¹ Yehoshafati umwana mwaume wakwa Asa alishilekuba imfumu mu cifulo cakwe. Yehoshafati alikoseleshe umwine pali Isreali. ² Alibikile ifita mu malinga ya musumba yonse lyakwa Yuda no kubika ama boma mu calo cakwa Yuda na mu misumba yakwa Eframu, untu Asa wishi acilile. ³ Yawe ali na Yehoshafati pantu alyendele mu nshila shakutampilapo lyakwa wishi Dabidi kabili talefwaya ba bali. ⁴ Lubali ulu, alishintilile pali Lesa wakwa wishi no kwendela mu funde, te mumicitile yakwe Isreali. ⁵ Eco Yawe alipampamikile ukuteka mu maboko yakwe, Yuda onse aliletele ifya bupe kuli Yehoshafati. Alikwete ifyuma no mucinshi uwingi nganshi. ⁶ Umutima wakwe walipele mu nshila shakwa Yawe. kabinge alifumishe imisansama ne fyamikwa fya Ashera ukufuma muli Yuda. ⁷ Mu mwaka wa butatu uwa kuteka kwakwe alitumine ba cilolo bakwe beni Hachi, Obadiah, Zekaria, Netaneli na mikaya ku kufunda mu misumba yakwa Yuda. ⁸ Pamo nabena pali abena Lebi, shemaya, Netaniya, sebadiya, Asaeli shemilamate, Yehonatani, Adoniya, Tobiya na Tobu-Adoniya pamo na bena pali ba shimapepo Elishama na Yehoramu. ⁹ Balifundishe muli Yuda pakukwata ibuku lya malango yakwa Yawe muli bena. Bali mukuya monse ukupulinkanya mu misumba yonse iyakwa Yuda no kufunda mu bantu bonse. ¹⁰ Umwenso wa kutina Yawe walishile pa ma bufumu yonse ya mu calo ifya shingulukile Yuda icalashati tabacilepo ubulwi pali Yehoshafati. ¹¹ Bamo aba Pelishiti baliletele Yehoshafati ifya bupe na silfere nge mutulo. Abena Arabia nabo balimuletele ifitekwa, Amakana cine lubali imyanda cine lubali basukusuku, na makana cine lubali ne myanda cine lubali ba sawe. ¹² Yehoshafati alishileba uwakosa nganshi alikulile amalinga ne misumba ya kusungilemo mu Yuda. ¹³ Alikwete ifi kwatwa ifingi mu musumba yakwa Yuda nabashilika, abaume abakosa ababulamba mu Yerusalemu. ¹⁴ Iyi eyali imyakani shishe yalo yatantikilwe kwai shina ya mayanda yaba shibo; ukufuma muli Yuda, bamushika wa milalo aba makana; Adana mushika, kabili kuli ena amakana imyanda itatu abaume babulwi; ¹⁵ Uwakonkele pali ena Yehohanani mushika, kabili kuli ena amakana imyanda ibili na makanba amakumi cine conse konse konse abaume; ¹⁶ Uwakonkele kuli ena amasia umwana umwaume wakwa Sikri, uwaitemenwe ukuipela ku kutumikila Yawe; kabili kuli ena amakana imyanda ibili abaume babulwi. ¹⁷ Ukufuma kuli Benjamini; Eliada uwakosa umwaume uwa shipa kabili kuli ena amakana imyanda ibili balipekenye no buta ne nkwela; ¹⁸ Uwakonkele pali ena Yehosabadi, kabili kuli ena umwanda umoi na makana amakumi cine konse konse abali pekenye ku bulwi. ¹⁹ Aba ebali abo abatumikile imfumu, pamo nabo abo imfumu yabikile mu misumba yamalinga ukupulinkanya Yuda onse.