¹ Bonangane la lokundo lo likinda ² Botsi lendane bofuki baito, po ine la bokeli koyo, bamoi bete engalesa ba Anzelu so ine ba lembele. ³ Bokanesi baito balinga, aine onu kahe boyali banangemi, bane benyokwama, aine onu matuke boyali bilongo bimoi. ⁴ Mina aine liengelo li kumesane, pe yelika li liengelo litsi yale la lipulusa, po ine Mongalima eko sambesa baito ba boseka pe ba yenwa. ⁵ Botsi yaesi la lokundo lo mbela; bonangele bine bi iki onu, po ine Mongalima yee matuke ete beka: Nzi okomina onu so peeni, pe nzi oko filinga onu so peeni. ⁶ Ibai kahe la bo inoli ine ikoki osu bobeki: Kolo ebai lisungi lila, nzi oko banga yema; Mbi ikoki bokeli ngo mito? ⁷ Bokanesi ba kambi ba ino bane bete sumbela onu mboli i liohi li Mongalima; bolite indei kinda ete fwesa boo boumake bwa ibo, pe bo mekole bo inoli bwa ibo. ⁸ Yezu Kilisito ebai lolenge lomoi bosweli, bonoombe pe bikeke la bikeke. ⁹ Botsi yalialesi la bahano ndenge la ndenge pe li bafaya; po ine ibai wali ine motema ulendesame la ngolu, pe soko po e bima bi bolei bine bitsi keli yema yema yemoi ngi bane bete yaesa la yoo. ¹⁰ To bai la lifako lisiaka line bane bekela yesili aelo e meza me losambo betsi bai la ndingisa e bolei, ¹¹ Molonda u nama, une ngelo iyahe i holesani katsi e mbele e Tsanga la kumi e Mongalima po e bo okofesi masumu, bi ambakani yeholo ye lituka. ¹² Ibai sokoyo kahe Yezu pe, po e bopetoli baito la ngelo iyahe matuke enyokwama yeholo ye litika. ¹³ Totswe kahe po bokei nguahe, yeholo ye lituka, la botoli menyoolo me ahe. ¹⁴ Po ine tosti yali ane seese lohia lo seko, kasi to paana lone lo okolwa. ¹⁵ Kwahe, to aesa ngi Mongalima mbeka emoi e lokumu, i iimbolani aine huma i bihulu bbine bikumesi lina liahe. ¹⁶ Pe botsi lendane bokeli wali pe lifako, po ine ibai la tsina e lio mbeka nde inangelesa Mongalima. ¹⁷ Botose bakambi baino pe boyale po eibo la limemia, po ine boo be susa melimo me aino nde felo e bo sambesani, ibe sokoyo, po ine bakele la yenanga, so bo himaimi, ine itsi koki la boyali la litomba. ¹⁸ Bosambele po esiso, po aine tokanesi ine to bai la bakanesi ba itani, bokunzi baohi ngia ba boyali wali. ¹⁹ Ibai la ihala ine i longe ngo onu po e bokeli yoo; po ine leyale la ino la litomba aisanga. ²⁰ Mina ine Mongalima u hai, ano ete ulesa Mokengeli ufulaku mo kondolo katsi e bete wa, kwa ngwlo i molembo i yekeke, Kolo o iso Yezu Kilisito, ²¹ a aesi onu lokulu lo yesili ye itani po bokokesi mokano u ahe, pe a kele katsi e ino ine i iitani, kwa Yezu Kilisito ano lokumu lo bai bikeke la bikek! Amen! ²² Le longa onu, bangwaya, bo nangi motema po e boo baohi ba bolendesa po ine le komele onu luhele. ²³ Bolembele ine mongwaya o iso Timoteo bete mosusa a linga, la eko lwa sikane, le kolwa la yee isikani imoi bo yalitsi onu. ²⁴ Bo aesi bakambi ba ino ngia likalo. Bane ba Italia baka aesa onu likalo. ²⁵ Miina ine ngrasya eyale katsi e ino ngia! Amen!