¹ Yehoshafati alisendeme kuli bawishi kabili alishikilwe pali bena mu musumba wakwa David; Yehoramu umwana mwaume wakwe, alishile kuba imfumu mwipanda lyakwe. ² Yohoramu alikwete bakwabo, abana baume bakwa Yehoshafati imfumu yabena Isreali. ³ Wishibo alibapele ifyabupe ifikulu sona ifya silfere, golide, nafimbi ifyabume bune, pamo penefye ne misumba iya malinga ayakukosa sana, Lelo ubufumu abupele kuli Yehoramu. ⁴ Nomba ulo Yehoramu ( aimine ) pa bufumu bwakwa wishi kabili ulo aikalikene ngemfumu, alipeye ba wabo bonse ku lupanga, na shimbi intungulushi sha mu Israeli. ⁵ Yehoram ali ne myaka amakumi yatatu na ibili ulo atampile ukuteka, kabili alitekele pa myaka cine konse konse mu Yersalemu. ⁶ Alyendele mu mibele ya shamfumu shabena Israeli, fyekefyo abamu nganda yakwa Ahabu bali kucita, pantu akwete umwana mwanakashi wakwa Ahabu ngo mukashi, kabili alicitile ububi mumenso yakwa Yawe. ⁷ Lelo yawe talikufwaya ukonaula inyanda yakwa Davidi, pamulandu wa cipingo ico bapingene na Davidi; alilandile ukwaba ati inshiku shonse akapela umweokuli ena nakuba bufyashi bwakwe. ⁸ Munshiku shakwa Yehoramu abena Edomu bali sanginike ukufuma kubutungulushi bwakwa Yuda, kabili balicitile imfumu ebene. ⁹ Elo Yehoramu aabukileko naba mushika ba fita na maleteta yonse. cali ubushiku ulo aimine nokuya kulwisha abena Edomu aba mushingulwike pamofye naba mushika ba macelita yakwe. ¹⁰ Efyo abena Edomu baliba bacisangaka ukufuma kubutungulushi bwabena Yuda no kufika ku bwalelo. libina naye alicitile bucisamyuka panshita imo ine ukufuma mubutungulushi bwakwe, pantu Yehoramu alisukankile Yawe Lesa wa fikolwe fyakwe. ¹¹ Ukulundapo, Yehoramu alikilile imisansama mu mpili sha bena Yuda kabili alilengele abekanshi ba mu Yersalemu ukwikala kwati mba chilende, kabili alilengele abena Yuda ukuya iciyeyeye. ¹² inkalata ukufuma kuli kasesema Elisha yalishile kuli Yehoramu yalandile ati, ''ifi efyo Yawe, Lesa wakwa Davidi icikolwe cenu alanda, Pantu tamwalikwenda munshila shakwa, Yehoshafati wishinwe nangu mushila shakwa Asa, imfumu yebena Yuda, ¹³ Lelo mwalikwendela munshila sha mfumu sha bena Israeli, kabili mwalilenga abena Yuda nabekashi bamu Yerusalemu ukulekucita kubati niba cilende fyekefyo inganda yakwa Ahabu yacitile- nakabili pantu waipaya naba wenu mu nganda yakwa wiso, abantu abali ababune kulucila webo- ¹⁴ Mona Yawe akapuma abantu bobe, abana bobe, abakashi bobe nefikwatwa fyobe kumpumo iikulu. ¹⁵ Webo wemwine ukalwala sana nobwabwele ubwamunda mpaka nobulwele bakalenge amala yobe ukulekufuma, elo ici cikatwalilila akasuba nakasuba.'' ¹⁶ Yawe alimishe Yehoramu imitima yaba Pelishiti neya bena arabia abali mupepi nabena kushi. ¹⁷ Balisanshile Yuda, nokumwingilila nokusenda ifyuma fyonse ifyasangile munganda ya mfumu. Kabili balisendele abana bakwe abaume nabakashi bakwe bonse. tapalipo umwana umwaume bamushilile kano fye Yeoashi umwana mwaume sana. ¹⁸ Panuma yaifi fyonse, Yawe alimupumine munda yakwe nokulwele bwakutondapwa. ¹⁹ Calishile kubeshi munshita iyilingile, pakupwa kwa maka ibili elo amala yakwe yafumine kunse pa mulandu wabulwele bwakwe, kabili alifwile kubulwele bwakulile. ²⁰ Abantu taba kunkile ne ifikolwe fyakwe.