¹ Boyabatela a bokeli bosembo felo e baito, po ine bwenane, la ta oyo, botsimohukola lifutsi ngi Ise o ino ano ebayi likolo. ² Lokakela lifako, so hofa moyepe felo elao, ko une ekela baito belumbi bosembo a ba Sinagoga pe a melolo, po e boyali a longumo ngi baito. Le hekela onu ko solo, bekoukola lifutsi lyaibo. ³ Kasi tango ekya oye lifako, ta ine likalo li liali liembele ine ikela li lilome, ⁴ Tsina ine lifako lilao likelame a bwitami; pe Ato o wao ano ehena a bwitake, ekomwineselia lyo lifako. ⁵ La osambela, so yala aine baito belumbi bosembo, bane bekundji bosambeli bwemali likolo a ba Sinagoga pe a batumu ba melolo, po ine ba ennane ngi baito. Le hekela onu ko solo, bekoukola lifutsi li aibo. ⁶ Kasi tango esambela oye, hola a yefindji ye mbele e lao, nanga mobalia u wao pe sambela Ato owao ano ebai ehelo a isikani i bwitami; pe Ato owao, ano a bwitami, ekomoheselia. ⁷ A bosambeli, so fulesia bahoyi belumbi tsina, aine bapakano, bane bekanesi ine la bakatusia bahoyi bofela bekwinolama. ⁸ So yala aine wo; po ne Ise o ino elembeli yema mbi yebayi onu la posa felo ine bo mohuhole ye. ⁹ Lita kasi iya ekoki onu bosambeli: Ise o iso ano ebayi a loola! Lina li lao li yale Mosanto, ¹⁰ Keka e lao elwe; Mokano u wao ukelame ane seese aine a loola. ¹¹ To aya osu bonohombe bima bibolei mwasa la mwasa, ¹² Tolimbesa osu mbeko mbe ya iso, kune elimbesa osu bane betetokela osu mbeko mbe! ¹³ So tohokesia a emekelo yembembe, kasi to umesa a bakita bambembe, po ine , a ngao nge ebayi, a bikeke la bikeke, Keka, Lokulu pe Kembo. Iyale ko oyo! ko oyo! ¹⁴ Lokalimbesa baito mbeko mbembe yaibo, Ise o ino o loola ekolimbesa onu lokola. ¹⁵ Kasi loye otsilimbesi baito Ise o ino etsokolimbesia aisia mbeko mbembe yaino. ¹⁶ La okakila bima soyala a bowaowa aine baito belumbi bosembo bane bekia bo bowaowa po bwenesi a baito ine bekili bima. Le hekela onu ko solo, bekoukola lifutsi li ya ibo. ¹⁷ Kasi tango ene ekila oye bima, pula paumba a moto pe so a bosio bowao, ¹⁸ po ine otsenesi ngi ine okili bima, kasi ngi Ato ano eyali eelo a isikane a bwitami, pe Ato o wao ano ena momolo e bwitami, ekomwineselia. ¹⁹ Suita bomengo a mbu, esikani une elia mokalo la mekako ane e fengesa, eelo baito a bwiba be tuelesa pe be iba. ²⁰ nde bo ite bomengo boino o likolo eelo mekese pe mekako betsi fengesa, eelo pe betsi tuelesa po baibé. ²¹ po ine isikani ebayi kita e laho, isikani emoti eo ko yala a motema owao ²² liso li bayi mwendi u ilango, ambi liso li lahe libayi wali, ilango ngia eoko bia a bo ngengi. ²³ ambi liso li laho libayi a ndenge mbe, ilonga iyaho ngia ioko yala ndjima, la bongengi bone bobayi ngwao boka kwa ndjima, yeenga yoko yala a ndjima yefulaku. ²⁴ Ata mito etsi koki bo keeli balakisi bahele po ine eoko kunda omoyi pe eoko feta osiaka. Otsi koki bosaleli Mongalima pe Momon ²⁵ po ine nga bekela onu: botsi ange likita li bomoyi elao une mbi yoo okole ngo, ata likita li bilongo bi laho, mbi yoko tole ngo, bomoyi botsi etele bima, pe bilongo betsi etele ngulu? ²⁶ Lita nooli i likolo: betsi ona pe betsi tena, pe betsi bayi a bibembelo; pe Aha ano oino o Likolo e lesa boo. Onu botsi eteli boo? ²⁷ Nda oino la bo bangi lo hahe, pe ekoki bobakesi motundulu a bo umwake bo bomoyi elahe? ²⁸ Pe likita li mbi lianga onu po e tulu? lita ino ndenge e hola loso a bihua: betsi kela mosala pe betsi kela menyama. ²⁹ zoka nde le moekela ine ata Salomoni a kembo elahe etsi te tolaka tulu aine omoyi oibo. ³⁰ La Mongalima aka tola oyo bingi bi bihua, pe bine bi bai onombe pe fifi beo ko filingana a fulu, etsi o ko to bebesa, pe onu baito ba boinoli boke ³¹ so tungisama ni, pe so beka une: mbi eoko lia osu? mbi eoko nua osu? a mbi eoko tola osu tulu? ³² po ine bima yoo kwitu, ba pakano nde palanakola. Ise oino o Likolo eo aesa onu bine bobayi ayo posa. ³³ palana ino felo keka pe la bosembo u mongalima, pe la yo bima ngia be ko aesa onu sese. ³⁴ so tungisamani po ekosueli po ine basueli eko sila bakita eye mangine la mwasa ngia ekokisa likita.