¹ Nomba Yehoshafati alikwete ifyuma ifingi kabili no bu cindami; ali ikumike kuli Ahabu pakuleka lupwa lwakwe ope umwana wakwe umanakashi ² Ulo papitile imyaka alitentemukile kuli Ahabu mu Samaria. Ahabu alipeye impanga ishingi ne ngombe ena bantu bali nankwe. Ahabu alimupatikishe uku sansa Ramoti Gilead nakwe. ³ Ahabu imfumu yaku Isreali, alilandile kuli Yehoshafati imfumu yaba Yuda ukwebati, ''Bushe ukaya nanebo ku Ramoti Gilead? Yehoshafati alimwasukile ati, ''ndi nga webo, na bantu bandi bali nga bantu bobe. Tukaba nenu mubulwi'' ⁴ Yehoshafati alilandile ku imfumu yabena Isreali ati, ''Napapata pakubala fwayeni pakubala icebo cakwa Yawe pa bwasuko bwenu'' ⁵ Elo imfumu yakwa Isreali yalikolonganike ba kasesema pamo, imyanda ine abaume, kabili alilandile kuli bena ati, ''Bushe taye ku Romoti Gilead kubulwi, nangu niyako? Balilandile, ''sansa, pantu Lesa ali nokupela mu mabokoya mfumu'' ⁶ Lelo Yehoshafati alilandile, ''Bushe takwaba naumbi kuno kasesema wakwa Yawe untu twinga fwayako bumpanda mano?'' ⁷ Imfumu yakwa Isreali yalilandile kuli Yohoshafati, "mwaliba umo umwana uyo untu twinga fwayako amano yakwa Yawe, Mikaya umwana mwaume wakwa Imlau, lelo nali mupata pantu tasesemapo ifisuma ifyankuma. Lelo lyonse fibi'' lelo Yehoshafati alilandile, ''imfumu ilanda ifyo iyoo.'' ⁸ Elo imfumu yakwa Isreali yakutile no kulanda mukwangufyanya leta mikaya umwana mwaume wakwa imlah. ⁹ Nomba Ahabu imfumu yakwa Isreali na Yehoshafati imfumu yakwa Yuda balikele cilamuntu pa cipuna ca bufumu, bali fwele ne ,mingila shabo, Muncende ya palwalala apakwingila pa mpongolo yamu Samariya, na bonse ba kasesema bale basesemema. ¹⁰ Sedekiya umwana mwaume wakwa Kanaana aliipangile umwine amasengo yacela kabili alilandile ati, ''Yawe asosa ifi ikuli ifi muli nokusunka abena Arami panka bakaminwe.'' ¹¹ Bakasesema bonse bali seseme fimofine, akulanda ati, '' sansa Ramoti Gileadi no ku cimfya, pantu Yawe ali mupele mu maboko ya imfumu.'' ¹² Inkombe yatuminwe kukwita mikaya yali landa kuli ena, ''lolesha amashiwi yaba kasesema yali yamoyene naya sanga ububile ku mfumu leka amashiwi yobe yasuminishanye namashiwi yabo, nokulandfa ifyakulinga.'' ¹³ Mikaya alyasukile, ''ngefyo Yawe abo nomweo, nifinfine Lesa alanda naine efya kulanda'' ¹⁴ Lintu aishile ku mfumu, imfumu yalilandile kuli ena, Mikaya, bushe tuye ku Ramoti Gileadi kubulwi nangu iyoo?'' Mikaya alimwasukile, ''sansa nokuba uwacimfya! pantu kukaba ukucimfya apakalamba sana.'' ¹⁵ Elo mfumu yalilandile ku ena, ''Miku inga nebo mfwaika webo ukulapa ukukana njeba nangu kamo lelo icine Mwishina Lyakwa Yawe?'' ¹⁶ Elo Mikaya alilandile, ''Nali mwene Isreali yonse iya salanganishiwa pa lupili, kubati nimpanga ishabula kacema, umwaume onse abwelele ku nganda yakwe umutende.'' ¹⁷ Elo imfumu yakwa Isreali yalilandile kuli Yehoshafati Bushe nshakwebele ati takasesema icisuma kuli nebo, lelo abonaushifye?'' ¹⁸ Lelo mikaya alilandile, ''kanshi imwe bonse imfweni icabo cakwa Yawe; Nalimwene naikala pa cipuna cakwe icabufumu, na bonse aba mu mulu bali minine ku kuboko kwakwe ukwakulyo kabili na kukuso kwakwe. ¹⁹ Yawe alilandile, Ninani uwingongola Ahabu, imfumu yakwa Israeli, pakwebati enganya kunina no kuwila pali Ramoti Gileadi? umo alilandile ci na umbi cilya. ²⁰ Elo umupashi walishile kututangilila kabili waliminine pantanshi yakwa Yawe nokulanda, 'Nebo nkamongola Yawe alilandile kuli ena mumusango nshi? ²¹ Umupashi walya sukile, ''Ndinokuya no kuya kuba umupashi wabufi mukanwa kaba kasesema bakwe bonse. Yawe alyasukile, ''ukuya mongola, nobe uli nokuba uwa ku cimfya. kabiye ililine nokuya cita ifyo. '' ²² Nomba mona, Yawe nabika umupashi wabufi mukanwa ka basesema bobe, na Yawe nalumbilisha ubonaushi pali webo.'' ²³ Elo sedekiya umwana mwaume wakwa Kenaana, alishile kwima, alitobele Mikaya ulupi kwi saya, no kulanda, ''Ninshila nshi umupashi wakwa Yawe ubomfya ukufuma kuli nebo pakwisa kusosa kuli webo?"' ²⁴ Mikaya alilandile, ''Lolesha, uli nokwishiba ifi pali bulya bushiku, lintu ukabutukila ku muputule wa mukati mukufisama.'' ²⁵ Imfumu yakwa Isreali yalilandilepo nababomfi bamo ati, ''Mwe bantu ikateni Mikaya no kumutwala kuli Amoni, kateka wa musumba, na kuli Yoashi, umwana wandi umwaume. ²⁶ Mwebo mwebantu mukaya kusose kuli ena, imfumu yatila: bikeni uyu mwaume mu cifungo kabili muleku mupela kofye akamukate akanoono notumenshi nato utunoonofye mpaka nebo nkabwele umutende.'' ²⁷ Elo Mikaya alilandile, ''Nga wabwela umutende ninshi Yawe teulandile na nebo.'' Elo alilundilepo ati, ''Umfweni kuli ifi, bonse mwebo mwebantu.'' ²⁸ Kanshi Ahabu, imfumu yakwa Isreali. na Yehoshafati, imfumu yakwa Yuda, balimine ukuya mukulwisha Ramoti Gileadi. ²⁹ Imfumu yakwa Isreali yalilandile kuli Yehoshafati, ''Ndinokuilufyanya nemwine, elyo baile mubulwi. ³⁰ Nomba imfumu yakwa Aramu yalikonkomeshe ba chilolo ba pama cheleta, ukutila, ''Mwila kusansa abashili nabuyo nangu abali nobuyo aba shilika. Nomba kanshi, musansefye imfumu yakwa Isreali yeka.'' ³¹ Calishile kufika pamo lintu bacilolo bamacheleta ba mwene Yehoshafati balilandile, ''Eilya imfumu yakwa Isreali.'' Balipilibukile ukuti bamusanse, lelo Yehoshafati ali lilile umusowa, na Yawe alimwafwile Lesa alibapilibwile ukubafumya kuli ena. ³² Calilishile kuba ifi lintu bacilolo ba pama chelete baishile kumona ati tayali nimfumu yakwa Isreali, balipilibukile kunuma ukufumako baleka ukumukonka. ³³ Lelo umwaume umo alisomwene ifumo lyakwe mukampampa nokulasa imfumu yakwa Isreali pakati apa ikatanine inkwela yakwe iya bulwi. Elo Ahabu alilandile kuli namutekenya we chleta lyakwe, ''pilibuka kabili insenda umfumyemo mubulw, pantu nebo ndicenenwe ububi nganshi.'' ³⁴ Ubulwi bwalikulile bulya bushiku, ne mfumu yakwa Isreali, Yaliketwa mwicheleta ukuloleshnya nabena Arami ukufika mucungulo. Panshita ilyo iyo akasuba kali mukuwa, ali fwile.