¹ Yezu aka kia a itsikolo i ba oliva. ² Kasi, kwa kombe foli-foli , a aka lenga kwa ingina a tempelo, pe baito ngia baka lwa kele-kele elahe. Aka yala, aka banda bohani boo. ³ Mbuse emoli bakomi ba mobeko pe la bafalisaya baka mo lwela la mohali omoi ano bete mbwaka boo yee la molome osiaka; ⁴ pe baka mo emalesa katsi-katsi e baito, baka beka la Yezu: Mohani, ano mohali baka mo mbwa liekela la molome oasiaka. ⁵ Moize, la mobeko uwahe eto aesi metindo me bo holaki bahali ba ene kinda: Oye, oka beka iya? ⁶ Bete bekaka koyo po e likita li bo mo meki, po ine bakoke mo peleki. Kasi aka kotama, la taka aka banda bokomi a mbu. ⁷ Kune ete isaka boo molende u bo mo uholi, aka emala pe aka bekela boo: nda katsi eino ano etsi bai la lisumu a mo filigele limukeli felo. ⁸ Aka kotama kwa ingina, aka koma a mubu. ⁹ Aka okoka boo koyo, ine baka ya peleka la bayele baibo mangine, baka ya luta omoi la omoi, ko la bane be yali la mebu me likolo tee kwa bane betungi; pe Yezu aka tsikala yee mangine la mohali ano ete biaka bo emali aho katsi-katsi. ¹⁰ Mbuse emoli, aka emala yee, pe aka hena soko mohali, Yezu aka mo bekela: Mohali, kohe ebai bane bete peleka oye? Mito omoi etsi mokwesi a likita? ¹¹ Aka ulesa: Tee, kolo. Pe Yezu aka mo bekela: Nzi mokwesa oye kahe; kiaka,pe so kela basumu. ¹² Yezu, bopomi aituta, pe aka beka: Lebai bongengi bo mwano, ano e oko onge ngo, etsi oko yela aituta katsi e nzima, kasi e oko ukola bongengi bo boumake. ¹³ Likolo li aho, ba falisaya ba mo bekela: O aesa ye inoeli ye yaho matuke, ye inoeli ye yaho yetsi bai ye liekela. ¹⁴ Yezu aka inesela boo: Himi ko le aesa ye inoeli yeha matuke, ye inoeli yeha yebai ye liekela, po ine le lembeli kohe elwi ngo, kasi onu, botsi lembeli kohe elwi ngo himi kohe eke ngo. ¹⁵ Onu bosanbesa la kinda e monio, ngo, nzi sambesa mito. ¹⁶ Pe la lesambesa, lisambesi liha libai li liekela, po ine nzi bai ngo matuke, kasi Aha ano ete tome ngo ebai la ngo. ¹⁷ Iko mami katsi e molembo waino ine ye inoeli ye baito baele yebai liekela; le aesa ye inoeli yeha matuke, pe Aha ano ete tome ngo e aesa ye inoeli yeha. ¹⁹ Baka mo bekela kahe: Kohe ebai ato? Yezu aka inesa: Botsi lembeli himi ko ngo, himi ko Aha. ²⁰ Yezu aka beka boo baohi, e hana katsi tempelo, isikani ine ite yalaka nkita; pe mito etsi te mo mbwa, po ine yeleko ye ahe yetsi te yakosia. ²¹ Yezu aka bekela boo ituta: Nga kia, pe bo oko paane ngo, pe bo okowa katsi e basumu; botsi koki bolwi ane eke ngo. ²² Likolo li mbi lite beka meyuda: E oko ya holaka yee matuke, po ine e beka: Botsi koki bolwi ene eke ngo? ²³ Pe aka bekela boo: Bobai ba seese, ngo lebai u likolo. Bobai ba une mwano; ngo nzi bai u une mwano. ²⁴ I bai po e mbi i bekele ngo onu ine bo okowa katsi e basumu baino; po ine la botsi inoli ngo, bo okowa katsi e basumu. ²⁵ Nda ebai oye? aka mo bekela boo, Yezu aka inosela boo: Ine ite bekele ngo onu ko felo-felo. ²⁶ Lebai la baohi linzi li bobekeli po e onu pe bisambesi po e onu; kasi ano ete tome ngo ebai liekela, pe ene ete okoke ngo po elahe, le bekela ngi mwano. ²⁷ Betsi tongoli so yema ine ete pomela ye boo pe Aha. ²⁸ Yezu kahe aka bekela boo: Ane eka lilesa onu Mona olome u mito, sikane bo oko lembela nda ebai ngo, pe nzi kela yema yemoi ngo matuke, kasi le poma enegebene la ene ete hanele ngo Aha. ²⁹ Ano ete tome ngo ebai lango, etsi te tsike ngo matuke, po ine lekela baose ngia ine i moyaeli yenanga. ³⁰ Kune ete yalaka Yezu bopomi koyo, linzi baka mo inoela. ³¹ MPe akaekela ba zuife bane betebwinola: la bokatsikala kati e bahoyi bawa, boyali mpenza bayekoli bawa. ³² Bookolembela liekela, mpe liekela liokoyemalsia onu. ³³ Baka mohuleselia: tobayi bambuse ba Abalayama, pe totsiteyaaka metuke me waito, ndenge mbi eeka oye: bokotsuana molembo? ³⁴ Kwa likekela kwa liekela, leekela onu, Yesu akahuleselia bo, mito ano eyaesa a mbeko mbembe ebayi motuke mi mbeko mbembe. ³⁵ Kasi, motuke etsitsikala baose ngia momolo e mbele; mona nga etsikala baose ngia. ³⁶ La mona nga akaemaela onu, bookoyala mpenza melambo. ³⁷ Lelembeli ine bobayi bambuse ba Abalayama; kasi bopala ine boholake ngo, po ine bahoyi bawa betsihola ngino. ³⁸ Leeka ine ngena ngi Aha owa; mpe onu, bokela ine boteokokaka ngi baito yeino. ³⁹ Bakamohuleselia: Aha yeiso, nga Abalayama? Yesu akabaekela: la boteayalaka baenga ba Abalayama, bookokela mesala ma Abalayama. ⁴⁰ Kasi sikane bopala boholaki ngo, ngo ano leekela onu liekela ine leteokoka ngi Mongalima. Lo Abalayama etsiteekela. ⁴¹ Bokela mesala mi Aha oino. Bakamoekela: osu totsibayi bana ba yekoo, tobayi a Ise Kwemoyi, Mongalima. ⁴² Yesu akabaekela: La Mongalima ebyaki Ise o ino, bookokunde ngo, mpo ine nga a Mongalima etwei ngo mpe elwi ngo, nziuli a ngo mangine, kasi yee nga etomi ngo. ⁴³ Po embi botsilembela bahoyi bawa? po ine botsikoki bookoki bahoyi bawa. ⁴⁴ Bobayi a Ise Satana, pe bokunzi bokokesi yeposa yee Ise oino. Etebiaka moholaki tee ko libandela, mpe tesitenangemeka kati e bahoyi, po ine etsibayi a bahoyi ngwae. Ane etusesia yee isuma, eeka bakita bwae mangine, po ete ebay bofota pe Ise u isuma. ⁴⁵ Mpe ngo, po ine leeka liekela, botsiokokele ngo. ⁴⁶ Nda katsi eino ekoki buineseli ngo mbeko mbembe? La leeka liekela, po embi botsiinoele ngo? ⁴⁷ Ano ebayi e Mongalima, eokoka bahoyi ba Mongalima; botsiokoka po ine botsibayi bane be Mongalima. ⁴⁸ Ba zuifi bakamouleselia: totsibyaki a lilonga e boeki ine obayi umoyi i Basamaritania, pe obayi a molimo mbe emoyi? ⁴⁹ Yesu akabaineselia: nzibayi a molimo mbe; kasi lekumesa nga Aha owa, pe boleakole ngo. ⁵⁰ Nzi paana nkembo ela, ebayi a mito emoyi ano epaana pe e sambesa. ⁵¹ Kwa liekela, kwa liekela, keekela onu, la mito emoyi ebatela bahoyi bawa, etsokowa loko. ⁵² Sikene, ba zuifi bakamoekela, tokalembele uine obayi a molimo mbe emoyi. Abalayama etewa, ba polofeta aisiaka, pe oeka: la mito emoyi e batela bahoyi bawa, etsokowa. ⁵³ Obayi lifulaku bweteli ise oiso Abalayama, ano etewa? ba polofeta pe betewa. Oye osumaka beyali nda? ⁵⁴ Yesu akainesa: la leyakumesia ngo mangine, nkembo ela itsibayi a tsina. Nga Aha ela ng'ekumesa ngo, ye ano boeka ine ebayi Mongalima eino. ⁵⁵ mpe botsimolembeli, po ela, lemobeli; pe, la nzite ekaka ine lemolembeli, leobya ndenge kwemoyi laino, mitoofota. Kasi lemolembeli, pe lebateli bahoyi bawae. ⁵⁶ Abalayama, ise yeino, eengilimaki a yenanga e bweni mwasa uwa: akaena, pe akayanangela. ⁵⁷ ba zuife bakamoekela: oye otsibayi a mbula tuku oomoyi, pe oteena Abalayama! Yesu akabaekela: kwa liekela, kwa liekela, leekela onu, felo ine Abalayama abye, lebyaki. ⁵⁹ Likolo limotsi, bakasila bimukeli po ba mofilingele, kasi Yesu akaitama, pe akatsua a Tempelo.