¹ Eco tontonkanya pali kalenga obe munshiku shabumusepela bobe, ulo inshiku shakwafya tashilaisa, kabili ulo imyaka tailaisa ulo webo ukeba ati, ''Nebo ntaba nakuselemo muli shena,'' ² Cita ifi ulo ulubuto lwa kasuba kabili nomwenshi elo ne ntanda fyaba ifya kafifi, na makumbi yakufita yateka panuma ya mfula. ³ Ilya ikaba ni nshita ulo abalinda icipango bakatutuma, kabili na baume impalume bakontama, kabili na banakashi abapeela baleka pantu bena banonofye, kabili na abo abalolesha mufilola tabakomone bwino bwino. ⁴ Iyo ikaba ni nshita ulo ifibi fya mumusebo fikesalika, kabili ne ciunda ca ku pela caleka, ulo abaume bateluka kwi shiwi lya coni na mashiwi ya kwimba kwa bakashana yafumuka ifyo fine. ⁵ Ifyo ikaba ni nshita ulo abau,e bakesa kuba no mwenso kumusansama kabili namumisende cabalulo, kabili ulo ifipaso fikokankatika ifine pamo, kabili ulo ubukabilo bwa cifyalilwa bwafilwa. Nolu umuntu akoya ku nganda yakwe lyamuyayaya kabili nabakolosha bakotentemuka mumisebo. ⁶ Eco tontonkanya pali kalenga obe ulo umwando wa Silifa taulaputuka nangu icitapilo ca golide tacilatobaulwa, nangu ni citapila ca pa cishiba ca kamfukumfuku caonaulwa, nangu umupeto wa menshi uli tobawilwe pa cishima. ⁷ Libe ulukungu tatulabwelela ku munshi uko lwa fumine kabili nomupashi wabwelela kuliu Lesa uyo waupele. ⁸ ''Libusha fye libusha fye, ''efya landa kasambilisha, ''fyonse fine libusha fye.'' Kasambilisha ali shilimwika kabili ena alisambilishe abantu ubwishibilo. ⁹ Ena alisomene nokupelulula nokubika mumuyano amapinda ayengi. ¹⁰ Kasambilisha alifwaile ukulemba kukubomfya mucine amashiwi yakololoka ayacine. ¹¹ Amashiwi ya bantu bakushilimuka yaba kubati citi casongolwa, kubati ni nsunga ishapopwa mukati sana efyo yaba amashiwi yaba shikulu mukukolonganya kwa mapinda yabo ayo yasambilishiwa kuli kacema umo. ¹² We mwana mwaume wandi, ucenjele nefyo ifikolundwapo; imipangilwe ya fitabo ifingi, ifyo ifishukwata impela kabili nokusoma kwacilisha kuleta ukutompoka ku mubili. ¹³ Impela ya mulandu panu,ma ya fyonse ilyumfwikile, neci ukweba ati uletina Lesa namalango yakwe, ico emulimo wa muntunse onse. ¹⁴ Pantu Lesa akaleta ificitwa fyonse mubupingushi, pamo ne fintu fyonse ifyakufisama, cibe ca bune nangu cabubi.