¹ Bonse abantu bakwa Yuda balibulile Usia, uwali ne myaka ikumi limo namutanda kabili baimucitile mfumu mwimpunda lyakwa wishi Amasia. ² Ena ewakulile Elath nokuibwesesha kuli Yuda napanuma yaifi mfumu yalilele kufikolwe fyaiko. ³ Usia alinemyaka ikumi limo namutanda ulo atapile ukuteke. Alitekele imyaka amakumi yasano na iyibili mu Yerusalemu. Ishina lyakwa nyina wamufyele ali ni Yekolia; Yekonia afumine ku Yerusalemu. ⁴ Ena alicitile icakulungama mumeeso yakwa Yawe ena alikukoka imicitile yakwa wishi Amasia, mulifyonse. ⁵ Ena aliibikile umwine mukufwaya Lesa mushiku shonse ishakwa Sakaria uyo, uwamusambilishe ena ukulekucindamike Lesa. Mushita yonse ukufwaya Yawe Lesa alikumulenga ukushuka. ⁶ Usia alifumine kuse kabili alilwile naba Pelishiti. Ena alibongolwele ifibumba ifya musumba wa Gadi, yabuna, kabili na Ashidode; ena alikulile imisumba mucabo ca Ashidode namukati kaba Peshiti. ⁷ Lesa alimwafwileko lwaba Peshiti kulwa bena Lebi abali kwikala mu Garbaali, na kulwa bena meunumu. ⁸ Na bena Amone balikulipila imitulo kuli Usia, kabili neshina lyakwa lyali kufunguluka, ukufikafye na kukwingila ka Egupti, pantu alikuya akokosa mumaka. ⁹ Namukulundapo, Usia alikulile impungu mu Yerusalemu, pa mpongolo yapa cifutu papongolo yelungu, napakupatuka kwa cibumba, kabili alishicingilile. ¹⁰ Ena alikulile imfungu shaba kalinda mumatololo kabili alimbile ifishima ifingi ico alikwete ngombe inshingi mupanga yakukonama kabili na mumalungu. Ena alikwete abaumi kabili na bakulima imyangashi mu calo ena alitemenwa ubulime. ¹¹ Ukulundapo kabili Usia alikwete umula wabaume babulwi abalikuya kubulwi impukanepuka isho ishali kukolopekana mupendwa yabo yalikupendwa na Yeyele, kalemba na museya cilolo, musambu shakwa Ananiya umo muli bamushika bamfumu. ¹² Yonse impendwa yatungulushi ishandupwa shalikutungulula abaume babulamba yali amakana yabili ne myanda mutanda. ¹³ Mumaboko yabo mwali abaume amakana imyanda yitatu namakana cine lubali imyanda yisano abalikulwa mubulamba lwabo kukwa fwa mfumu kubalwani. ¹⁴ Usia alibateyanishishe abamulalo onse ikwel, amafumo ifisote ifyakucinga imibili amata, kabili namabwe yamufisukushilo. ¹⁵ MuYerusalemu alikulile ifyakulwilako ifyo abaume bakacejela baelengenye kukuba pa mpungu kabili napafyamba fyabulwi kukuba pa amata nefibwe ifikulu. ishina lyakwe lyali salangene na ku fyalo fyakutali ico ena alyafwilwa apakalamba kabili alishile uwa maka saana. ¹⁶ Lelo ulo Usia aishile kuba namaka, umutima wakwe walingililwe necilumba eco alicile icibi ena kukufutatila Yawe, Lesa wakwe, ico ena alingile mu nganda yakwe Yawe kukoca ulubani pacipailo cacifutumushi. ¹⁷ Asaria shimapepo alimukokele panuma yakwe naba shimapepo bambi bali nakwe amakumi cine kose kose abakwa Yawe, abo abali abaume bakushipa. ¹⁸ Bena balile pameeso yamfumu Usia, kabili balimwele ati, ''tecobewebo, Usia ukulekoca ulubani kuli Yawe, lelo kanofye bashimapepo, abamututuko yakwa Aroni, bashimapepo kukoca ulubani. Eco fuma umwashila, ico wabula bucishika kabili webo tawakacindamikwe kuli Yawe Lesa.'' ¹⁹ Nolu Usia alifulilwe. Alikwete icifutumwino muminwe yakwe kukoca ulubani. ulo acili alifulilwe bashimapepo, ifibashi fyalifulwime papumi yakwe kumulola waba shimapepo mu nganda yakwa Yawe, lubali lwacipailo cacefutumwino. ²⁰ Asaria shimapepo mukalamba na bashimapepo bonse balimuloleshe ena kabili moneni ena alifulwime ne fibashi papumi yakwe, bena mukwakufyanya balimufumishe mulya, ena alyendeshe ukuya kose, pantu Yawe alimukaswile. ²¹ Usia, mfumu alinefibashi ukufika nakubushiku bwamfwa yakwe kabili alikwikala mu nganda yaku patulwa ico ena alinefibashi Ico ena alibindilwe naku nganda yakwa Yawe Yotamu umwana mwaume wakwe ewalikulolekesha pa nganda yamfumu kabili alikutungulula na bantu mu calo. ²² Imilandu imbi iyakwa Usia ukufuma mukutendeka ukufika nakupela yalilembelwa na kasesema Esaya umwana mwaume wakwa Amosi. ²³ Eco Usia alilele kufikolwe fyakwe; balimushikile kufikolwe fyakwe ukucifulo cakushiwako icali ica shamfumu, ico balyebele ati, ''ena wafibashi'' Yotamu umwana mwaume wakwe alishile kuba mfumu mwipunda lyakwe.