¹ Mbuse emoli, Yesu akayaesa a ingina a bayekoli, kelekele e liange e Tiberiade, pe lita ndenge ene eyaesi ye. ² Simoni Petelo ebyaki isikani imoyi ye la Toma ano bemwetaki Didyme, la Natanaela belwi u kana i Galilea, miongo mi Zebedea, pe basiaka bayekoli baele ba Yesu. ³ Simoni Petelo akabaekela:lepahana boeki toke isikani emoi la hoye. Bakatsua pe bakalila a wato, pe botsio bo betisili yema. ⁴ Akombe ikanoa, Yesu akamela a mbongo, kasi bayekoli betilembeli ine ebayi Yesu. ⁵ Yesu akabaekela: menyeke, botsibayi a bima biolei? bakamwineselia: totsiki. ⁶ Akaekela bo: filinga monyama mwatsi u lifinzi lilome u wato, pe bookohukola. Bakafilinga pe betsikoki alingina boluti, po e lindji lifulake li swe. ⁷ La oyo, moyekoli ano emokundji Yesu, akaeka a Petelo: ano nga nkolo!Pe Simoni Petelo akokoka eine ye ebayi Nkolo, akisa tulu elahe pe mokaba uwae fuko ine eyalaki bolimbo, pe akayafilinga a liange. ⁸ Basiaka baayekoli bakakia a wato, boluti monyama aliali a swe, fuko ine beyalaki a mbongo kelekele e mopiko kama iyele. ⁹ Ane akisela bo a mbu, bakena eelo betonganesi bahala, swe likolo, pe tofoe to mendele. ¹⁰ Yesu akaekela bo: lwani a swe yene yeheli onu bosili. ¹¹ Simoni Petelo akalila a wato, pe akaluta monyama eliali a swe ifulake kama a tuku isaso, pe sumi nga ebayi ofela, monyama utsahei. ¹² Yesu akaekela bo: luani tole, pe ata moyekoli umoi etsikoki bomohuholi: oye nda? belembeli ine ebayi nkolo. yesu akayafila, akasila tofoe to mendele, akaesia bo akakela ko loo ndenge a swe. ¹⁴ Ebayi mbala e isaso ine Yesu ayaesi a bayekoli bahahe ko etetsua ye a lisekwa e bawa. ¹⁵ Mbuse e bolei, Yesu akaeka a Simoni Petelo, Simoni mongo o Yoane, okundji ngo bweteli bokundji yene? Akamwineselia:kooyo Nkolo, olembele ine lemokundji. Yesu akamwekala: batela mpate ela. ¹⁶ Akamwekela mbala e iyele: Simoni mongo o Yoani, okundji ngo? Petelo akamwineselia: kooyo Nkolo, olembeli ine lemokundji. Yesu akamoekela: batela mpate ela. ¹⁷ Akamoekela po e mabala e isaso: Simoni Petelo, mongo o Yoani, okundji ngo? pe akamwineelia:Nkolo olembeli bakita ngia, olembeli ine lemokundji. Yesu akamoekela, batela mpate ela. ¹⁸ A sembo, a sembo lemwekela ane eteyalaka bolengela, otetolesaka mokaba oye mangine, pe otebiaka okia isikani ekundji oye, kasi ane eokokwa oye mowoholo, okoaesa lifindji pe osiaka eokomotolesa mokaba, pe eokokia laho isikani ngia eokokunda oye. ¹⁹ Akaeka oyo po e bosaki yaondenge eleko lone ekowa Petelo, bokumesi Mongalima. ²⁰ Petelo, a bolengi, akena kelekele e moyekoli u Yesu ano etemokundaka, ano o tango e bolei, etengalaka likolo liboto u Yesu pe eteeka: Nkolo, nda ombe ekomofaka? ²¹ Abomoliti, Petelo akaeka a Yesu: pe ano, Nkolo, mbi yokomoluela? ²² Yesu akamwineselia: la lekundji ine ahumoe tee kwane eokohule ngo, ebayi likita lilaho? oye, bile ngo. ²³ Eelo likolo, yetole ukatsua katsi eibo banginena oine bayekoli betsiokowa. Awo, Yesu etsieki ine Petelo etsiokowa, kasi la lekundji ine a humoetee kwane ekohule ngo, likita lilaho mbi? ²⁴ Boo bayekoli bahahe, bekoaesa litatoli e woo akita,pe bekomi, pe tolembeli ine litatoli lilahe ebayi sembo. ²⁵ Yesu ekeli basiaka bakita ofela: la bekomaki ngia, ndji inoli ine mwano ukokaki boyaesi.