¹ Lasalo, mito o Betania, ete yalaka la botatsi a lohia lo Malia pe Malata, mosikinena o ahe. ² Ite yalaka Malia ano ete pulaka malasi la mekele me Kolo pe aka mosinakola mekele la ngwele iyahe, pe monginena o ahe Lasalo ete tataka . ³ Basekinena baka toma baito bobekeli Yezu: Kolo, lita, ano ekunzi oye e tata. ⁴ Mbuse e bo okoki koyo, Yezu aka beka: Boo botatsi botsi bai bo lokoo, kasi bobai po e nkembo e Mongalima, tsina ine mongo o Mongalima ayale la nkembo likolo li lio botatsi. ⁵ Sikane Yezu ete kundaka Malata, Malia mosikinena, pe Lasalo. ⁶ Yeleko ye ka okoka yee ine Lasalo eteta, aka etesa baose baele kwa isiaka a imoli isikani ite yalaka yee. ⁷ Pe mbuse emoli, aka beka la bayekoli bahe: To ule a Yudea. ⁸ Bayekoli baka mo bekela: Rabbi, itsi eti baose meyuda bete palaka bo mo ofi oye bamukeli, pe oye o ule a Yudea! ⁹ Yezu aka inesela boo: saa itsi yali ta laabo la iyele a mwasa? la mito omoi akayela a mwasa, etsi koki bokilibi, po ine e eni bongengi bo mwano. ¹⁰ Kasi la mito omoi aka yela a botsio, e oko kiliba, po ine bongengi botsi yali katsi elahe ¹¹ Mbuse e boo baoyi, aka bekela boo: Lasalo, mwinina o iso, elali iloo; kasi le oko kia bo mo umaki. ¹² Bayekoli baka mo bekela: Kolo, la elali iloo, e oko uma. ¹³ Yezu ete bekaka likita li lokoo lo ahe, kasi bete kanesaka ine ete bekaka likita li bolali iloo. ¹⁴ La koyo Yezu aka bekela boo polele: Lasalo akawa. ¹⁵ Pe la tsina e ino po ine bo inole, nga nagela kune etsi yalaki ngo aelo. Kasi toke ngwahe. ¹⁶ Likolo limbi, Toma, ano e etaka boo DIDINA, aka beka la basiaka bayekoli: Toke lokola, po e bowei laye isikani imoi ¹⁷ Aka tswana Yezu, aka hena Lasalo be mo tahi a lombeto aho ika eta baose mekeleka. ¹⁸ Pe kune ete yalaka Betania kelekele e Yelusaleme, la bosanda bo ba kilometre kelekele e laabo la hoomoi. ¹⁹ Meyuda baka lwa ta linzi ngi Malata pe Malia, po e bo yaelesi a yengonda ye ibo. ²⁰ Yeleko ye ka okoka Malata ine Yezu aka ya kosia, aka kia felo elahe, kasi Malia ete yalaka a mbele. ²¹ Malata aka bekela Yezu: Kolo, la oyalaki ane, mongwaya etsi te kokaki bowei. ²² Kasi, soko sikane, le lembeli ine, ine kwitu i oko longa oye Mongalima, Mongalima e oko mwaya. ²³ Yezu aka mo bekela: Monganoe e oko sekwa. ²⁴ Le lembeli, Malata aka mo inesela Malata, ine e oko sekwa a lisekwa li mwasa u suka. ²⁵ Yezu aka mo bekela: Lebai lisekwa pe bo umake. Ano e oko inole, e oko uma, ata la aka wa; ²⁶ Pe mito soko mito ano e umi pe aka inole ngo etsi wa so mwasa. Otsi inole imoli? ²⁷ Aka mo bekela: Eh, Kolo,nga inola ine oye obai Kilisisto, Mong'o Mongalima, ano ete kokaka bo lwi katsi e mwano. ²⁸ Aka beka yee koyo, aka kia. Mbuse aka etaka la boitake Malia, mosikinena, pe aka mo bekela: Molakesi ebai ane, pe aka mo uholaka. ²⁹ Fuko ine Yesu etsiteholaka ine felo a lohia, kasi eteyalaka a isikani itetumanaka Malata laye. ³⁰ Fuko ine Yesu etsiteholaka ine felo a lohia, kasi eteyalaka a isikani itetumanaka Malata laye. ³¹ Meyuda bane beteyalaka la Malia a mbele mpe bane beteaka bemobondisa, bakamwena bwemali aisanga mpe botwei, bakamobila la boeki: akakia a lombeto, bokaleli. ³² Akatwana Malia ane eteyalaka Yesu, mpe akamwena, akayafilinga a mekele meyae, mpe akamoekela: Nkolo, la wayalaka ane, ko mongwaya etsiwei. ³³ Yesu, akamwena yee boleli, yee la meyuda bane betelwaka laye, akayatungesa bweteli a yelimo mpe akakamoa. ³⁴ Mpe akaeka: kohe emwisi onu? Nkolo, bakamwineselia, lwa mpe lita. ³⁵ Yesu akalela. ³⁶ Meyuda bakaeka: ena kune emokundaki yee. ³⁷ Mpe bamoi katsi eibo bakakeka: yee ano etuwola baiso ba mito o bofa, atakokaka bokeli mpe ine aho mito atsiwe? ³⁸ Yesu akayatungesia kwaisiakatsi elae, akakia a lombeto. Iteyalaka isikani imoi iliki wo a libanga mpe limuki limoi litisaka felo. ³⁹ Yesu akaeka:okofia limuki. Malata, mosikinena o mowei, akamwekela: Nkolo, akabanda botwei lumba, tsina ine akakela baose mekeleka a mbu. ⁴⁰ Yesu akamwekela: nzimoekelakioye ine, laokinola, okwena nkembo e Mongalima? ⁴¹ Bakokofesia limukeli. Mpe Yesu akakasola baiso likolo, mpe akaeka: Aha, lemokumesa kune eokoki oye ngo. ⁴² Mpo ela, lelembeli ine wokoke ngo baose kwatu, kasi leeka tsina e yetuluka yee baito bane belingi ngo, fuko ine bainole ine oye mito etetome ngo. ⁴³ Akaeka ye boyo, akamata la mohehe likolo: LASALO twa! ⁴⁴ Mpe mowei akatwa, mekele mpe ndala ilingami la biatsi bi tulu, mpe bosio bolingami la tulu. Yesu akaekela wo: mwandola yo tulu ngia mpe momina akye. ⁴⁵ Bofela bo meyuda betelwaka ngi Malia, mpe bane beteena ine itekela Yesu, bakamwinola. ⁴⁶ Kasi bamoi katsi eibo bakakia bokekeli bafalisayo ine ngia ikelaki Yesu. ⁴⁷ Laoyo banganga ifulaku mpe ba falisayo bakasanganesia baito ba Sanedrina mpe bakaeka: yokele iya? Fuko ine ano mito ekela bakamwesi bofela. ⁴⁸ Latokamomina bokeli bakamwesi, baito bekomwinola, mpe Baloma beekolwa ombe boyauni moki u mbau mpe yekolo yeiso. ⁴⁹ Omoi oibo, Kaifa, ano eteyalaka nganga efulaku yo yelanga, akaekela bo: botsilembeli so yema yemoi aho. ⁵⁰ Botsikanesa ine ibayi litomba byaino ine mito omoi awe fuko e baito bofela, mpe ine yekolo kwetu yetsimbengane. ⁵¹ Ainzi, etseeka oyo ta fuko elae mangine, kasi, lokola eteyalaka yee nganga efulaku yo yelanga, akasakola ine Yesu ekoki bowei fuko e yekolo. ⁵² Mpe etsiteyalaka soko fuko e yekolo, iteyalaka mpe tsina e bosanganesi katsi e yelongo ko yemoi bana ba Mongalima betetsangana. ⁵³ Ko wo mwasa, bakaokokana bomoolaki. ⁵⁴ Tsina emotsi Yesu etsiteyenesiaka aisia a yewolo katsi e meyuda; a moki u mbau wetakami EFALAINA; mpo elo akumoa la bayekoli bawae. ⁵⁵ Pasika e meyuda etanganaka. Mpe baito bofela ba moki bakakia a Yelusaleme felo e Pasika, fuko e boyatsangani. ⁵⁶ Betepalaka Yesu, mpe bakaekelana katsi e Tempelo: iya ekanesi onu? etsokolwa a fetsi? ⁵⁷ Ainzi, banganga ifulaku mpe bafalisayo beteyaka motsindo ine, la mito elembeli ene eyali yee, aeke, fuko ine bamombwe.