¹ Mina ine motema waino mo tsi ya tungesi. Bo inole Mongalima, pe bo inole ngo. ² bisikani bi bo engali bi bai linzi katsi e mbele e Aha. La yoo itsi te biaka koyo, ko le te bekela onu. Nga kia boka kengeli onu isikani imoi. ³ Pe, ane ekoke ngo, pe ane eko kengele ngo onu isikani imoi,le oko kalenga, pe le oko sila onu la ngo, po ine muku uke ngo boyale pe. ⁴ Bolembeli muku uke ngo, pe bolembeli ndole. ⁵ Toma aka mo bekela: Kolo, to tsi lembeli muku ukia oye, endei kinda ekoki osu bolembeli ndole? ⁶ Yezu aka mo bekela: Le bai ndole, liekela pe boumake. So omoi etsi koki bolwi ngi Aha soko kwa ngo. ⁷ La bo lembeli ngo, bo oko lembela Aha.Pe kobandi sikane bo ka mo lembela, pe bo ka mwena. ⁸ Filipo aka mo bekela: Kolo, enesa osu aha, pe yoo ikoki po eiso. ⁹ Yezu aka mo bekela: Tee ko yenina ye bai ngo la ino, pe otsi te lembele ngo, Filipo! Ano ete ene ngo ete ena Aha. Endei kinda e beka oye: To enesa Aha? ¹⁰ Otsi inola ine le bai katsi e Aha, pe ine Aha e bai katsi ela? Bakita bane be kele ngo onu, nzi kela yoo ngi ngo matuke, pe aha ano eyali katsi ela, iba i yee nga e kela mesala. ¹¹ Bo inole ngo, le bai katsi e Aha pe Aha e bai katsi ela; bo inole kahe soko la tsina e mio mesala. ¹² Ko liekela, ko liekela, le bekela onu, ano e inoele ngo, e oko kela pe mesala mene me kele ngo, pe e oko kela mene bo eteli bofela, po ine nga kia ngi Aha, ¹³ pe ine i oko longa onu la lina lila, le oko kela, po ine Aha a lilesame likolo katsi e Mona olome. ¹⁵ La bo longa mai yema a lina lila,le oko kela. La bo kunzi ngo, bo ite mebeko meha. ¹⁶ Pe le oko sambela Aha, pe e oko aesa onu mohondi usiaka, po ine ayalake seko la seko katsi e ino. ¹⁷ Yelimo ye liekela, une utsi koki bo ukoli mone mwano, po ine utsi ena yoo; Kasi onu, bolembeli yoo, po ine ye bai katsi eino, pe ye koyala katsi eino. ¹⁸ Nzi oko tsika onu bitsike, le oko llwa ngu aino. ¹⁹ Aituta mai peeni e ngonga, pe mwano utsi oko ene ngo aituta; kasi onu, bo oko ene ngo, po ine le uma, pe onu pe bo okoma. ²⁰ Katsi e yoo mwasa, bo oko lembela ine le bai katsi e Aha, ine onu bobai katsi ela, pe ine lebai katsi eino. ²¹ Ano ane e iki mebeko meha pe e ita yoo, ibai ano ane ekunzi ngo; pe ano ane ekunzi ngo e oko kundama la Aha, le oko mo kunda, pe le oko yaesa lahe. ²² Yuda, ta kahe Iscariot, aka mobekela: kolo, kohe ilwa ine oko yaenesa ngu aiso, pe ta mwano? ²³ Yezu aka mo inesela: La omoi e kunzi ngo, e oko ita baohi baha. Pe Aha e oko mo kunda; to ko lwa ngu ahe, pe to oko kela isikani imoi i bo engali ngu Ahe. ²⁴ Ano ane etsi kunzi ngo etsi ita baohi baha. Pe liohi line li okoka onu litsi bai lila, kasi li Aha ano ete tome ngo. ²⁵ Le bekela onu bio bima yeleko yene eyali ngo la ino. ²⁶ Kasi mo hondesi, Molimo Tsanga, mone mo oko toma Aha la lina lila, e oko hana onu bima koitu, pe e oko ulela onu ine ngia ite bekele ngo onu. Nga tsikela onu hai, ngaesa onu hai ela. Nzi aesi onu kune e aesa mwano. Mina ine metema waino me tsi ya tungesi pe metsi yaesi pasi. ²⁸ Bo te okoka ine inde bekela onu, nga kia lola, pe le oko ula ngu aino. La onu bokunzi ngo, bo oko nangela la kinda ene eke ngo ngi Aha, po ine Aha e kolongi bo etgeli ngo. ²⁹ Pe sikane, nga bekela onu bio bima felo ine itswe, aine nde, ane i oko tswa yoo, bo inole. ³⁰ Nzi oko poma aituta la ino, po ine mona o kumi olome o mwano elwa. Etsi iki yema yemoi katsi ela, ³¹ kasi po ine mwano u lembele ine le kunzi Aha, pe ine lekela la kinda e motindo mone mo te aesa Aha ngo, bo emale, to okoe ane.