¹ Ba Falisaya la ba Sadukayi baka ya fila ngi Yesu pe, po e mo meki baka molonga a enesi boo elembo emoyi li lui a ma'Loola. V 2 Yesu aka ba ineola: A likose, bo beka: iekoyala wali, zambi ma'Loola e hami, pe akombe; ³ Yekumbaki, ye'ekoyala bonoombe, zambi ma'Loola ebayi e hamake la ndjima. Bolembeli o'faki ene ndenge ebai ma'Loola, pe botsi koka o'faki bilembo bi ngonga. ⁴ Ngengo e kandja pe ye'eteba belongi likamwisi; itsi koka bo omwaesi uiaka likamwisi sokoline li Yonasi. Mbuse aka ba mina, pe aka kia. ⁵ Bayekoli, la bo eti mbale, be lendanesaki bosili tofoé. ⁶ Yesu aka ba bekela: Boyakenge wali po e kusu e bofulesi moteke li ba Falisaya pe li ba Sadukayi. ⁷ Bayekoli be ya kanisa bo-matuke, pe be beka: ko po ine to tsi silaki tofoé. ⁸ Yesu, la bolembeli aka beka: po embi bo yakanisa ko onu matuke, baito ba boinoli eke, likolo line botsi sili tofoé? ⁹ Botsi yali a weli, pe botsi ya lembesa ine tofoé hoomoyi i baito koto hoomoyi pe bikolo baenga isili onu? ¹⁰ ata tofoé ombai-twele i baito koto mekeleka pe bisaka baenga isili onu. ¹¹ Yao ndenge etsi lembela onu te etsi bayi likita li tofoé nde leya bekela onu? Boya kenga la kusu e bofulesi tofoé li ba Falisaya pe li ba Sadukayi. ¹² Ko amo baka sosola te etsi bayi kusu e bofulesi tofoé nde e bekaki po e boya kengi, kasi mateya li ba Falisaya pe li ba Sadukayi. ¹³ Yesu la botsui a mbu e Sesale li Filipo, e ohulaki bayekoli bahahe: nda aka beka kwine, ngo le bayi Mona o mito? ¹⁴ Baka inola: Ba moyi be beka te obayi Yoane Mobatisi, basiaka, Elia; basiaka, Yelemi, too emoyi li ba polofeta. ¹⁵ Pe onu, aka ba ekela, bo beka ngo nda? ¹⁶ Simoni Petelo aka yanola: oye obayi klisto, Mona o Mongalima la bomoyi. ¹⁷ Yesu, la bosili liloba, aka beka: obayi a esengo, Simoni, mona o Yonai; zambi etsi bayi monyo la ngelo nde ika molembelesa yoo mbeko, kasi ebayi Ise owa ano eyali Likolo. ¹⁸ pe ngo,nga mobekela te obayi Petelo, pe té likolo li yoo limukeli leoko tonga yekelesia ela, pe misela mi oyali mi bawei bitsi okoyala a bokonzi po elahe. ¹⁹ Leoko mwaesa ombe mafungola lo keka o Likolo: line li oko nanga ombe seese, lio ko nangema o Likolo, pe line oko andola ombe seese, leo ko andolama o Likolo. ²⁰ Kwamo, aka onga bayekoli batsi bekele mito te ebayi Klisto. ²¹ Bandaaho Yesu aka banda bo lembelesi bapostolu ba ahe te ekokaki ine te ake Yelusaleme, aka ena pasi ofela ngi ba miyoholo, ba nganga ba bofelo pe bakomi, be mwisaki a owo, pe esekwaki o aose isaso. ²² Petelo la bo mosili pembeni, aka banda bo mouleli, pe aka beka: La etsi fulesi Mongalima, Kolo! lo mbeko etsi motsuela. ²³ Kasi Yesu, la bouleli, aka beka la Petelo: mbuse ela Satana! Oo kisesa boyambi bowa; zambi balkanisi ba haho betsi yali bakanisi ba Mongalima, kasi bi baito. ²⁴ Kwamo Yesu aka beka la bayekoli ba ahe: la mito emoyi ekundji bo lui mbuse ela, aya tsike mangineke, atole ekulusu elahe, pe a bile ngo. ²⁵ po ine ano eoko kunda bo umesi bomoyi elahe eko ya ungesa, kasi ane eoko ya ungesa po ela, eko ya ukola. ²⁶ Pe mbi ukola mito la bolongi baito kwitu, la aka ungesa molimobo ahe? too mbi ekoaesa mito la bolendanesi a molimo elahe? ²⁷ Po ine Mona o mito eeko lwa a kembo li Ise, laa ba anzelu; pe kwamo eoko ulesela mito la mito line likeli ye. ²⁸ Nga bekela onu a bosembo, bamoyi ba ene beyali ane, betsi oko wa, la betsi mweni Mona o mito bolui a keka elahe.