¹ Li moi li boo baose, kune ete yalaka Yezu bohani baito katsi e tempelo pe e sumbela boo mboli nzali, banganga bafulaku pe bakomi ba mobeko, la meholo baka lwa, ² pe baka mo bekela: To bekela osu kwa endei ngolu e kela oye bio bima, too nda ano e mo aesi loo lokulu? ³ Aka inosela boo, Ngo pe le ngo uhola onu une mwiho. ⁴ Bo bekele ngo, batisimo ba Yoane bete lwaka likolo, too ngu baito? ⁵ Kasi baka kanesa boo mangine: La toka inesa: U likolo, e ko beka likita limbi litsi te mo okoka onu yee? ⁶ Pe la toka mo inesela: ngu baito, baito ngia be oko to holaka la bamukeli pe be lembeli ine Yoani ebai Profeta. ⁷ Mbuse emoli baka inesa totsi lembeli ano ete mo toma. ⁸ Pe yezu aka bekela boo: ngo pe ndenge ko emoi, nzi oko bekela onu la endei ngulu i kele ngo bio bima. ⁹ Aka banda bo bekeli baito yene yekwe: Mito omoi aka ona yehwa ye fino. Aka tsika ngu basali bane be endela, pe aka tsika yenina yetanga kola yekolo ye ahe. ¹⁰ Yenina ye bo uni yeka umana, aka toma mosaleli u ahe ngu basali ba yehwa, po ine ba mo tomele ndamo e bima bi yehwa. Basali baka mo ofa pe baka mo ulesa soko bokunda. ¹¹ aka toma kwa ingina usia mosaleli, baka mo ofa, pe baka mo ulesa bikunda. ¹² Aka toma kwa ingina o basaso, baka mo kotakola, pe baka mo filaka. ¹³ Mangine o yehwa ye fino aka beka: lekele kahe iya? Le tome Mona owa o lokundo; emoi mbala be oko motosa. ¹⁴ Kasi, aka mo ena basali, baka kanesa boo bangine, pe baka beka: Bo ene lisango; to mo holake po ine to tsikale la yehwa. ¹⁵ Pe baka mo filinga yeholo ye yehwa, pe baka mo holaka. Sikane, mangine o yehwa e oko kela boo iya. ¹⁶ E oko lwa, bo holaki boo basali, pe e oko aesa yoo yehwa la basiaka. Aka okoka boo koyo, bakabeka: Ngu Mongalima, yoo mbeko itsi oko umana. ¹⁷ Kasi aka lita muatsi waibo, Yezu aka beka: I limbolami yao ndenge la makomi: Limukeli line lite filingaka boo lika bia limukeli li litumu. ¹⁸ Ata nda ano e kokwa likolo li lio limukeli e oko unea, pe ano ekokwela lio limukeli e oko tsangana. ¹⁹ Bakomi ba mobeko pe Banganga ba fulaku baka pala ine ba mo mbwe ko yemoli yenina, kasi baka banga baito. Baka lembela ine po e ibo ete bekaka yezu yoo yekwe. ²⁰ Baka pala ndole ngia Yezu, pe baka toma baito la sekele ba yenesi aine bebai baito ba motema wali, po e bo mo iseli balonga basile ata liohi li ahe limoi, po ine ba mo aesi ngu basambesi pe la kumi e lohia. ²¹ Boo baito baka mo uhola une mwiho: Mohani, to lembeli ine oye o beka pe ohana la bosembo, pe otsi banga bosio bo baito, kasi ohana liohi li Mongalima a ndole e bosembo. ²² Osu i kundesani to ende limelo li Kaisala too totsi ende. ²³ Yezu bolembeli bayele ba ibo ba bitake aka inesela boo: Bo enesi lobela lomoi. ²⁴ Bosio la lina li nda li bai a lone lobela? Bo Kaisala, aka inesa boo. ²⁵ Mbuse emoli aka bekela boo: Bo aesi Kaisala bine bi Kaisala, pe bine bi Mongalima a Mongalima. ²⁶ Betsi koki bo beki liohi ata limoi bo beki kahe felo e baito; baka kamwa la yeyano ye ahe. baka yala hai. ²⁷ Bamoi ba sadiseo bane be beka ine bosekwi botsi bai, baka ya fila fila, pe baka uhola Yezu une mwiho: ²⁸ Mohani, lita ene ndenge ete tokomela Moize: La monginena o mito omoi aka wa, la aho mohali etsi oti bana, monginena omoi a sile aho mohali, pe a otele monginena o ahe bane. ²⁹ Ainzi ite biaka bana balome mbai-twele. Ano o felo aka sila mohali pe aka wa ta mona. ³⁰ Ano e ongi pe la o basaso baaka sangola litsike; ³¹ ika bia ko loo ndenge la boo ngia mbai-twele baka wa be tsi tsiki ata bana. ³² Tunga, mohali pe aka wa. ³³ A bosekwi bo baito , aho mohali eko bia po e nda kati e ibo? Po ine boo ngia mbai-twele bete silaka aho mohali. ³⁴ Yezu aka inesela boo: Bana ba olome la bahali ba yene yenina besilana, ³⁵ kasi bane be eni ine be longobani a bo ambeli bo yenina ye mbuse ye bosekwi bo baito bane bete wa betsi silana aingina ata balome too bahali. ³⁶ Likita line litsi oko wa aingina, be oko bia ndenge ko emoi la banzelu, pe be oko bia bana ba Mongalima, po ine baka bia bana baka sekwa. ³⁷ Ine bane bete wa ba sekwe, ndenge ete lembelesaka Moize baito bane be litsi yohe ine ite biaka botongane a nduhu, aka etaka Kumi Mongalima o Abrahama, Mongalima u Isaka, pe la Mongalima u Yakobo. ³⁸ Ainzi, Mongalima etsi bai Mongalima u bane bete wa, kasi bane bete yala la boumake, baito ngia boumake bobai ngwahe. ³⁹ Bamoi bakomi ba mobeko baka sila liohi, baka beka: Mohani, oka beka wali. ⁴⁰ Pe betsi mo uholi so mwiho umoi aingina. ⁴¹ Yezu aka bekela boo: Yao kinda e beka onu ine Kilisito ebai Mona o Davidi? ⁴² Davidi yee mangine aka koma a buku elahe: Yala la lifinzi lila li lilome. ⁴³ Tee ko kinda ene eko kele ngo ba banguna baho eyaelo ye mekele me aho. ⁴⁴ Davidi aka mo etaka yee Kumi, yao kinda ekoki yee boyali mona o ahe? ⁴⁵ Kune ete biaka baito ngia bo mo okokeli, aka bekela ba yekoli bahe: ⁴⁶ Bolohaele la ba kumi ba mobeko, bane bekunzi bo yelaeli la bo toli tulu isondamake, po e bo aesi mbote ata kune tobai baito linzi: Bane be paala boyali la biyaelo bifelo bi Synagoga, pe la tolongo to felo to bolei bima; ⁴⁷ bane be luhola bahali be weli balome, pe bekela koyo po e bo kitaki baito ine be sambela mingi. Boo besambesamia ombe bo eteli baito ngia.