¹ Ifyo caishile kuba panuma yaifi, ati abantu bakwa Moabu na bakwa Ammoni, kabli nabamo pabena Meuni balishile kwimina Yehoshafati ukwenba ati bacite ubulwi. ² Elo bamo abaishile baebele Yehosafati, ukutila, ''ibumba ilikalamba lileisa mukukulwisha ukufuma ukupitilila bemba wafwa ukufuma ku Edomu, mona, babi mu Hasasoni Tamari, ''Ekwabati, Engedi. ³ Yehoshafati alishile kutina nokupekanya umwine kukufwaya Yawe. Ali bilishe amafungo ukushinguluka monse mu Yuda. ⁴ Yuda alilongene pamo mukufwa Yawe; balishile muku fwaya Yawe ukufuma mu misumba iyakwa Yuda. ⁵ Yehoshafati aliminine mucilonganino cakwa Yuda na Yerusalemu pa nganda yakwa Yawe, pantashi yalukolo lupya. ⁶ Alilandile, ''Yawe Lesa wa fikolwe fwesu, bushe mwe Lesa wa mumulu? bushe tewe kafeka wamabufumu yonse aya fyalo fyonse? Amaka no lupaka fyaba mu kuboko kobe, kanshi takuli nangu umo uwinga kukana. ⁷ Lesa wesu, tewebo watamfishe mo analikwikala muli cino calo pamulandu bantu bobe Isreali, no kucipela umuyayaya kubamulupwa lwakwa Aburahamu? ⁸ Belikelemo mulya kabili balikukulilemo incende yamushilo mulya iyeshina lyobe, ukutila. ⁹ Umfwa abonaushi buponene pali fwebo ulupanga, abupingushi, nagu ubulwele, atemwa icipowe fwebo tukeminina panshi yanganda iyi, kabili na pentashi yobe (pantu ishina lyobe lyaba muli iyi inganda), nafwebo tukalakulilila kuli webo mukucushiwa kwesu, kabili nobe uli nokutumfwa no kutulubula.'' ¹⁰ Mona nomba aba ebantu bakwa Amoni, Moabu, no lipili lwa Seiri ulo webo utakalekele Isreali ukusansa lintu bakalekubwela ukufuma mu calo ca Egupti; Nomba kanshi abena Isreali balipilibukile kumbi ukufuma kulibo kabili tababonawile bena. ¹¹ Mona fintu bena baletulambula fwebo; baisa kututamfya fwebo ukufumya mu calo cobe ico watupele ukupyana ¹² Lesa wesu, bushe webo tawakabapingule? pantu fwebo tatuli namaka yakulwisha ili ibumba lyabashilika ilikalamba ilileisa mukutulwisha fwebo Tatwishibe ifyo twalacita, lelo amenso yesu yali pali webo.'' ¹³ Yuda onse aliminine kuntanshi yakwa Yawe, nokunya twabo, abakashi nabana babo. ¹⁴ Elo bali nabalongana umupashi wakwa Yawe walishile pali Yahasu, mwana mwaume wakwa Sakariya, umwana mwaume, wakwa Benaya, umwana mwaume wakwa Yele, umwana mwaume wakwa Mattanaya umwina Lebbi kabili uwamulupwa lwakwa Asafasi. ¹⁵ Yahaseili alilandile, ''umfweni, mweba Yuda bonse namwebekashi bamu Yerusalemu, nemfumu Yehoshafati. ifi efintu Yawe alesosa kuli mwebo. ''mwitina; mwitompoka pamulandu waifi ifita ifingi; pantu ubulwi tabuli kuli mwebo, lelo bwakwa Lesa. ¹⁶ Mwebo mulingile ukutentemuka ukuya mukubalwisha mailo. Monwni, baleisa baleninika bapitile kunshila yaku Sisi. muleya kabasanga palutwe lwa mupoka poka, ulo tamulafika mu matololo yaku Yrueli. ¹⁷ Tamwakalwe muli ulu lubu;li, imininefye muncende shemu imimineni umushiki nokumona ukupususha kwakwa Yawe pali mwebo. Yauda na Yerusalemu mwitina nagu yakwa ukutompo funeni mu kaye balwisha mwebo mailo, Ico Yawe namwebo. ¹⁸ Yehoshafati alikontamike umufwe wakwe alilosesha ne cinso cakwe pamushili. ba Yuda bonse nabekashi baku Yerusalemu bawa panshi pantashi yakwa Yawe balamushishimuna. ¹⁹ Abena Lebi, abo abamulupwa lwa bena Kohati nabena Korai, balimininelo pa kulumbanya Yawe, Lesa wakwa Isreali, neshiwi ukupundisha apakalamba. ²⁰ Ulucelo kumacaca balibukile nokuya mu matololo yaku Tekao, ulo balikuya Yehoshafati aliminine nokulanda, ''umfweni kuli nebo, mweba Yuda na mwebekashi bamu Yerusalemu! cetekeleni muli Yawe Lesa wenu, kabili mukatungililwa ctekeleni muli ba kasesema bakwe, kabili mukacimfya.'' ²¹ Panuma yakwipusha ku bantu alisontelepo abo abaimbile Yawe na balya ba mulumbenye pafyo ayansa ifyabukulu bwakwe ulu balikuya ukufuma kuli Yawe, ico bucishinka bwa cipangano cakwe bwaikalilila umuyayaya.'' ²² Ulo batampile ukwimba nokulumbanya Yawe alitumine abaume mukusansa bantu bakwa Amoni, abena Moabu nabaku lupili lwa Seya, abalikwisa mukulwisha Yuda. Bali bacimfishe. ²³ Ico abena Amoni na bena Moabu balimine ukulwisha abekashi ba kulupili lwa Seya, mukufwaisha ukupwilishishisha ukubepeya nokubonaula. ulo bapwishenye na bekashi baku lupili lwa Seya, bonse balyafwilishe ukuyonaula abene bekabeka. ²⁴ Ulo Yuda aishile kuncende iya lolekene na matololo, baliloleshe pa fita. Moneni Balifwile, baliwilile na panshi; tapaali nowapusumukilepo. ²⁵ Ulo Yehoshafati na bantu bakwe ba shile muku pokako ifyo bapokolwele kuli bo, balisangile muli bena ifyabunonshi ifingi ngashi, ifyafwala, nefipe ifyamutengo, ifyo baisendele abene ukucila pafyo benga senda. calibasendele inshiku shitatu pakuti basende fintu bapolwele, ico fyalifulishe ifyalimo. ²⁶ Pa bushi bwalenga bune balilingene mu mupokapoka wa Beraka. kulya balumbanye Yawe, elo ishina lya ilya ncende, ''mupokapoka wa Beraka'' ukufika napa bushiku bwa lelo. ²⁷ Elo babwelele, cila mwaume wakwa Yuda na Yerusamu, na Yehoshafati mubutungulushi bwabo, ukuya nakabili ku Yerusalemu nensansa, ico yawe alibalenga uku sangalala pabalwani babo. ²⁸ Balishile ku Yerusalemu noku nganda yakwa Yawe ne sambo na Masese kabili na mapanga. ²⁹ Icipyu cakwa Lesa cali pa misumba shonse ishanko, ilyo baumfwile ukuti Yawe alilwile naba lwani bakwa Istreali. ³⁰ Ulo ubufumu bwakwa Yehoshafati bwa kutumene, ico Lesa wakwe ali mupele umutende onase uku mushingulusha. ³¹ Yehoshafati alitekele pa ba Yuda; Ali ne myaka amakumi yatatu na isano ulo afampile ukuteka, kabili alitekele mu Yerusalemu pa myaka amakumi yabili na isano ishina lyaba nina bali niba Azuba, umwana mwanakashi wakwa Shili. ³² Alyendele mushila shakwa Asa, wishi; tatalile fumano; ali citile ifisuma mu menso yakwa Yawe. ³³ Nangula incende sha sansulwa tashatalile ashifumishiwapo abantu naleloline tabatalile abalosha imitima yabo kuli Lesa wafikolwe fyabo. ³⁴ Pafya malyashi yambi ayakumine Yehoshafati, icakubalipo ne cakulekelesha, Moneni, fyalilembwa mulyashi lyakwa Yehu umwana mwaume wakwa Hanani, ifyo ifyasungwa mu citabo ca shamfumu shamu Isreali. ³⁵ Panuma yaifi Yehoshafati, imfumu yaba Yuda, alikumike umwine kuli ahasiya, imfumu yabena Isreali, ali pangile ububifi ubwingi. ³⁶ Alikimikelako umwine kuli ena ukupanga ifyombo ukuya ku Tashishi. Balipangile ifyombo pa Esiyoni Geba. ³⁷ Ulo Eliyesa umwana mwaume wakwa Dotabau umwina Maresha, aliseseme ukulwishanya na Yehoshafati; alilandile, ''Apo webo wali ikumika wemwine kuli Ahasiya, Yawe alyonawile ifyabutantiko fyobe fyonse.'' ifyombo fyobe fyalyonaike pali ici tafyaleenda.