¹ Ulo Modekai akutike fyonse fyacitilwe, alilepwile ifyakufwala fyakwe no kufwala ifisamu aisuba ne mita; ² Alile na pakati ka musumba, no kulila mwishiwi lyakupunda kabili ilyabukali. Alile ukutali ukwakulepa nga kumpongolo ya mfumu, pantu takwali nelyo umo uwalikusuminishiwa ukwingila nefyaku fwala ifisamu. ³ Mu citungu conse, konse uko amafunde ne fyabupingushi fya mfumu fyalikufika, mwali ukulila ku kalamba mu bayuda, Abengi balilambelele mufisamu na mu mitoi. ⁴ Ulo abanakashi abaice abakwa Estele na babomfi baishile kumweba ati, Namfumu ali mu macushi ayakalamba. Ali tumine insalu shakufwalika Modekai (pakweba ati engafula ifisamu fyakwe). Nomba tafipokele. ⁵ Elo Estele akutile Hataki, umo pali bacilolo wamfumu abalashikwe ukumu bombela. alimukonkomeshe ukuya kuli Modekai ku kumfwa ifyacitikile nomo fyalikulola. ⁶ Eco Hakaki alile kuli Modekai mu lubansa lwa musumba ku ntanshi ya mpongolo ya mfumu. ⁷ Modekai alifishishe kuli ena fyonse ifyamucitile, ne cipendo candalama sha silfere isho Hamani alaile ku fyakupima no kubika mu fipao fya mfumu pakweba ati bengepaya aba Yuda. ⁸ Alimupele cakwambula cafya bupingushi ico icapelwe mu susa kukonaulwa kwa ba Yuda. Acitile ifi pakwebati Hataki aye ati engamupela umulimo wakuya ku mfumu ku ku papatila ububile bwakwe no kupapata kuli ena ku lubali lwabantu bakwe. ⁹ Eco Hataki alile no kulanda kuli Estele ifyo Modekai alandile. ¹⁰ Elo Estele alandile kuli Hathaki no kumukonkomesha ukubwelela kuli Modekai. ¹¹ Ali tandile ati, ''Bonse ababomfi bamfumu na bantu bakucitungu balishiba ukweba ati nga umwaume nangu umwanakashi aya kumfumu mukati kalubansa ukwebula ukwitwa, kwabafye ifunde limo mpo ukweba ati afwile ukwipaiwa ukufunyakofye umo uyo imfumu yaikatila icakubasa ica golide pakweba ati engakana ukwipaiwa. Tabankuta ukwisa ku mfumu pa nshiku amakumi yatatu.'' ¹² Eco Hataki alifishishe amashiwi yakwa Estele kuli Modekai. ¹³ Modekai ali tumine aya amashiwi kuli Estele; ''taulingile ukutontonya ati mu cipango mukabutuka umo ukucila pa ba Yuda bonse. ¹⁴ Nga waikala tondolo pali iyi ndhita ukatauluka no kupokolola kukema pa ba Yuda ukufuma ku calo kumbi, nomba webo na banganda ya bawiso mukaloba ninani eshibe nga cakwebati waishile kuli ubu bufumu pa nshita iyi? ¹⁵ Elo Estele atumine amashiwi kuli Modekai. ''kabuye, ukolonganike bonse aba Yuda abekala mu susa, no kumfu ngilako. ¹⁶ Mwikalya nangula ukunwa pa nshiku shitatu ubushiku nakasuba. Abakashana bandi na nebo tukacita umusango umo wine. Elo nkaya ku mfumu, nangula line kutoba ifunde, kabili nganaloba, nkaloba.'' ¹⁷ Modekai alile no ku cita fyonse ifyo Estele amukonkomeshe ukucita.