¹ Po ine keka e likolo yungani a malako u mbele etui a kombe, po e bokumesi baito a mosala po e vinyo e lahe. ² baka okokana la ibo lopata lomoi a mwasa pe aka toma bo a vino elahe. ³ Baka ya tsua a ngonga e isaso pe baka ena basiaka esikani imoli so muho. ⁴ Aka ekela bo: kiaka pe a vino ela, pe leko aesa onu ine yo ekoyala a okanisi. ⁵ Pe baka kia aho, aka tsua kwa isia a ngongae mbale emoi pe e sumbanga emoi, pe aka kela kooyo. ⁶ Aka tsua yee a ngonga e labo a emoi, aka hana basiaka bane bete yalaka a isikani yo, pe aka ekela bo po embi eemali onu ane mwasa kwitu so bokeli yema? ⁷ Baka mwineola: ibayi ine so mito ano eto , kumesi, kiaka pe lokala a vino ela aka ekela bo. ⁸ Ane eka tsua likose la molakisi u vino, aka ekela mokengeli une: etaka basali pe o ende bo lifuta li ibo la bobandi la ano o mbuse a bofelo. ⁹ Bane ba nganga e labo a emoi baka tsuana,baka ukola omoyi e suka. ¹⁰ Ba felo felo baka tsuana a bokonesi boukoli lindji kasi baka ukola pe moyi la emoyi likuta limoyi. ¹¹ La boukoli, baka hima hima mabe po e molakisi e mbele. ¹² pe baka eka: bane ba mbuse baka kela mosala sanga ngonga emoyi, pe okakela bo ndenge emoyi la osu, bane tote okokaka boeni bo mwasa pe la lumbe. ¹³ Aka yanola omoyi o ibo: mwinina owa ndji okomokela mabe, otsi okokani la ngo a denali ndenge emoyi? ¹⁴ Baa line ikoki a laho pe kiaka, le ko aesa ano a mbuse soko lo ndenge. ¹⁵ Ete kundeselami a ngo bokeli yema yeha yene yekundji ngo? kahe oeni oye baiso mbe une leyali o wali? ¹⁶ laa oyo ba mbuse beko yala felo pe ba felo beko yala ba mbuse. ¹⁷ Tango e lila Yesu a Yelusaleme, akasila bayekoli laabo ba ayele, pe aka ekela bo a ndolé: ¹⁸ Lita, tolil a Yelualeme, pe Mona o mito e koesama a ba nganga bafulaku pe a ba Sadukaya, beoko motoma a loko, ¹⁹ pe beoko mwaesa a bapakano, po ine ba mole, ba mofe fimbo,pe ba moholakesi; pe mwasa o isaso eeko sekwa. ²⁰ Aho inena o Zebedeo akaya fila ngu Yesu a bana ba hahe, pe aka motsimela mowii po e moekeli bosenga. ²¹ Aka mwekela: mbi ikundji oye? tomele ngo, aka moekela, te bana balome baele, pe lita bayale abokondji bo awo, emoyi a lifindji li lao li lilome, osiaka a lifindji lilao li liyali ²² Yesu aka inesela bo: o tsi lembeli yene ye okouhola oye: okoki bo noi keni ene eoko nué ngo? tokoki eeki bo. ²³ pe aka inoela bo: ebayi wali ine booko nua keni ela, po ine bane beyali sese a lifindji lila li lilome pe a line li liyali; betsi litaneli ngo pe eeko eesamela la kwa bane ise owa eiseli bo. ²⁴ Laabo,baka okoka oyo, totebiaka mabe po e banginena baele. ²⁵ Yesu aka etaka bo, pe aka beka: bolembeli une bakondji u yekolo ba Tyramisenti, pe te bane efuli ba moekele. ²⁶ Etsi te biaka ndenge emoyi a katsi e ino. ebayi nda ekundji ine ayale lofulaku momolo e ino, ayale mosaleli o ino ²⁷ Ebayi nda ano ekundji boyali felo o katsi eino, ayale moumbu o ino. ²⁸ A ndenge lo elui mona o mito taa po ba mokeelé, kasi po akele pe aesi bomoyi uwae oine mbeka elindji. ²⁹ Eko tsua bo a Yeriko, lindji baka bila Yesu. ³⁰ pe lita baofa baele beyali kelekele e ndolé, be kongi Yesu a ete, pe be hama: to hokela bowawa, Kolo, Mona o Dawidi: ³¹ Lindji baka moonga, po bayalesi boo hai, kasi bakahama a lokulu: toyokela bowawa, Kolo Mona o Dawidi; ³² Yesu akemala, aka etaka bo, aka beka: mbi ikundji onu po lekele po e ino? ³³ Baka mwekela: Kolo baiso o iso bouwolame. ³⁴ la boki bowawa, Yesu aka tala baiso bo iyo p sikane bakena pe baka mo bila.