¹ A tango lo, bayekoli bakangana ngi Yesu, pe bakaeka: Nda pendja ebayi boeteli a bonene a keka e Likolo? ² Yesu akahetaki mona moke omoyi, akamwisa katsi eibo, ³ pe akaeka: lekela onu ko liekela, la botsilengesi pe la botsiyakwesi aine bana bakeheke, botsihola ombe a keka e likolo. ⁴ Po emoli ano ekoyiselesia aine mona moke ano eyala ombe boeteli a bonene a keka e likolo. ⁵ Pe ano ekosila a lina li la mona mokeke aine ano une, akasile mgo matuke. ⁶ Kasi la omoyi ekwesaki a mbeko mbembe omyi katsi e bana binoli ngo, ikoki iyala wali po elae ine bamonange a ngingo yetutelo ye yeboka, pe bamofilinge seese e liange li mokwa. ⁷ Bowa a mwano tsina e bikweseli! po ine ibayi a litomba ine bikweseli bilwe; kasi bowa a mito nda a ndole elae bokwesami botwa ane! ⁸ La lifindji li laho to mokele u woho ubayi po e laho ndole e bokwei, tenabio pe filinga bio yesika a laho; ikoki po e laho boholi a bumake a yetumbe ye botengumi to boteneyi lifindji, koliko boyali a mekele myele to bafindji baele pe bofilingami katsi e yohe i seko. ⁹ Pe la liso lilaho libayi po e laho ndole e bokwe, tusia lyo pe filinga lyo yesika laho , ikoki po elaho ine ohole a bumake a liso limoyi koliko a boyali a baiso baele pe bofilngami a yohe i gehena. Keba ine botsibwe ndundu a bolengea ata bomoyi, po lekela onu ine bandjelu baibo ba likolo behena tango kwitu botsio bo Aha owa ano ebayi a likolo. ¹¹ Fuko ine Mona e lweyi boyumesi ine iteungaka. ¹² Ine yumani a mbi? la mito, omoyi ebayi la pata mokama, pe ine emoyi katsi e iboekaunga, etsokotsika metuku sumbangemoyi la sumbangemoyi mesia a totsikolo; po e bokei bopali ene eungi? ¹³ Pe la komohukola, lekela onuko solo, ekomonangela bweteli metuku sumbangemoyi la sumbangemoyi ine itsungi. ¹⁴ Ndenge emoyi itsibayi a mokano u Ato owaho ano ebayi a likolo ine mona moke ata omoyi aunge. ¹⁵ La monganohe akakela mbeko mbembe, kyaka pe mosila katsi e laho la ye mangine, lakamokoka okaukola monganohe. ¹⁶ Kasi, la etsi mokoki sila mito omoyi to bayele, po ine liohi likengame likolo li bwki bo batemo bayele to basaso. ¹⁷ La akafeta bo hokoki wo, beka liohi lyo a lingomba, pe la akafeta bokoki lingomba, ayale po e laho aine mopakano pe mito o mokili. ¹⁸ Lekela onu ko liekela, ine kwitu yokonanga ombe onu seese inangema ombe likolo, pe ine kwitu yokwandola ombe onu seese yokwandolama ombe likolo. ¹⁹ Le hekela onu aisia ine, la bayele katsi eino bakokokana ane seese po e biohi yema ndenge mbi yeokwayamela wo la Aha owa ano ebayi a likolo. ²⁰ Po ine ehelo esangani baele to basaso a lina lila lebai katsi eibo. ²¹ La oyo Petelo akangana a lahe, pe akaheka: Kolo, mbala yenga ilimbesi ombe ngo mongo oya, la akakehele mbeko mbembe? iyale ombe tee mbala mbaitwele? ²² Yesu akamohekela: ndji mohekeli tee mbala mbaitwele, kasi tee mbala metuku mbaitwele a mbaitwele. ²³ Tsina emotsi, keka e likolo ebayi aine Kumu ene ekundji botangola a basali ba wae. ²⁴ Tango ene ekabanda ye bofali bakamolwela la omoyi ano etesengelaka bwnedji taleta nkoto labo. ²⁵ Lokola etsiyalaka ye la yema ye bwendji, Kolo e lae akaya ndole ine ba motambe, ye, mwali o wae, pe bine ko bitu bitsikaka ye, pe ine nongo efwele. ²⁶ Mosali akayafilinga a mbu, akamwimbamela, pe akaheka: Kolo songesi ino ngo, pe lokomwenda ngia. ²⁷ A bowaowa bweteli, Kolo e wo mosali akamomina bokei, pe akamohuleselia nongo. ²⁸ Mbuse e botwei, mosali wo akatumana a omoyi o bainina ba wahe, ano eteyalaka a molima uwae u denie mokama. Akamobwa a ndala pe akamoamola ngingo la boeki: Enda ine iya. Minae akayafilinga a mbu, akamobondela ombe. ³⁰ Kasi ano omoyi etsikundji, pe akakia bokamosumbi a linga tee kwane akenda ye wo molima. ³¹ Bainae akena wo ine etetwanaka bakayala a bowa bofela, pe bakakia bohekeli Kolo eibo bane baoyi betetaka. ³² La oyo nkolo aketaka wo mosali wo mosali pe akamoekela: Mosali u mombelemu, le mwineselaki molima ku tuu po ine oteyalaka la ngo, ³³ otakokaka pe bokeli minao bowa ko une emokelaki ngo oye bowa? ³⁴ Kolo elae a kanda akamofaka ngi baito beolaki baito, tee ane akenda ye molima une utealaka ye awo. ³⁵ Koyo pe ekokela ombe Ise owa o likolo onu la omoyi o ino etsimbesi monginena a motema u wae ku tuu.