¹ Kune eyeli osu a wo bauna, bangwaya ba lokundo, toyapetole a sekene yaiso i bilongo mpe i yelimo, a bwenesi boangi Mongalima mpo ine botsangaa bwaiso bokoke. Totola a metema myaino, totsikeeli mito mbeko mbembe, totsimbengesi mito, totsilei yema ye mito. ³ Itsibayi ta fuko e bokwesi onu la une epome ngo oyo, fuko ine indeeka ala ine bobayi a metema myaiso a loko mpe a bumake isikani imoi laiso. ⁴ Lesumbeli motema nga ngino, leyakumesa mpo eino, lelyali a bobondesami, lelyali a yenanga a menyoko ngia meena osu. ⁵ Fuko ine, kwetetwana osu a Makedonia, bilongo byaiso bitsiyalaki a bohoomi; tonyokwamaki a ndenge kwitu: tuma a yewolo, boowa momolo. ⁶ Kasi Mongalima, ano ebondesa bane beeni, akatobondesi a botywani bo Tito, ⁷ mpe ta soko a botwani bowae, kasi aisia la bobondesi bone boteyalaka Tito yee mangine fuko eino: akatotangwela yeposa yefulaku yaino, bileli byaino, iyaala yaino mpo ela, la yelenge ine yenanga yeya yetele bonene. ⁸ Ata indeokokesaka onu bowaowa a yesali yetetomelake ngo onu, nziyatungesi tsina emotsi. Mpe la nzilengi, fuko ine leeni ine yo yesali yetetungesa onu, ata kwane etsitumoaka yo yesali. ⁹ Lee nangela yene yekeleko, ta fuko ine boteokokaka bowaowa, kasi ine bowaowa bwaino botelengesa metema myaino, fuko ine boteokokaka bowaowa andole e Mongalima, ine botsiungesi yema so yemoi. ¹⁰ Boyo, bowaowa ngi Mongalima bwaya bolengesi motema tsina e bumake bone botsikoki bolengesi motema so mwasa, kasi bowaowa bo mwano bokesya a loko. ¹¹ Mpe lita, bomotsi bowaoxa a ndole e Mongalima, mbi itsitusi wo ngino? Boyapetoli, nkanda, bowa, biposa bifulaku, iyaala, yetumbo, boenesaki felo e baito ine boyali tsangaa a lyo likita. ¹² La letomelaki on yesali oyo, itsiteyalaka ta tsina e ano mito etekelaka mbeko mbe, ata ta tsina e mito ano etekeelaka wo mbeko mbembe, ibayi nga tsina e yetsingia yeyale ngino felo e Mongalima. ¹³ Tsina emotsi ebondesami osu, kasi mbale e bobondesami bwaiso, tonangelaki bofela bweteli kwaisia a yenanga yee Tito, a yemotsi yelimo yeyalaki tatala a ndole eino kwatu. ¹⁴ Mpe la felo elae leyakumesaki a tsina eino, nzibulunganaki, kasi kune eteekelaka osu onu a ndenge e liekela, ine iyakumesi osu ngi Tito iyalaki mpe liekela. ¹⁵ Loondo lolae loketela bofela fuko eino, la likanesi li botosi bwaino a baito kwatu, mpe lifuki line limokeelaki onu la boangi mpe bongilimi. ¹⁶ Lenangeli boyaisii la ino a bahoyi ngia.