¹ A ngongaemoli, yefela yaito betesanganaka, pe bamoyi behoela bamoyi Yesu aka banda boekeli bayekoli bahee: felofelo boyasusie po elefile ibafalisayo, ine iyali bokitaki. ² Boitami itsiyali po itsinene, line liitami lilumbe bolembelani. ³ Amoli kwitu yokoeka unu a ndjima yokokokana amuasa, pe ine yo koeka unu a bikokelo momolo oyelingi yembele bekoteya yo likolo limbele. ⁴ Ngaekela unu, unu bane beyali bakundami baaha: songani ano eolaka bilongo pe ano mbuse imoli, etsikoki bokeli esiaka boeteli aho. ⁵ Le koenesa unu nda ekoki unu boangi. boange ano mbuse ebowolaki, eyali alokulu lobofilingi ayowe ine litsiana olimala; koyoo, ngayekela unu, nda ekoki unu bomoangi. ⁶ so tamba noli ikekeli omoyi po efalanga yele? pe, emoyi oibo etsibosani felo e Mongalima. ⁷ Pe imoli kwele imito mia ino kwitu itangami. Soanga: boeteli alouno yefela yenoli. ⁸ Ngayekela unu, mito nda ekotatolengo felo eyaito, mona omito e komotatola alingina felo e bandjelu ba mongalima; ⁹ Kasi ano ekofete ngo felo ebaito ekofetama pe felo e bandjelu ba Mongalima. ¹⁰ Pe mito nda ekoyekela mono emito mabe, ekolimbisama, aindji ano ekotangakola molimo mosatu e tsioko limbisama. ¹¹ Ane elua bo aino felo e bianganelo, baito bamebeko pe bakondji, sokanesa ndenge mbi yokosambe ngo; ¹² Po ine molimo mosatu ekohana kwamo imbi ikoki unu boeki. ¹³ Omoyi akayeka a Yesu katikati yefela: molakesi, beka amongwaya tofakane bima biiso bitsikali. ¹⁴ Yesu aka moulesela: oye mito olome, nda eisi ngo leyale susi eino, simi ko bofake bima biino? ¹⁵ Pe aka yekele bo: boyakengele wali po emoloho kwitu; po ine bumi emito itsilitsi bima biyahee, bimoisi boukoli. ¹⁶ Pe akayekela bo lioyi limoli: mbu imito omoyi mongumoyi ikatusesa efela. ¹⁷ Pe akanesa ye matuke akaeka: lekelembi? po ine ndjiki yesikani po ebwisi bima biya. ¹⁸ Lita akaeka, ine yokokele ngo: lefuke esiaka yesuseli, lefuke yefulake, le tsee pe le une bima biyakwitu lise ahoo; ¹⁹ Pe le koyeka amolimo owa:molimo owa, oyali abima yefela yesumami po yefela imbula; yahomesa,la,nua, pe nangela oye. ²⁰ Kasi Mongalima akaeka alahee: ekete! abotso bonombe molimo owaho bekobana; pe bima bikengi oye; bikoyala bi nda? ²¹ Bane besusi boukoli boibo bobatuke, pe betsiyali ayema ngi Mongalima. ²² Yesu akayekela ba yekoli bahee kwalisiyaka: po emoli lekela unu botsiatungesi po e bumi boino mbi yokola usu, simiko po ebilongo mbiyo kotola usu. ²³ Bumi yeteli bima, bilongo yeteli tulu. ²⁴ Bokanesi noli ene etomi ngongo etsi ona pe betsi yali la yesuselo simiko yeiselo; pe Mongalima eleesa boo. Mbala yenga yeteli unu la lounu yoo noli! ²⁵ Nda oino, eyali la bowaowa katsi elahe, ekoki boya bakiseli liose limoyi a mibu mi ahe? ²⁶ La botsi yali la lokulu ine bokele mai peeni yene yekeke, po embi eya tungesa onu po eine itsikali? ²⁷ Sila ndakisa e bofuli bo fulele: itsi bana bokeli yema simi ko butsuwi; po emoli nga bekela unu ine simi ko Salomon, katsi e mwali u ahe kwitu etsi to lesami aine omoyi o ibo. ²⁸ Biyali aine Mongalima etolesa bonombe bingi bine biyali bi lisanga, pe akombe be oko filinga yo a yohe, mbala yenga ye okotolesa ye onu, baito beyali a boinoli bokekeli? ²⁹ Pe unu botsi paane imbi yoko lia usu pe imbi yo konua usu, pe botsi ya tungesi. ³⁰ Po ine bima yo kwitu iyali bapakano nde beyano paana. Ise o ino elembeli ine boyali a posa emoli. ³¹ Bo paane felo bokumi bo Mongalima pe bima kwitu beko isa likolo limoli. ³² So banga ni, yetonga yene ye kekeli, po Aha o ino e inoli bo aesi onu bokumi. ³³ Botambe bima bya ino pe bo aesi bafako ba motema bowa, boya kelele mai litangi line litsi fenga, ikunzi bobeki: Bo ise bima bine bi lounu bine biti fwela aelo mekese me tsi fengesama. ³⁴ Po aelo isikani ibai yema yaino ye lounu, aelo nga ibai motema wa ino. ³⁵ Botole tulu ya ino i lipombo pe bonange moliki a line, pe tambe yaino itsi limane. ³⁶ Pe onu boyale aine baito bane bekonga Kolo eibo yene yeleko ye okotswana yee a yendagelo i liengelo, pe ene yeleko e oko kalenga yee pe ye oko ofa yee yetutu ye mobalia, be oko mo uela mbala emoi mobalia. ³⁷ Yenanga ye yale ngi basali bane Kolo e ibo eko hena boo betsi engali ane e oko lwa yee. Ko liekela le bekela onu, e oko sila bane betoli tulu i lipombo pe e oko yala la ibo la meza me moi, pe e oko lwa pe e oko aesa boo bima. ³⁸ La Kolo aka lwa mbala iyele ine itsi engala boo la botsio, fini ko la mbala e isaso i konga boo, pe aka hena boo beyala la angele, bahambolame boo basali. ³⁹ Kasi bo lembele ine, la mangine o mbele e lembeli yene yeleko ye oko lwa mito o bwiba,etsi ko mina mbele elae babune. ⁴⁰ Bo yale la angele a ituta, po ine botsi lembeli yeleko yene ye oko lwa Mongo o Mito". ⁴¹ Piele aka beka, " Kolo, obeka lio yekwe sanga po eiso, too ngi baito ngia?" ⁴² Kolo aka beka: "Nda eyali kapita e bo inoli pe bayele, ano Kolo e oko aesa yee a batele basalali ba ahe ngia, pe aesi boo bima bine bisengeli la boo yeleko yene ye itani? ⁴³ Mohambo la omoli mosali, la Kolo o ahe aka lwa a mohene e kela bio bahoyi". ⁴⁴ Liekela le bekela onu ine e oko kengela bima bi ahe koitu. ⁴⁵ La woo mosali aka beka katsi e motema u ahe, " Kolo aka umoa boka lengi, pe aka banda bo ofi basali ba balome la baali pe bolei la bonoi pe aka langwa, ⁴⁶ Kolo e matuke e boo basali e oko kalenga mwasa une utsi oko ya kengela pe yeleko yene yetsi oko lembela yee pe e oko mo ofa fimbo linzi pe e oko mo aesa yetumbu ye potsi po bolumbi bo ahe bo botosi. ⁴⁷ aho mosali bolembeli bakanesi ba Kolo e ahe pe la etsi lengeli too la etsi keli kune ene kinda e lokundo lo kolo elahe, e oko ofana la fimbo linzi. ⁴⁸ Kasi, ano etsi lembelaki pe ete kela ine ikoki la bo ofani, e oko fana la fimbo ikekeli. Kasi ano ngia ngi ano i aesaneli bofela i oko longamela bofela, pe ngi ano itsi aesameli bofela, fini mai peeni i okolongamela. ⁴⁹ Inde lwa bo tonganesi yohe likolo li mbu, pe kasi la ika tongana mbi i oko paane ngo aisiaka? ⁵⁰ Kasi la iki libatisi limoi po bo batisami, pe le bai la motungisi u bolembeli endei kinda e okotunga yo. ⁵¹ Bosumakesi aine le luyi bo aesi hai a mbu? Tee, Le bekela onu, ibai kahe nde bofakani. ⁵² Ko banda tee kwa sikane tee kwane e oko fanakana mbele homoi, bilombo bisaso la bilombo biele, pe bilombo biele la bilombo bisaso. ⁵³ Be oko fakana ise la mona olome pe mone olome la ise, inena la moseka pe moseka la inena, inena o bobili la mohali mona pe mohali o mona la inena o bobili". ⁵⁴ Yezu aka bekela aituta linzi li baito " la boka ena lipata limoi likatswa muku u westi, mbala emoi boko beka une: Loola lo okolwa, pe i oko kelama soko loo kinda. ⁵⁵ pe ene tango e oko ena onu lifofela li monyele, bo oko beka: Mwasa u oko pota makasi, pe u oko kelama saka loo kinda. ⁵⁶ Baito ba bayele be bitsi, bolembeli kinda ene e limbola onu lolenge lo mbu la likolo, kasi endei kinda etsi koka onu bolembeli yene yeleko? ⁵⁷ Po e mbi etsi tongola onu ine i itani po e onu mangine? ⁵⁸ Ane e okokia onu oye la monguna u aho felo e ba zuzi, kune eyeli onu a ndole kela makasi po e bo okokani onu la mwinina u aho po ine atsi mo kambe ngi ba zuzi, pe aine zuzi atsi motome ngi baito ba linga po e bo mo sumbi a mbele e linga. ⁵⁹ Le bekela onu, otsi oko tswa a mbele linga tee ko ane e oko fwesa bo endi nongo