¹ Ninani umunbtu washilimuka? Ninani waishiba ubupilibulo bwafiponeka mubwikashi? ukushilimuak kwa muntu kulenga icinso cakwe uku beka, kabili ukukosa kwa cinso cakwe kwayaluka. ² Nkokupanda amano webo ukulekubaka amakambisho ya mfumu pamulandu wamulapo wakwa Lesa ukucingilila webo. ³ Wila fupyka ukufuma kucinso cakwe, kabili wilakwiminina mukutungilila fintu ifibi, pantu imfumu icita ico yatemwa. ⁴ Amashiwi ya mfumu yalafunda, eco nani akalanda kuli ena, "ulecita ndo." ⁵ Uyo onse abaka amafundisho ya mfumu aitalusha kubusanso. umutima wamuntu wakushilimuka yleshiba umulandu wacine ne nshita yaku bombelapo. ⁶ Pantu umulandu uuli onse paliba ubwasuko bwacine kabili nenshita yakwasuka, pantu amacushi ay muntu iyalikula. ⁷ Takuli nangu umo ukoishiba icikonkapo ukwisa nani enga mweba ena icikesa? ⁸ Takuli nangu umo uutungulula pa umupu kwakwe, ukwebati aleke ukupema, kabili takuli nangu umo akwata amaka pabushiku bwamfwa yakwe, Takuli nangu umo uufuma ku bashilika bakondo panshita ya bulwi, kabili ababifi tabakapusushe abo ababa absha babo. ⁹ Nebo ndikutulwike ifi fyonse; ndibikile umutima wandi kumusango onse uwamulimo uyo uucitwa mwi samba lyakasuba, kwaliba inshita iyo umuntu acusha umuntu munakwe neci tacawama. ¹⁰ Eco nebo nalimwena ababifi baleshikwa palwalala baliba sendele ukufuma kumushi wamushilo kabili balishikilwe no kulumnayiwa ku bantu mu musumba uko balecitila ificitwa fyabipa fabo. Ifi nafo fyabuwelewelewele. ¹¹ Ulo ubupingushi bwa misoka ibi bwakokola. ukupingulwa, ulo ngola umutima yabantu ku kucita ifyakubipa. ¹² Nangu umubembu acita ifyakubipa imiku umwanda kabili ukutwalilila ukwikala inshitatali lelo nebo indishibile ukwebati icikaba bwino kuli abo aba abacindiak Lesa, kuli abo abemanian pacinso cakwe kabili abamulanga umucinshi. ¹³ Lelo umuntu umubifi tacakamwendele bwino ubwikashi bwakwe tabwakatantalile. Inshiku shakwe shaba inga icishingwa cileya pantu tacindika Lesa. ¹⁴ Kuli nacimbi icifuminishi cabuwelewele kabili nafimbi filya ificitwa fyapana calo. Ifintu ficitika ku bantu abalungami ingefyo ficitiak kubantu babipa, kabili ifintu ficitika kubantu babipa ingefyo ficitika ku bantu abalungami. Nebo nalilandile ati ici nabo cifuminishi cabuwelewele. ¹⁵ Eco nebo nasuminisha insansa, pantu umuntu takwata icintu cisuma pesamba lyakasuba ukucial ukulya no kunwa no kuba uwansansa. Nisansa eshikamushindika ena mumilimo yakwe yonse iyanshiku shamweo wakwe ico lesa amupela pesamba lyakasuba. ¹⁶ Ulo nebo napele umutima wandi kukwishiba icibote kabili nokukwata umucetekanya wakubomab ulya ucitwa pano calo, ukubomba ukucitwa ukwabula ukulala ku menso ubushiku nangu mu kasuba. ¹⁷ Nolu alisuminishe imilimo yonse yakwa lesa kabili ulya muntu tekuti acetekanye umulimo ulwa ucitwa pesama lya kasuba. Nangu umuntu engafwailikisha ukusanga ubwasuko, takabusange bwena. Nagufye umuntu waku shilimuak enga sumina ukwebati alishibe ena icinefye teshibile.