¹ A mbuse ngena bwiseli likolo osiaka mwanze ebayi a bokonzi bofulake pe mbu ingengi a nkembo elahe. ² esumba membalu a lolaka makasi, eeka: ekakwa, ekakwa, Babylona efulaku ekakwa, isikani yeoyali e ba demo, isikani e melimo ndenge a ndenge e mbindo, isikane e banole pe mbindo pe metungisi, ³ po ine liota ngia bakanua baana u kanda e boseka pe ine bakonzi e mwano bakaesia lahe po e seko, pe ine baito a mombongo u mwano bakakwesa bajui a nguya e mwali ⁴ Pe ngokoka eelo likolo osiaka lolaka eeka: tsua katsi eibo, baito baha, po ine botisangane a lisumu li ibo, pe ine botsiyale a elingi emoi a loo ndumbakeli. ⁵ Fuko ine basumu eibo ekahumana pe Mongalima akakundola masumu bwaibo. ⁶ Enda aine endaki bo, pe mohuleselia mbala iyele a ndenge e mesala meyahe, katsi e kopo eelo ehutaki ye, mohutakela mbala iyele. ⁷ Mbala yenga eya ndambola pe boyafilingi katsi e bomengo, ekoki ine omwaesi bolnga lengi pe yengonda, po ine eeki a motema uwae: lebayi mokonzi u mwali, ndji bayi mwali ano eweli molome, pe totsiokoyena yengonda. ⁸ po emli, a mwasa umoi, eelo ndumbakeli eokolwa, loko, yengonda pe semba iokoihakema a yohe, po ebayi a nguya, Nkolo Mongalima a sambisa owa. ⁹ pe bakonzi ngia ba mwano, bane beteaesaki lahe a ndumba pe a bomengo beekolela pe bekotungisama a tina emoli, yekeleko bekolingela meye me bokulani myeibo. ¹⁰ Baakemala esika katsi e bohangi, bondumbakeli eibo, beeka! bowa! lohia lo mbau lofulaku, Babilona, lohia lo mbau e nguya, a yekeleko emotsi ekokwa esambiseli elaho! ¹¹ pe beyeli a mwano belela pe bebayi katsi e yengonda a tsina elahe, po mito etikola alngina bima biyahe. ¹² Bima bi wolo, mbela, baabanga ba motuya, ba peele, tulu petepeke, pulupe e likunya e bongengi, a ndenge ngia ene aine e setela, a ndenge ngia e bima e baino e soku, a ndenge ngia e mete mefulaku e lohuno e tairaine, e ebende pe e malabe. ¹³ e kinamono, a amomo, a mpaka e malasi, ko la mola, ko la libana, ko la vinyo, ko la baina, ko la moteke u mwali, ko la fate, ko laa ngombe, ko la mpate, ko la mbalata, ko la makalo, bilongo mpe melimo e baito. ¹⁴ Huma ekundaki motema uwao ukakia yesika elaho; pe bima e mbembe ngia, pe eitani ngia ukaunga po elaho, pe otsokoukola alingina. ¹⁵ Bane beyeli aa bima bimoli, bakakwa bajui a emoli, beekoemala yesika, katsie bohangi endumbakeli eibo beekolela pe beekoyala a yengonda. ¹⁶ Pe beekokeka: bowa! bowa! lohia lo mbau lofulaku, etolesamaki a tulu e petepete, a ulu ehamake enohoni pe tulu ehamake, ene pe ekembeli bilongo e wolo la mabanga e motuya pe e mangiliti! a lo yekeleko, boo bojui iokobita. ¹⁷ pe boyelesi ngia bo noli e mendele, bane ngia beyeli yoo isikani, bane beyeli bopahani a lo liange, beemalaki yesika. ¹⁸ pe behama a boheni mene me boambwani boibo. Yo engumba e umaki a engumba efulaku? ¹⁹ Befilinga mbu a meto meibo, belela pe beyalaki a engonda, behama pe beeka: bowa! bowa! engumba efulaku eelo bayakwesa bajui bane a bomengo a bane ngia babayi mekoka likolo li liange, a yekeleko yemoi iyokobita! ²⁰ Likolo, nangela po elahe, pe onu bansatu, bantoma pe basakoli, nangela pe lokola. po Mongalima ekeli onu sembo e bosambesi. ²¹ Mwanze emoyi e nguya akasila limukeli limoi yangami a limukeli likolongake pe aka filinga a liange, akaeka: oyo ekoyala bofilingia lokulu Babilona, engumba efulaku pe etsiokoukolama a lingina. ²² pe betsiokoka a lingina ngwao lolaka lo baofi e mmoliki, baofi e musike, la baofi e pololo a kelelo, etsiokoukamela ngwao, ata mito omoi e yesili ye ndala betsiokoka ngwao yetole e motute. ²³ Bongengi u mwinda etsiokotongama ngwao pe lolaka lo molome pe lo mwali etsiokokana ngwao, po ine bayelani bawao beyalaki ba lifulaku a mbu, po ine bikolo ngia besumuki sese e bokonzi e soloka. ²⁴ pe po ine bakaukola ngwae ngelo e basakoli pe e basantu pe a bane ngia bete tenaki gingo ane sese.