¹ Hoye mito, ata obayi nda, oye osambesia, betsioko molimbesa oye; po ine la osambesia basiaka baito, oya kamba koye mangine, fuko ine oye mito osambesa, okela boakita ko lo ndenge. ² Tolembeli ine 'te yesambi ye Mongalima elana la baane bekela bo'akita, ebayi ine liekela. ³ Pe okanesi, oye mito, ano osambesia baito bane bekela bo'akita, pe nda ekela bo'akita, 'te ookotsila yesambi ye Mongalima? ⁴ too ofeta bolamu bo'ahe, bokongi bo'ahe po ebakita mbe bine bikoki a etumbu, otsilembela ine bolamu bo Mongalima e motoma a bomini masumu. ⁵ Kasi la motema ipotake elaho pe la motema elaho ipotake a masumu, olialesa boangoyi po e mwasa e boangoyi pe boyaenesi bo yesambi bo Mongalima bi boyengene, ⁶ biokohulesela mito la mito bine bikeli ye; ⁷ bosuseli bomoi bo seko la seko la baane beiki piko a bokeli malamu, bepala lokumu, nkembo pe bilongo bine bitsiwa; ⁸ kasi boangi la bwango la baane beiki molimo bo yahelani, beyali solo a bofakani la liekela pe betosa nga bolimbi boyengebene. ⁹ Monyoko pe bowawa a molimo o mito ngia ekela mabe, felo ngu moYuda, pe mbusa ngu mo Geleki. ¹⁰ Kembo, lokumu pe hai ngu ano mito ekela malamu, felo po e moYuda, pe mbuse po moGeleki! ¹¹ Fuko ine felo e Mongalima, buinoeli baito itsibayi. ¹² Baito ngia bene bekeli masumu so' mobeko, beokowa pe so' mobeko, pe baito ngia bene bekeli masumu la mobeko, beoko samba la mobeko ¹³ Etsibayi ta baane beokoka mibeko nde bebayi a boyengebene felo e Mongalima, kasi baane beisa mibeko a yesali yeibo nde bebayi a boyengebene. ¹⁴ Yekeleko ba pagano baane betsiki mibeko bekela bine bikomami a mibeko, boo bebayi baane betsiki mibeko, bebayi mibeko po e boo mangine ¹⁵ Beyaenesa 'te yesali ye mibeko ikomami kati e mitema yeibo, bwinoli kati e mitema yeibo la boaesi mboli, pe makanesi yeibo beyafundana pe baya longisana. ¹⁶ Bine biokoenana mwasa une, ndenge ikomami a buku ela e sango malamu, Mongalima eoko tosambesa a ndole e Yesu Kilisito bakita biitamake bi aito. ¹⁷ Oye oyaesia lina li Moyuda, oyayalesi likolo li mobeko, oyakumesia boo Mongalima, ¹⁸ olembeli yeposa yelahe, olita a bokumesa bokeseni e bima, ndenge etomi mibeko; ¹⁹ Oye ano oyakumesia oine obayi moyelesi bo bibosono, bongengi bo baito bane bebayi a liita, ²⁰ Monganga lifulaku li baane betsiki ayele, mokonzi u baane betsilembeli so yema, po ine uiki kati e mobeko bine biaesia bososoli pe liekela; ²¹ oye ano eteya baito basiaka, otsi ya teya oye mangine! oye ano e sakola batsi pinolé a lokulu, oye opinola a lokulu! ²² oye ano efetesia yekobo! okela yekobo! Oye ano etsi kumesia bikeko, ofengia bima bi mbele e Mongalima! ²³ Oye ano oyakumesa po e mibeko, ookokesa Mongalima bosambo po e bouni mobeko! ²⁴ Fuko ine lina li Mongalima lifengia po elaho ngu bapakano,oine ikomami yo. ²⁵ Boteni bolefo yebai a litomba, la okisa mobeko a yesali; kasi la okauna mobeko, boteni bolefo yelaho ika fengya. ²⁶ La mito ano betsi moteni bolefa akalita mikanda mi mobeko, bolimbi boteni bolefo elahe bitsi yala oine eiki bolefo? ²⁷ Ano eotami soo boteni bolefo, ekokisa mobeko, etsioko mwisesia a likita, oye ano ouna mobeko, sumi nga uiki mokanda mo mobeko pe oteni bolefo. ²⁸ Moyuda etsiyali yene yebayi a yeholo; pe boteni bolefo, etsibayi yene yienena kati e monyo. ²⁹ Kasi Moyuda ebayi yene i momolo; pe boteni bolefo yene ye motema, oine molimo pe ta oine mokanda. Bokumesi bo ano Moyuda etsi luwi ngu baito, kasi ngu Mongalima.