¹ A lo tango Yoani Mobatesi akatwa; esakola a yeliki ye Yudea. ² Akaeka: bolenge, po ine keka e likolo ebayi kwawe. Yoani ebayi ano etetangolamaka la Yisaya, polofeta, tango ekaheka ye: ano ebayi mohehe wano eamata a yeliki: kenga ndole e Kolo, lalesa toholo towae. ⁴ Yoani eteyalaka a tulu e ngungi i kam iki u lipate a mopoto uwae. Etaka eyalesia bapaala pe baina ba bohe bo ngangange. ⁵ Baito ba Yelusaleme, ba Yadea kwe etu pe ba moki kutu pene Yaladene, bakakya ngae; ⁶ bakayambola basumu baibo, bakabatesama alae a liange li Yaladene. ⁷ Kasi akena ye ine a batisimo bowae Bafalisayo bofela pe ba Sudukai, akahekela bo: Baota ba bamate, nda ehumi onu botsili kanda ene eyeli mbuse? ⁸ Tusia kae huma ikomeli i boyalengesi bwaino, pe so ekelana unu angine: tobayi la Abalayama po e Ise! Fuko ine lekela unu ine bane bamukeli Mongalima ekoki bwayi Abalayama bana. ¹⁰ Kala lito likisama a mwili u mete: mote la mote une utsota huma i mwali uokotenema pe uokofilingama a yohe. ¹¹ Ngo lebatesa onu a baye po e botomi onu a bolengesami, kasi ano ekolwa mbuse e la eheteli ngo a lokulu pe ndjiyali a likoki li botoli bilato biyae. Ye ekobatesa onu la Molimo Mosanto pe yohe. ¹² Ebayi a lungu lolae a lifindji, eomba isikani iyae, pe ekosanganesa fate e lae a mbele kasi ekohiakesa bingi a yohe ine itsilimala. ¹³ Sika Yesu akalwa bobandi Galilea tee Yaladene ngi Yoani po ine amobatesi. ¹⁴ Kasi Yoani etsikundji, a boheki: ngo ngebayi a e posa ye bobatesami a lao pe oye okalwa ngwa! ¹⁵ Yesu akamwinesela : Mina ikelame sikene po ine ikoki te tokokesi ine ibayi sembo. Pe Yoani etsifetsi aisia. ¹⁶ Ane akabatesama Yesu, akatwa a baye. Pe lita, likolo likumwa, pe akena Molimo u Mongalima bwiseli aine yebenga pe bolwi likolo li lae, ¹⁷ Pe lita, mohehe ukokokana bolwi likolo li loola a bane baoyi: Ano une ebai Mona owa o lokundo, a lae lisi loondo lola kolotu.