¹ Aya emashiwi yakwa Amos, uwali muli bakacema ba ku Tekoa, ifyo amwene palwa kwa Isreali mu nshita shakwa Usia imfumu yakwa YUda kabili na munshiku shakwa Yeroboamu umwana mwaume wakwa Yoashi imfumu ya kwa Isreali, imyaka ibili libe takulaba icinkukuma. ² Alandile ati, ''Yawe akabuluma ukufuma ku Sione; akasansula ishiwi lyakwe ukufuma ku Yerusalemu. umulemgfwe wa bakacema ukaloosha, ne numa ya nganda ikabonsa,'' ³ Ifi efyo Yawe alandile. ''Pa membu shitatu isha kwa Damaseke, nangufye shine, nshakalule ukukanda, pantu balisokwele Gileadi kufyakusokwelako fyacela ifyatwa. ⁴ Nkatuma umulilo mu nganda yakwa Hasaele, nao uka bongolola ifikulwa fyabucingo fya kwa Bene -hadadi. ⁵ Nkakontaula imipindo ya mpongolo ya mu Damaseke no kuputulako uuteeka mu mupokapoka wa. Abene, kabili noulama umulumbu mu Bete-edene. Abantu bakwa Aramu bakalola muli bunkole ku Kiri.'' efyo Yawe alandile. ⁶ Ifi efyo Yawe alandile, ''pa mwmbu shitatu sha ku Gasa, nangufye shine nshakalule ukukanda, pantu balipitile bunkole abantu bonse, nokubaleka kuli Edomu. ⁷ Nkatuma umulilo pa fibumba fya kwa Gasa nao ukabongolola ifikulwa fyabucingo bwakwe. ⁸ Nkaputulako no muntu waikala mu Ashdode no ulama umulumbu ukufuma ku Ashkelone. Nkalwila no kuboko kwandi pali Ekrone nabashala mu bapelishiti bakaloba, ''efyo shikulu Yawe alandile. ⁹ Ifii efyo Yawe alandile; ''pa membu shitatu shakwa Turi, nangufye shine nshakalule ukukanda, pantu balilekeko abntu bonse kuli Edomu, kabili batobele icipangano cabo ica bumunyina. ¹⁰ Nkatuma umulilo pa fibumba fya kwa Turi, noo ukabongolola ifikulwa fyabungo bwakwe.'' ¹¹ Ifi efyo Yawe alandile, pa membu shitatu shakwa Edomu, nangufye shine, nshakalule ukukanda, pantu alisupikile munyina no lupanga no kuposa inkumbu shonse. Mubukali bwakwe atwalilile ukubakomaula, ne cipyu cakwe caikelepe. ¹² Nkatuma umulilo pa Temani, nao ukabongolola amasano ya ku Bosra. ¹³ Ifi efyo Yawe alandile, ''pa membu shitatu sha bantu bakwa Amone, nangufye shine nshakalule ukukanda, pantu balepwile abanakashi baimita bamu Gileadi, pakuti bengakusha imipaka shabo. ¹⁴ Nkambusha umulilo mwilinga lyakwa Raba, nao ukabongolola amasano, ku kuwelesha mu bushiku bwa bulwi, ku cipupu cikalamba mu bushiku bwa kankungwe. ¹⁵ Imfumu yabo ikalola muli bunkole yene pamo nefilolo fyaiko efya landa Yawe.