¹ Sikane kahe itsi bai la bokwesi bo lilonga so limoi po e bane beyali katsi e Yezu Kilisito. ² Koyo kahe, mobeko u molimo u bo umake katsi e Yezu Kilisito mo te singole katsi e mobeko u basumu pe mo lokoo. ³ Po ine yema yetsi kokani la mobeko, po ine monio mo te aesa yoo so lokulu, Mongalima ete kwesa a likita katsi e monio li botomi, la tsina e masumu, Mona olome o ahe matuke katsi e monio bo ulani la ine i bansumu, ⁴ pe la yoo po ine yesambesi ye mobeko mo kokesame katsi e iso, bane be yela, so la kinda e monio, kasi la kinda e yelimo. Bane, koyo, bane be uma la kinda e monio, benangeli bima bi monio, kasi bane be uma la kinda e yelimo be nangeli bima bi yelimo. ⁶ Pe yenanga ye monio, i bai lokoo, kasi yenanga ye yelimo, i bai bo umake pe hai; ⁷ po ine yenanga ye monio itsi kundani la Mongalima, po ine itsi yalesa seese e mobeko u Mongalima, pe ine itsi koki so peeni. ⁸ Ainzikahe, bane be uma la kinda e monio betsi nangelesa Mongalima. ⁹ Po ine botsi uma la kinda e monio, kasi la kinda e yelimo, la kahe Molimo u Mongalima mo yali katsi e ino. La omoi etsi bai la Molimo u Kilisito, etsi bai o ahe. ¹⁰ Pe la kilisito e bai katsi e ino, bilongo, i bai solo, biwei la tsina e basumu, yelimo ye bai la bo umake la tsina e yesambesi. ¹¹ Pe la Molimo mo ano ete sekwesa Yezu katsi e bete wa eyali katsi e ino, ano ete sekwesa Kilisito katsi e bete wa eko aesa onu aituta bo umake katsi e bilongo bi aino bine bikoki bowei la ndole e Molimo mone mo yali katsi e ino. ¹² Sokoyo kahe, bangwaya, totsi bai la nongo e monio, po e bo umi la kinda e monio. ¹³ La bo umake la kinda e monio, bo oko wa; kasi la kwa yelimo bo olaka mesala me bilongo, bo oko uma, ¹⁴ po ine bane be yelesana la Molomo u Mongalima be bai bana ba olome ba Mongalima. ¹⁵ Po onu botsi ukoli yelimo ye motuke, po bo yale katsi e bobangi; kasi bote ukola yelimo ye litsike kwa ine i hama osu: Abba! Aha! ¹⁶ Yelimo ye matuke ye aesa yeneseli la yelimo ya iso ine i bai osu banuku ba Mongalima. ¹⁷ Ainzi, la tobai banuku, to bai aituta basangoli, bosangoli ba Mongalima, pe basangoli loko kani la kinda e Kilisito, lo sokoyo to nyokolama osu lahe, po ine tolilesana lahe. ¹⁸ le eni ine menyoko me yene yeleko metsi koki bo ulanesami la bolilesi bi oko lwa ine i oko enesana po e iso. ¹⁹ Aituta bokelami bo konga la kamo efulaku yeneseli ye banolome ba Mongalima. ²⁰ Po ine bokelami bote isama seese e mondandalia, -so la lokundo lo ahe ,kasi la tsina e bane ete mo isa seese.- ²¹ La yelikya nde eko singolana yee la motuke u bokolami, po e bosili isikani i bosomi i bolilesi likolo li banuku ba Mongalima. ²² Ainzi, to lembeli ine tee kwa line liose, bokelani koitu bo fila mohe po e bonyokolami la pasi e bo otsi. ²³ Pe itsi bai soko yoo matuke; kasi osu pe, bane be yali la bilembo bi felo bi Yelimo, osu pe tofila mohe katsi e iso matuke, la bokongi litsike, bo lembesi bo bilongo bi aiso. ²⁴ Po ine i bai katsi e yelikya ine ite uma osu. Ainzi, yelikya yene ye ena osu yetsi bai yene ye ena osu, to koki boliki aituta? ²⁵ Kasi la osu to likia ene etsi ona osu, to konga yoo la ihaala. ²⁶ Sokoyo pe ete engesa Yelimo katsi e bolembi bo aiso, po ine to tsi lembeli ine isengeli po e aiso po e bolongi katsi bisambi bi aiso. Kasi Yelimo yee matuke e longe la kwa boluti mohe botsi limbolana, ²⁷ pe ano e lita metema e lembeli mbi i bai makanesi ba Yelimo po ine i bai la kinda e Mongalima ine ilongela yee po e litomba li ba tsanga. ²⁸ To lembeli, sokoyo, ine bima koitu bi yali po bolamu bo bane be kunda Mongalima, bo bane be etakemi la kinda e bakanesi bahe. ²⁹ Po ine bane ete lembela yee ko felo, ete minola boo ko felo, beyali lolenge lomoi la yelilingi ye Mona olome u Ahe, po ine Mona olome u ahe ayale mo hotami u felo katsi e banginena bofela. ³⁰ Pe bane ete minola yee felo-felo, ete etaka boo; pe bane ete etaka yee, ete singola boo; pe bane ete singola yee, ete lilesa boo lpe ikolo. ³¹ Mbi ikoki bo beki osu kahe la bolitsi boo baohi? La Mongalima e bai po e iso, nda ekoki bo fini osu? ³² Yee, ano etsi to itela Mona olome u ahe matuke, kasi ano ete mo tamba po e aiso ngia, endei kinda etsi aesa yee osu bio bima koitu? ³³ Nda epeleka baponami ba Mongalima? E bai Mongalima ano e singola. ³⁴ Nda e kwesa boo a likta? Kilisito ewii, bo eteli wali, ete sekwa, e yali a lilome li Mongalima, pe e longa po e aiso! ³⁵ Nda efakanesa osu la lokundo lo Kilisito? I koki boyali menyoko, too bowaowa bo somo, too lisengya, too semba, too bolimbo, too yelonga, too mopanga? ³⁶ la kinda ene ite komama: I bai la tsina elaho ine boo bete to isa katsi e lokoo liose ngia, Be to lita aine kondolo ine i tomami isikani ine i holaka boo yoo. ³⁷ Kasi katsi e bio bima ngia, to bai bo eteli balongi kwa ano ete kunda osu. ³⁸ Po ine le bai la bo inoli ine so lokoo, so boumake, so banzelu, so bo enelani, so bima bi sikane, so bima bi oko lwa, ³⁹ so nguya, so bolili, so inzinda, so yekelamu ye moi ye siaka ye tsi koki bofakanesi osu la lokundo lo Mongalima lo enesani katsi e Yezu kilisito kolo e iso.